ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ

ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ - 651393 - ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ
ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ - Untitled design - ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ

​ເຈົ້າໜ້າ​ທີ່ ​ສປປ ​ເກົາຫລີ ​ແລະ ສ ​ເກົາຫລີ ​ໄດ້​ຈັດການ​ເຈລະຈາ​ກັນ​ໃນ​ວັນ​ທີ 26 ມິຖຸນາ​ນີ້ ​ເພື່ອ​ຫາລື​ໂຄງການ​ເສັ້ນທາງ​ລົດ​ໄຟ​ເຊື່ອມ​ຕາມ​ຊາຍ​ແດນ ​ເຊິ່ງຈະ​ສົ່ງ​ເສີມ​ການ​ພົວພັນ​ລະຫວ່າງ​ທັງ​ສອງ​ປະ​ເທດ​ໃນ​ແຫລມ​ເກົາຫລີ.

ການ​ຫາລື​ເລື່ອງ​ໂຄງການ​ລົດ​ໄຟ​ດັ່ງກ່າວ​ມີ​ຂຶ້ນ​ເປັນ​ເທື່ອ​ທຳ​ອິດ​ທີ່​ປັນ​ມູນ​ຈອມ​ໃນ​ເຂດ​ປອດ​ທະຫານ, ຫລັງ​ຈາກ​ທີ່​ມີ​ເສັ້ນທາງ​ລົດ​ໄຟ​ຢູ່​ແລ້ວ​ຈາກ​ເຊ​ອຸນ​ໄປ​ພຽງ​ຢາງ ​ແລະ ຊິນ​ອີ​ຈູ​ຕາມ​ຊາຍ​ແດນ​ຈີນ ​ເຊິ່ງ​ແຕ່​ກ່ອນ​ຍີ່ປຸ່ນ​ກໍ່ສ້າງ​ເອົາ​ໄວ້​ໃນຕົ້ນສະຕະວັດ​ທີ 20 ກ່ອນ​ເກີດ​ສົງຄາມ​ເກົາຫລີ ຈົນກະທັ້ງ​ແບ່ງ​ແຍກ​ ສປປ ​ເກົາຫລີ​ ​ແລະ ສ ​ເກົາຫລີ ມາ​ຫລາຍ​ສິບ​ປີ​ຈົນ​ເຖິງ​ປັດຈຸບັນ. ການ​ເຊື່ອມ​ລະບົບ​ເສັ້ນທາງ​ໄຟ ​ແລະ ການ​ປັບປຸງ​ໂຄງການ​ລົດ​ໄຟ ສປປ ​ເກົາຫລີ ທີ່​ມີ​ອາຍຸ​ໃຊ້​ງານ​ມາ​ດົນ​ໃຫ້​ທັນ​ສະ​ໄໝ​ຂຶ້ນ ຈະ​ຊ່ວຍ​ໃຫ້ ສ ​ເກົາຫລີ ​ເຊິ່ງອາ​ໄສລາຍ​ໄດ້​ຈາກ​ການ​ຄ້າ ສາມາດ​ເຊື່ອມ​ເສັ້ນທາງ​ທາງບົກ​ເຂົ້າສູ່​ຕະຫລາດ​ໃນ​ຈີນ, ຣັດ​ເຊຍ ​ແລະ ​ເອີຣົບ. ​ເຖິງ​ຢ່າງ​ໃດ​ກໍ​ຕາມ ການ​ດຳ​ເນີນ​ງານ​ຄັ້ງນີ້​ຈະ​ນຳ​ໄປ​ສູ່​ການ​ປ່ຽນ​ແປງ​ຢູ່​ແຫລມ​ເກົາຫລີ ​ເຊິ່ງປິດ​ກັ້ນການ​ສື່ສານ​ລະຫວ່າງ​ພົນລະ​ເຮືອນ ນັບ​ແຕ່​ແບ່ງ​ແຍກ​ປະ​ເທດ​ໃນ​ປີ 1953 ​ໃນ​ໄລຍະສິ້ນສຸດ​ສົງຄາມ​ເກົາຫລີ. ທ່ານ ກິມ ຈ໋ອງ ຢອນ ຫົວໜ້າ​ຄະນະ​ຜູ້​ແທນ ສ ​ເກົາຫລີ ກ່າວ​ວ່າ: ຈະ​ຕ້ອງ​ພິຈາລະນາ​ການ​ຍົກ​ເລີກ​ມາດ​ຕະການ​ຂວ້ຳບາດ​ກ່ອນ ​​ເຖິງ​ຈະ​ສາມາດ​ວິ​ໄຈ ​ແລະ ສຶກສາ​ຫາ​ແນວທາງ​ເພື່ອ​ດຳ​ເນີນ​ໂຄງການ​ຕ່າງໆ​ຕໍ່​ໄປ​ໄດ້.

ຂ່າວ​ໃຫ້​ຮູ້​ອີກ​ວ່າ: ກະ​ຊວງ​ປ້ອງ​ກັນ​ປະ​ເທດ ສ ເກົາ​ຫຼີ ​ເປີດ​ເຜີຍ​ໃນ​ວັນ​ທີ 25 ມິ​ຖຸ​ນາ​ນີ້​ວ່າ:  ສອງ​ຝ່າຍ​ເຫັນ​ວ່າເພື່ອ​ປະ​ຕິ​ບັດ​ຕາມ​ສັນ​ຍາໃນ​ຂົງ​ເຂດ​ການ​ທະ​ຫານ​ໃນ “ຖະ​ແຫຼງ​ການປັນ​ມູນ​ຈອມ”, ການ​ທີ່​ຟື້ນ​ຟູ​ສາຍ​ໂທ​ລະ​ສັບ​ລະ​ຫວ່າງ​ທະ​ຫານ​ສອງ​ຝ່າຍ​ແມ່ນ​ວຽກ​ງານ​ດ່ວນ​ທີ່​ສຸດ. ສອງ​ຝ່າຍ​ຕົກ​ລົງ​ວ່າ: ກ່ອນ​ອື່ນ​ຈະ​ປະ​ຕິ​ບັດ​ມາດ​ຕະ​ການ​ເພື່ອ​ເຮັດ​ໃຫ້​ສາຍ​ໂທ​ລະ​​ສັບ​ທາງການ​ທະ​ຫານ​ຢູ່​ເຂດ​ທະ​ເລ​ຕາ​ເວັນ​ຕົກ​ຂອງ​ແຫຼມ​ເກົາ​ຫຼີ​ສາ​ມາດ​ນຳ​ໃຊ້​​ໄດ້ເປັນ​ປົກ​ກະ​ຕິ. ​ສ່ວນສາຍ​ໂທ​ລະ​​ສັບ​ຢູ່​ເຂດ​ທະ​ເລ​ຕາ​ເວັນ​ອອກ​ຂອງ​ແຫຼມ​ເກົາ​ຫຼີ ​​ຍ້ອນ​ວ່າຖືກ​ທຳ​ລາຍ​ຈາກໄຟ​ໄໝ້ ​ຈຶ່ງຕ້ອງ​ການ​ເປີດ​ຄືນ​ໃໝ່, ສອງ​ຝ່າຍ​ຈະ​ສືບ​ຕໍ່​ປຶກ​ສາ​ຫາ​ລື​ກ່ຽວ​ກັບ​ບັນ​ຫາ​​ອຸ​ປະ​ກອນ, ເຄື່ອງ​​ອາ​ໄຫຼ່ ​ແລະ ​ໄລ​ຍະ​ເວ​ລາ​ທີ່​ຕ້ອງ​ການ​ ແລະ ​ບັນ​ຫາ​ອື່ນໆ.

ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ - Wave100S AD to Website 2020 0 - ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ
ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ - WhatsApp Image 2020 05 27 at 5 - ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ
ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ - WhatsApp Image 2020 05 27 at 5 - ສອງເກົາຫລີເຈລະຈາກັນເລື່ອງໂຄງການ ເສັ້ນທາງລົດໄຟເຊື່ອມຊາຍແດນ
error: Alert: ເນື້ອຫາຂ່າວມີລິຂະສິດ !!