ຣັດເຊຍຊຸມນຸມທົ່ວປະເທດ ຄັດຄ້ານເພີ່ມອາຍຸບຳນານ
July 2, 2018 - 6:57 PM
ຊາວຣັດເຊຍທີ່ຄັດຄ້ານຂໍ້ສະເໜີເພີ່ມອາຍຸບຳນານຂອງລັດຖະບານອອກມາຊຸມນຸມທົ່ວປະເທດ ໃນວັນທີ 1 ກໍລະກົດ ແຕ່ບໍ່ກະທົບເມືອງທີ່ກຳລັງເປັນເຈົ້າພາບບານໂລກ.
ລັດຖະບານຣັດເຊຍສະເໜີລັດຖະສະພາໃນເດືອນກ່ອນໃຫ້ທະຍອຍເພີ່ມອາຍຸບຳນານສຳລັບຜູ້ຊາຍຈາກ 60 ເປັນ 65 ປີ ແລະ ຜູ້ຍິງຈາກ 55 ເປັນ 63 ປີ ເພື່ອປະຢັດເງິນບຳນານທີ່ຕ້ອງຈ່າຍສະເລ່ຍ 14.000 ຣູເບິລຕໍ່ຄົນຕໍ່ເດືອນ. ບັນຫານີ້ສ້າງຄວາມບໍ່ພໍໃຈໄປທົ່ວວົງການການເມືອງຣັດເຊຍ ເຖິງວ່າມີແນວຄິດທາງການເມືອງແຕກຕ່າງກັນ ເພາະການຊຸມນຸມທົ່ວປະເທດຄັດຄ້ານການເພີ່ມອາຍຸບຳນານໄດ້ຮັບການສະໜັບສະໜູນຈາກພັກກອມມູນິດ, ພັກເສລີນິຍົມ ແລະ ກຸ່ມຂອງທ່ານ ອາເລັກຊີ ນາວັລນີ ທີ່ເປັນປໍລະປັກຂອງປະທານາທິບໍດີ ວະລາດິເມຍ ປູຕິນ.
