ພຽງ​ 6 ​ເດືອນຢູ່ນະຄອນຫລວງ​ວຽງຈັນມີ​ປະກົດການ​ຫຍໍ້ທໍ້​ເກີດ​ຂຶ້ນ 2 ພັນ​ກວ່າ​ເລື່ອງ

- Untitled 1 copy 5 - ພຽງ​ 6 ​ເດືອນຢູ່ນະຄອນຫລວງ​ວຽງຈັນມີ​ປະກົດການ​ຫຍໍ້ທໍ້​ເກີດ​ຂຶ້ນ 2 ພັນ​ກວ່າ​ເລື່ອງ
- Untitled design - ພຽງ​ 6 ​ເດືອນຢູ່ນະຄອນຫລວງ​ວຽງຈັນມີ​ປະກົດການ​ຫຍໍ້ທໍ້​ເກີດ​ຂຶ້ນ 2 ພັນ​ກວ່າ​ເລື່ອງ

​ທ່ານ​ພົນ​ຈັດຕະວາ ບຸບຜາ ສີ​ພົມມາ ຫົວໜ້າກອງ​ບັນຊາ​ການ ປກສ ນະຄອນຫລວງ​ວຽງຈັນ ​ໄດ້​ລາຍ​ງານ​ໃນ​ກອງ​ປະຊຸມ​ສະ​ໄໝສາມັນ​ເທື່ອ​ທີ 5 ສະພາ​ປະຊາຊົນນະຄອນຫລວງ​ວຽງຈັນ​ໃນ​ວັນ​ທີ 18 ກໍລະກົດນີ້ວ່າ: ​ໃນ​ໄລຍະ 6 ​ເດືອນ​ຜ່ານ​ມາ, ຢູ່ນະຄອນຫລວງ​ວຽງຈັນ ມີ​ປະກົດ​ການ​ຫຍໍ້​ທໍ້​ສັງຄົມ​ເກີດ​ຂຶ້ນ 2.000 ກວ່າ​​ເລື່ອງ, ​ໃນ​ນັ້ນບັນຫາ​ພົ້ນ​ເດັ່ນ​ແມ່ນ​ສະພາບ​ລັກ​ຊັບ​ພົນລະ​ເມືອງມີ 500 ກວ່າ​ເລື່ອງ, ຊື້-ຂາຍ​ຢາ​ເສບ​ຕິດ 365 ​ເລື່ອງ ​ແລະ ອື່ນໆ, ສ້າງ​ຜົນ​ເສຍ​ຫາຍກວ່າ 2 ພັນ​ລ້ານ​ກີບ, ລົດ​ໃຫຍ່ 6 ຄັນ, ລົດຈັກ 366 ຄັນ ​ແລະ ວັດຖຸ​ມີຄ່າ​ອື່ນໆ, ຕໍ່ສະພາບ​​ຫຍໍ້​ທໍ້​ດັ່ງກ່າວ, ກອງ​ບັນຊາ​ການ ປກສ ນະຄອນຫລວງ​ວຽງຈັນ​ໄດ້​ເພີ່ມ​ທະວີ​ການ​ເຄື່ອນ​ໄຫວ, ນຳ​ໃຊ້​ຫລາຍ​ມາດ​ຕະການ​​ເພື່ອ​ສະກັດ​ກັ້ນ, ​ເລີກ​ຮື້ ​ແລະ ​ແກ້​ໄຂ​ຢ່າງ​ແຂງ​ແຮງ, ​ເປັນ​ຕົ້ນ​ແມ່ນ​ໄດ້​ມ້າງ​ກຸ່ມ​ແກ້ງ​ລັກ​ລົດ 21 ກຸ່ມ​ຄື: ​ຢູ່ເມືອງ​ໄຊ​ເສດ​ຖາມີ 5 ກຸ່ມ, ​​ໄຊ​ທານີ 3 ກຸ່ມ, ​ຈັນທະ​ບູລີ 5 ກຸ່ມ ​ແລະ ​ ສີ​ສັດຕະ​ນາກ 8 ກຸ່ມ. ນອກ​ນີ້ຍັງ​ແກ້​ໄຂ​ພວກ​ລັກ​ລົດ​ເປັນ​ລາຍ​ບຸກຄົນ​ ຊຶ່ງສາມາດ​ກັກ​ຕົວ​ຜູ້​ກະທຳ​ຜິດ​ມາ​ດຳ​ເນີນ​ຄະດີ​ໄດ້ 75 ຄົນ, ຢຶດຂອງ​ກາງ​ລົດຈັກ 85 ຄັນ, ລົດ​ໃຫຍ່ 1 ຄັນ.

ຫົວໜ້າກອງ​ບັນຊາ​ການ ປກສ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ປະກົດ​ການ​ຫຍໍ້​ທໍ້​ດັ່ງກ່າວມີ​ລັກສະ​ນະ​ເພີ່ມ​ຂຶ້ນ, ​ເຮັດ​ໃຫ້ການ​ຕິດຕາມ​ແກ້​ໄຂ​ຂອງ​ເຈົ້າໜ້າທີ່​ພົບ​ຄວາມ​ຫຍຸ້ງຍາກ, ມີ​ຫລາຍ​ຄະດີ​ຕ້ອງ​ໃຊ້​ເວລາ​ແກ່ຍາວ​ໃນ​ການ​ຕິດຕາມ​ຜູ້​ກະທຳ​ຜິດ ແລະ ​ເປັນ​ຫົວ​ໂປ່​ຕົວ​ການ​ມາ​ດຳ​ເນີນຄະດີ.

- Wave100S AD to Website 2020 0 - ພຽງ​ 6 ​ເດືອນຢູ່ນະຄອນຫລວງ​ວຽງຈັນມີ​ປະກົດການ​ຫຍໍ້ທໍ້​ເກີດ​ຂຶ້ນ 2 ພັນ​ກວ່າ​ເລື່ອງ
- WhatsApp Image 2020 05 27 at 5 - ພຽງ​ 6 ​ເດືອນຢູ່ນະຄອນຫລວງ​ວຽງຈັນມີ​ປະກົດການ​ຫຍໍ້ທໍ້​ເກີດ​ຂຶ້ນ 2 ພັນ​ກວ່າ​ເລື່ອງ
- WhatsApp Image 2020 05 27 at 5 - ພຽງ​ 6 ​ເດືອນຢູ່ນະຄອນຫລວງ​ວຽງຈັນມີ​ປະກົດການ​ຫຍໍ້ທໍ້​ເກີດ​ຂຶ້ນ 2 ພັນ​ກວ່າ​ເລື່ອງ
error: Alert: ເນື້ອຫາຂ່າວມີລິຂະສິດ !!