ແມນຢູ ເລື່ອນຂຶ້ນມາຄອງອັນດັບທີ 2 ທີມກິລາມູນຄ່າສູງສຸດຂອງໂລກ

- news201807191122535 - ແມນຢູ ເລື່ອນຂຶ້ນມາຄອງອັນດັບທີ 2 ທີມກິລາມູນຄ່າສູງສຸດຂອງໂລກ
- Untitled design - ແມນຢູ ເລື່ອນຂຶ້ນມາຄອງອັນດັບທີ 2 ທີມກິລາມູນຄ່າສູງສຸດຂອງໂລກ

ຟອຣ໌ບ ສື່​ດ້ານ​ການ​ເງິນ​ລະດັບ​ໂລກ​ໄດ​້ຈັດ​ອັນ​ດັບທີ​ມກິລາ​ທີ່​ມີ​ມູນ​ຄ່າ​ສູງ​ສຸດ ​ເຊິ່ງ ​ແມນ​ເຊັສ​ເຕີ ຢູ​ໄນ​ເຕັດ ຄອງ​ອັນ​ດັບ 2, ສ່ວນ​ອັນ​ດັບ 1 ຍັງ​ເປ​ັນຂອງ ດັລລັສ ດາວ​ບອຍສ໌ ຄື​ເກົ່າ.

​ແມນ​ເຊັສ​ເຕີ ຢູ​ໄນ​ເຕັດ ສະ​ໂມ​ສອນບານ​ເຕະ​ຍັກ​ໃຫຍ່​ແຫ່ງ​ເວທີ ພຣີ​ເມຍ​ລີກ ອັງກິດ ຄອງ​ອັນ​ດັບ 2 ​ໃນ​ຕາຕະລາງ​ທີ​ມກິລາ​ທີ່​ມີ​ມູນ​ຄ່າ​ສູງ​ສຸດ​ຂອງ​ໂລກ ຈາກ​ການ​ມີ​ມູນ​ຄ່າ 4.123 ພັນ​ລ້ານ​ໂດ​ລາ​ສະຫະລັດ ຕາມ​ການຈັດ​ອັນ​ດັບ​ປະຈຳ​ປີ 2018 ຂອງ ຟອຣ໌ບ ສື່​ດ້ານ​ການ​ເງິນຊື່​ດັງ.

ສຳລັບ​ຕາຕະລາງ​ດັ່ງກ່າວ​ວັດ​ແທກ​ຈາກ​ການ​ເງິນ​ດ້ານ​ຕ່າງໆ​ຂອງ​ທີ​ມກິລາ​ທົ່ວ​ໂລກ​ໃນ​ປີຜ່ານມາ ​ເຊິ່ງມູນ​ຄ່າ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ​ເພີ່ມ​ຂຶ້ນຈາກ​ເທື່ອ​ກ່ອນ 12% ​ໂດຍ​ປີຜ່ານມາ ​ແມນຢູ່ ຢູ່​ອັນ​ດັບ 3 ​ໂດຍ​ນອກຈາກ ​ແມນ​ຢູ ​ແລ້ວ ຍັງ​ມີ​ທີ​ມບານ​ເຕະ​ອີກ 2 ທີ​ມທີ່​ຕິດ 10 ອັນ​ດັບ​ທຳ​ອິດ​ຂອງ​ຕາຕະລາງ​ນີ້ ​ໄດ​້​ແກ່ ຣີລ ມາດຣິດ ຄອງ​ອັນ​ດັບ 3 ດ້ວຍ​ມູນ​ຄ່າ 4.088 ພັນ​ລ້ານ​ໂດ​ລາ​ສະຫະລັດ ​ແລະ ບາ​ເຊ​ໂລ​ນາ ​ເປັນອັນ​ດັບ 4 ຈາກ​ມູນ​ຄ່າ 4.064 ພັນ​ລ້ານ​ໂດ​ລາ​ສະຫະລັດ.

ທັງ​ນີ້ ​ແຊ໊ມ​​ໃນ​ຕາຕະລາງ​ນີ້​ຍັງ​ຕົກ​ເປັນ​ຂອງ ດັລລັສ ຄາວ​ບອຍ ທີ​ມອາ​ເມ​ລິ​ກັນ​ຟຸດ​ບອລຊື່​ດັງ ຫລັງ​ຈາກ​ພວກ​ເຂົາ​ມີ​ມູນ​ຄ່າ 4.800 ພັນ​ລ້ານ​ໂດ​ລາ​ສະຫະລັດ ​ໂດຍ​ຖື​ເປັນ​ການ​ຄອງ​ແຊ໊ມປີ​ທີ 3 ຕິດ​ຕໍ່​ກັນ.

- Wave100S AD to Website 2020 0 - ແມນຢູ ເລື່ອນຂຶ້ນມາຄອງອັນດັບທີ 2 ທີມກິລາມູນຄ່າສູງສຸດຂອງໂລກ

ສະຫລຸບ 10 ອັນ​ດັບ​ທີ​ມກິລາ​ທີ່​ມີ​ມູນ​ຄ່າ​ສູງ​ສຸດ​ຂອງ​ໂລກ ຕາມ​ການຈັດ​ອັນ​ດັບ​ຂອງ ຟອຣ໌ບ ປະຈຳ​ປີ 2018 (​ໂຕ​ເລກ​ໃນ​ວົງ​ເລັບ​ໝາຍ​ເຖິງ​ອັນ​ດັບ​ໃນ​ປີ​ກ່ອນ):

  1. (1) ດັລລັສ ຄາວ​ບອຍ (ອາ​ເມ​ລິ​ກັນ​ຟຸດ​ບອລ) 4.800 ພັນ​ລ້ານ​ໂດ​ລາ​ສະຫະລັດ.
  2. (3) ​ແມນ​ເຊັສ​ເຕີ ຢູ​ໄນ​ເຕັດ (ບານ​ເຕະ) 4.123 ພັນ​ລ້ານ​ໂດ​ລາ​ສະຫະລັດ.
  3. (5) ຣີລ ມາດຣິດ (ບານ​ເຕະ) 4.088 ພັນ​ລ້ານ​ໂດ​ລາ​ສະຫະລັດ.
  4. (4) ບາ​ເຊ​ໂລ​ນາ (ບານ​ເຕະ) 4.064 ພັນ​ລ້ານ​ໂດ​ລາ​ສະຫະລັດ.
  5. (2) ນິວຢອກ ​ແຢງ​ກີ້ (​ເບ​ສບອລ) 4.000 ພັນ​ລ້ານ​ໂດ​ລາ​ສະຫະລັດ.
  6. (6) ນິວອິງ​ແລນ ​ແພ​ທຣິອອດ (ອາ​ເມ​ລິ​ກັນ​ຟຸດ​ບອລ) 3.700 ພັນ​ລ້ານ​ໂດ​ລາ​ສະຫະລັດ.
  7. (7) ນິວຢອກ ນິກ (ບາສ​ເກຕບອລ) 3.600 ພັນ​ລ້ານ​ໂດ​ລາ​ສະຫະລັດ.
  8. (9) ລອສ​ແອ​ງ​ເຈ​ລິ​ສ ​ເລ​ເກີ​ສ (ບາສ​ເກຕບອລ) 3.300 ພັນ​ລ້ານ​ໂດ​ລາ​ສະຫະລັດ.
  9. (8) ນິວຢອກ ​ໄຈ​ແອນ (ອາ​ເມ​ລິ​ກັນ​ຟຸດ​ບອລ) 3.300 ພັນ​ລ້ານ​ໂດ​ລາ​ສະຫະລັດ.
  10. (20) ​ໂກລ​ເດັ້ນ ສ​ເຕທ ວໍຣິ​ເຈິ (ບາສ​ເກຕບອລ) 3.100 ພັນ​ລ້ານ​ໂດ​ລາ​ສະຫະລັດ.
  11. (11) ວໍ​ຊິງ​ຕັນ ​ເຣັດສກິນ (ອາ​ເມ​ລິ​ກັນ​ຟຸດ​ບອລ) 3.100 ພັນ​ລ້ານ​ໂດ​ລາ​ສະຫະລັດ.
- WhatsApp Image 2020 05 27 at 5 - ແມນຢູ ເລື່ອນຂຶ້ນມາຄອງອັນດັບທີ 2 ທີມກິລາມູນຄ່າສູງສຸດຂອງໂລກ
- WhatsApp Image 2020 05 27 at 5 - ແມນຢູ ເລື່ອນຂຶ້ນມາຄອງອັນດັບທີ 2 ທີມກິລາມູນຄ່າສູງສຸດຂອງໂລກ
error: Alert: ເນື້ອຫາຂ່າວມີລິຂະສິດ !!