ການແກ້ໄຂອວ່າຍໜີ້ 3 ແຈຄືບໜ້າກວ່າ 80%

- Untitled design - ການແກ້ໄຂອວ່າຍໜີ້ 3 ແຈຄືບໜ້າກວ່າ 80%

ໃນກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ໄດ້ມີສະມາຊິກສະພາແຫ່ງຊາດ (ສສຊ) ຊັກຖາມລັດຖະບານກ່ຽວກັບການຈັດຕັ້ງປະຕິບັດກົນໄກອວ່າຍໜີ້ 3 ແຈໃນຜ່ານມາ ແລະ ທິດທາງໃນຕໍ່ໜ້າ, ເຊິ່ງບັນຫາດັ່ງກ່າວກໍໄດ້ຮັບການຊີ້ແຈງຈາກກະຊວງການເງິນວ່າ: ໜີ້ 3 ແຈ, ແມ່ນໜີ້ຂອງບັນດາທຸລະກິດຜູ້ປະຕິບັດໂຄງການລົງທຶນຂອງລັດ, ຊຶ່ງໄດ້ກູ້ຢືມຈາກທະນາຄານເພື່ອປະຕິບັດບັນດາໂຄງການຕ່າງໆຂອງລັດ, ໂດຍລັດຖະບານມີພັນທະຕ້ອງໄດ້ຊໍາລະຄືນຄ່າກໍ່ສ້າງໂຄງການລົງທຶນທີ່ບໍລິສັດໄດ້ປະຕິບັດໄປແລ້ວນັ້ນ. ເພື່ອແກ້ໄຂບັນຫາດັ່ງກ່າວ, ລັດຖະບານໄດ້ກໍານົດນະໂຍບາຍແກ້ໄຂໜີ້ສິນດ້ວຍຮູບແບບອວ່າຍໜີ້ 3 ແຈ ໂດຍໄດ້ແຕ່ງຕັ້ງຄະນະຮັບຜິດຊອບແກ້ໄຂໜີ້ສິນລະດັບຊາດ ປະກອບດ້ວຍກະຊວງການເງິນ, ກະຊວງແຜນການ ແລະ ການລົງທຶນ ແລະ ທະນາຄານແຫ່ງ ສປປ ລາວ, ຊຶ່ງໄດ້ແບ່ງຄວາມຮັບຜິດຊອບ ແລະ ໜ້າທີ່ຢ່າງຈະແຈ້ງ, ພ້ອມທັງມີກົນໄກປະສານສົມທົບ, ສ້າງນິິຕິກໍາເພື່ອກໍານົດຫລັກການ, ເງື່ອນໄຂ ແລະ ຂັ້ນຕອນການປະຕິບັດຢ່າງຊັດເຈນ. ສໍາລັບເງື່ອນໄຂໃນການອວ່າຍໜີ້ແມ່ນເປັນໂຄງການທີ່ສະພາແຫ່ງຊາດຮັບຮອງ, ປະຕິບັດໜ້າວຽກສໍາເລັດ 100%, ຜູ້ຮັບເໝົາໄດ້ນໍາເອົາໂຄງການ ຫລື ຫລັກຊັບອື່ນໄປເປັນຫລັກຊັບຄໍ້າປະກັນເງິນກູ້ຢືມຈາກບັນດາທະນາຄານຢູ່ພາຍໃນປະເທດ ເພື່ອຈັດຕັ້ງປະຕິບັດໂຄງການລົງທຶນດັ່ງກ່າວ.

ສໍາລັບກົນໄກການການອວ່າຍໜີ້ ແມ່ນລັດຖະບານປົດໜີ້ທຸລະກິດຢູ່ທະນາຄານ ໂດຍລັດຖະບານຮັບໜີ້ຈາກທະນາຄານດ້ວຍການອອກພັນທະບັດໄລຍະຍາວ, ຊຶ່ງໄດ້ປະຕິບັດຕາມຄວາມຮັບຜິດຊອບຂອງແຕ່ລະຂະແໜງການ ຄື: ທະນາຄານແຫ່ງ ສປປ ລາວ ກວດກາສັນຍາເງິນກູ້ຢືມຂອງບັນດາບໍລິສັດທີ່ໄດ້ກູ້ຢືມເງິນຢູ່ນໍາບັນດາທະນາຄານ ແລະ ຢັ້ງຢືນຄວາມຖືກຕ້ອງເປົ້າໝາຍການກູ້ຢືມ, ກະຊວງແຜນການ ແລະ ການລົງທຶນ ຮັບຜິດຊອບໃນການກໍານົດເງື່ອນໄຂການອວ່າຍໜີ້, ສັງລວມໜີ້ສິນໂຄງການລົງທຶນຂອງລັດທີ່ສອດຄ່ອງກັບເງື່ອນໄຂທີ່ກໍານົດ, ກວດກາຄວາມຖືກຕ້ອງຂອງບັນດາໂຄງການຕາມເງື່ອນໄຂທີ່ໄດ້ກໍານົດ, ຄົ້ນຄວ້າຈັດສັນທຶນເພື່ອອວ່າຍໜີ້ໃຫ້ແຕ່ລະໂຄງການ, ແຈ້ງໃຫ້ບັນດາກະຊວງ, ແຂວງ ແລະ ບໍສິລັດເພື່ອຊາບ ແລະ ປະຕິບັດ, ພ້ອມທັງ ຢັ້ງຢຶນແຜນການຈັດສັນໃຫ້ກະຊວງການເງິນເພື່ອຊໍາລະສະສາງ, ສ່ວນກະຊວງການເງິນປະຕິບັດການຊໍາລະຕາມການຈັດສັນ ແລະ ຢັ້ງຢຶນຈາກກະຊວງແຜນການ ແລະ ການລົງທຶນ, ກໍານົດລະບຽບການປະກອບເອກະສານຕ່າງໆ, ດໍາເນີນຂັ້ນຕອນການອອກພັນທະບັດລັດຖະບານ ເພື່ອໃຫ້ບັນດາທະນາຄານປົດໜີ້ ໃຫ້ບັນດາບໍລິສັດ ແລະ ຜ່ານການຈັດຕັ້ງປະຕິບັດມາຮອດປັດຈຸບັນສໍາເລັດການມອບ-ຮັບພັນທະບັດ ແລະ ປົດໜີ້ຕົວຈິງແລ້ວປະມານ 86% ຂອງແຜນການແກ້ໄຂ.

- Wave100S AD to Website 2020 0 - ການແກ້ໄຂອວ່າຍໜີ້ 3 ແຈຄືບໜ້າກວ່າ 80%

ສໍາລັບທິດທາງ ແລະ ມາດຕະການແກ້ໄຂໃນຕໍ່ໜ້າເຫັນວ່າການແກ້ໄຂໜີ້ສິນດ້ວຍຮູບການອ່ວາຍໜີ້ 3 ແຈ ເປັນພຽງມາດຕະການແກ້ໄຂສະເພາະໜ້າເທົ່ານັ້ນ, ສ່ວນໄລຍະຍາວ ໂດຍສະເພາະໃນອີກ 2-3 ປີຂ້າງໜ້າ ແຕ່ລະປີແມ່ນຈະຕ້ອງໄດ້ສຸມໃສ່ແກ້ໄຂໜີ້ໂຄງການລົງທຶນທີ່ສໍາເລັດ 100% ແລະ ໂຄງການສືບຕໍ່ເປັນຕົ້ນຕໍ, ໂຄງການຂຶ້ນແຜນຊໍາລະຕາມງວດງົບປະມານ 6 ເດືອນປະຈໍາປີ, ຈໍາກັດການສ້າງໜີ້ຂຶ້ນໃໝ່ (ໂຄງການໃໝ່) ແລະ ໂຄງການນອກແຜນອື່ນໆ.

- WhatsApp Image 2020 05 27 at 5 - ການແກ້ໄຂອວ່າຍໜີ້ 3 ແຈຄືບໜ້າກວ່າ 80%
- WhatsApp Image 2020 05 27 at 5 - ການແກ້ໄຂອວ່າຍໜີ້ 3 ແຈຄືບໜ້າກວ່າ 80%
error: Alert: ເນື້ອຫາຂ່າວມີລິຂະສິດ !!