ຄະນະກຳມະການສະເພາະກິດແກ້ໄຂໄພພິບັດລະດັບຊາດວາງແຜນຊ່ວຍເຫລືອຜູ້ປະສົບໄພນໍ້າຖ້ວມທີ່ອັດຕະປື

- Commitee Phaiphibat - ຄະນະກຳມະການສະເພາະກິດແກ້ໄຂໄພພິບັດລະດັບຊາດວາງແຜນຊ່ວຍເຫລືອຜູ້ປະສົບໄພນໍ້າຖ້ວມທີ່ອັດຕະປື
- Untitled design - ຄະນະກຳມະການສະເພາະກິດແກ້ໄຂໄພພິບັດລະດັບຊາດວາງແຜນຊ່ວຍເຫລືອຜູ້ປະສົບໄພນໍ້າຖ້ວມທີ່ອັດຕະປື

  ກອງປະຊຸມຄະນະສະເພາະກິດແກ້ໄຂໄພພິບັດລະດັບຊາດຢູ່ແຂວງອັດຕະປື, ໄດ້ຈັດຂຶ້ນໃນວັນທີ 26 ກໍລະກົດນີ້ທີ່ຫ້ອງວ່າການສໍານັກງານນາຍົກລັດຖະມົນຕີ, ໂດຍການເປັນປະທານຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທັງເປັນປະທານຄະນະກຳມະການສະເພາະກິດແກ້ໄຂໄພພິບັດລະດັບຊາດ, ໂດຍສະເພາະຢູ່ເມືອງສະໜາມໄຊແຂວງດັ່ງກ່າວ ໂດຍໄດ້ແບ່ງໜ້າທີ່ຮັບຜິດຊອບຂອງອະນຸກຳມະການແຕ່ລະພາກສ່ວນ ຕາມການແຕ່ງຕັ້ງຂອງທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໃນວັນທີ 25 ກໍລະກົດນີ້, ເຊິ່ງມີພາລະບົດບາດໜ້າທີ່ເປັນໃຈກາງໃນການປະສານສົບທົບກັບພາກສ່ວນທີ່ກ່ຽວຂ້ອງທັງສູນກາງ ແລະ ທ້ອງຖິ່ນ ເພື່ອແກ້ໄຂບັນຫາອຸທົກກະໄພທີ່ມີຜົນກະທົບຕໍ່ປະຊາຊົນ, ຊ່ວຍເຫລືອຜູ້ຖືກຜົນກະທົບໃຫ້ທົ່ວເຖິງ ແລະ ເຂົ້າສູ່ສະພາບປົກກະຕິ; ປະເມີນຜົນເສຍຫາຍ, ວາງແຜນການຊ່ວຍເຫລືອບັນເທົາທຸກ ແລະ ຟື້ນຟູຊີ ວິດການເປັນຢູ່; ວາງແຜນພັດທະນາໃນເຂດທີ່ໄດ້ຮັບຜົນກະທົບ ຈາກໄພພິບັດໃນໄລຍະຍາວເພື່ອໃຫ້ປະຊາຊົນມີອາຊີບຖາວອນ; ຊອກຫາສາເຫດ ທີ່ພາໃຫ້ເກີດອຸປະຕິເຫດ ເພື່ອຊອກຫາວິທີ່ແກ້ໄຂໃນໄລ ຍະຍາວ; ໂຄສະນາປະຊາສຳພັນທຸກສະພາບຄວາມຄືບໜ້າ ໃນການຈັດຕັ້ງປະຕິບັດຂອງພາກສ່ວນທີ່ກ່ຽວຂ້ອງ ແລະ ວາງແຜນເຕືອນໄພພິບັດ, ພ້ອມທັງຮັບການຊ່ວຍເຫລືອທຸກຮູບແບບ; ຄົ້ນຄວ້າປະເມີນທາງດ້ານການອອກແບບ, ເຕັກນິກໃນໂຄງການກໍ່ສ້າງເຂື່ອນໄຟຟ້າ, ເຂື່ອນກັ້ນນໍ້າ ແລະ ເສັ້ນທາງ, ຜົນກະທົບທາງດ້ານສັງຄົມ ແລະ ສິ່ງແວດລ້ອມ; ພ້ອມສັງລວມ ວາງແຜນເຕືອນໄພພິບັດ, ເກັບຂໍ້ມູນຄວາມເສຍຫາຍ ເພື່ອລາຍງານຂັ້ນເທິງໃຫ້ທິດຊີ້ນຳ.

- Wave100S AD to Website 2020 0 - ຄະນະກຳມະການສະເພາະກິດແກ້ໄຂໄພພິບັດລະດັບຊາດວາງແຜນຊ່ວຍເຫລືອຜູ້ປະສົບໄພນໍ້າຖ້ວມທີ່ອັດຕະປື
- WhatsApp Image 2020 05 27 at 5 - ຄະນະກຳມະການສະເພາະກິດແກ້ໄຂໄພພິບັດລະດັບຊາດວາງແຜນຊ່ວຍເຫລືອຜູ້ປະສົບໄພນໍ້າຖ້ວມທີ່ອັດຕະປື
- WhatsApp Image 2020 05 27 at 5 - ຄະນະກຳມະການສະເພາະກິດແກ້ໄຂໄພພິບັດລະດັບຊາດວາງແຜນຊ່ວຍເຫລືອຜູ້ປະສົບໄພນໍ້າຖ້ວມທີ່ອັດຕະປື
error: Alert: ເນື້ອຫາຂ່າວມີລິຂະສິດ !!