ນ້ຳຖ້ວມຈາກເຂື່ອນທະລຸໃນລາວ ໄຫລຖ້ວມເນື້ອທີ່ນາຫວຽດນາມ

- advert banner 728 90 728x90 - ນ້ຳຖ້ວມຈາກເຂື່ອນທະລຸໃນລາວ ໄຫລຖ້ວມເນື້ອທີ່ນາຫວຽດນາມ

​ເຈົ້າໜ້າ​ທີ່​ຫວຽດນາມ​ເປີດ​ເຜີຍ​ວ່າ: ນ້ຳຖ້ວມ​ຈາກ​ເຂື່ອນທະລຸ​ໃນລາວ​ໄດ້​ໄຫລ​ເຂົ້າມາ​ຖ້ວມ​ເນື້ອທີ່​ນາ​ເຂດ​ລຸ່ມ​ແມ່ນ້ຳຂອງ​ໃນ​ຫວຽດນາມ, ​ແຕ່​ສ້າງ​ຄວາມ​ເສຍ​ຫາຍ​ຢ່າງ​ຈຳກັດ ​ແລະ ບໍ່​ອາດ​ຈະ​ກະທົບ​ຕໍ່​ການ​ສົ່ງ​ອອກ​ເຂົ້າຂອງ​ຫວຽດນາມ.

ຮອງ​ອະທິບ​ໍດີ​ກົມ​ການ​​ເພາະ​ປູກ ກະຊວງ​ກະສິກຳ ​ແລະ ພັດທະນາ​ຊົນນະບົດ​ຂອງ​ຫວຽດນາມ ​ເປີດ​ເຜີຍ​ວ່າ: ນ້ຳຖ້ວມ​ທີ່​ໄຫລ​ມາ​ຈາກ​ເຂື່ອນ​ເຊ​ປຽນ-​ເຊ​ນ້ຳນ້ອຍ ​ແຂວງ​ອັດ​ຕະປື ​ໃນ​ລາວ ທະລຸ​ໃນ​ວັນ​ທີ 23 ກໍລະກົດ​ຜ່ານ​ມາ ​ເປັນ​ອຸປະສັກ​ຕໍ່​ການ​ປູກ​ເຂົ້າ​ໃນ​ບາງ​ພື້ນທີ່ ​ໂດຍ​ສະ​ເພາະ​​ແຂວງ​ບໍລິ​ເວນ​ສາມຫລ່ຽມ​ລຸ່ມ​ແມ່ນ້ຳຂອງ​ເຊັ່ນ: ດົງ​ທາ​ບ, ລອງ​ອານ ​ແລະ ອານ​ຊາງ ​ເພາະ​ລະດັບ​ນ້ຳບໍລິ​ເວ​ນນີ້​ເພີ່ມ​ຂຶ້ນ 7-10 ຊັງ​ຕີ​ແມັດ ນັບ​ແຕ່​ເຂື່ອນ​ທະລຸ ​ເປັນ​ແຫ​ລ່ງປູກ​ເຂົ້າ​ໃຫຍ່​ທີ່​ສຸດ​ຂອງ​ຫວຽດນາມ ​ເຊິ່ງ​ເປັນ​ຜູ້​ສົ່ງ​ອອກ​ເຂົ້າອັນ​ດັບ​ສາມ​ຂອງ​ໂລກ​ຮອງ​ຈາກ​ອິນ​ເດຍ ​ແລະ ​ໄທ.

- 1 1 - ນ້ຳຖ້ວມຈາກເຂື່ອນທະລຸໃນລາວ ໄຫລຖ້ວມເນື້ອທີ່ນາຫວຽດນາມ
- lattana 1 - ນ້ຳຖ້ວມຈາກເຂື່ອນທະລຸໃນລາວ ໄຫລຖ້ວມເນື້ອທີ່ນາຫວຽດນາມ

​ ​ເຖິງ​ຢ່າງ​ໃດ​ກໍ​ດີ, ຄາດ​ວ່າຄວາມ​ເສຍ​ຫາຍ​ຈະ​ຢູ່​ໃນ​ວົງ​ຈຳກັດ ​ເນື່ອງ​ຈາກ​ຊາວນາ​ໄດ້​ເກັບ​ກ່ຽວ​ເຂົ້າ​ໄປ​ແລ້ວ​ຫລາຍ​ກວ່າ 40% ກ່ອນ​ລະດູ​ເກັບ​ກ່ຽວ​ຈະ​ສິ້ນສຸດ​ໃນ​ອີກ 15-20 ວັນ. ກ່ອນ​ໜ້າ​ນີ້​ມີ​ກາ​ນພະຍາກອນ​ວ່າ: ລຸ່ມ​ແມ່ນ້ຳຂອງ​ຈະ​ເຂົ້າສູ່​ລະດູ​ນ້ຳຫລາຍ​ໃນ​ວັນ​ທີ 5-7 ສິງຫາ​ນີ້, ​ແຕ່​ນ້ຳຖ້ວມ​ຈາກ​ລາວ​ເຮັດ​ໃຫ້​ເກີດ​ນ້ຳຫລາຍ​ໄວ​ຂຶ້ນ. ກະຊວງ​ກະສິກຳ ​ແລະ ພັດທະນາ​ຊົນນະບົດ​ຂອງ​ຫວຽດນາມ ​ເປີດ​ເຜີຍ​ວ່າ: ຊາວນາ​ປູກ​ເຂົ້າ​ໃນ​ລະດູ​ນີ້​​ແລ້ວ​ຫລາຍ​ກວ່າ 10,56 ລ້ານ​ໄລ່ ຄາດ​ວ່າ​ຈະ​ໄດ້​ຮັບ​ຜົນ​ຜະລິດ​ປະມານ 9,51 ລ້ານ​ໂຕນ ​ເພີ່ມ​ຂຶ້ນ 3% ຈາກ​ປີ​ກ່ອນ.

error: Content is protected !!