ລາຍຮັບຂອງແມ່ຍິງລາວຍັງບໍ່ເທົ່າທຽມກັບເພດຊາຍ

- advert banner 728 90 728x90 - ລາຍຮັບຂອງແມ່ຍິງລາວຍັງບໍ່ເທົ່າທຽມກັບເພດຊາຍ

- become 300x200 - ລາຍຮັບຂອງແມ່ຍິງລາວຍັງບໍ່ເທົ່າທຽມກັບເພດຊາຍ     ຜູ້ຕາງໜ້າອົງການສະຫະປະຊາຊາດ ກອງທຶນສຳລັບປະຊາກອນ (UNFPA) ໃຫ້ຮູ້ໃນກອງປະຊຸມສຳມະນາຫົວຂໍ້ “ແມ່ຍິງ-ສ້າງທາງເລືອກຊີວິດຂອງທ່ານເອງ” ທີ່ຈັດຂຶ້ນຢູ່ສູນວັດທະນະທຳອາເມລິກາປະຈຳລາວ ນະຄອນຫລວງວຽງຈັນ ໃນວັນທີ 7 ມີນານີ້ວ່າ: ປັດຈຸບັນຢູ່ ສປປ ລາວ ເຫັນວ່າອັດຕາກຳລັງແຮງງານເພດຍິງປະກອບສ່ວນເຂົ້າໃນຕະຫລາດແຮງງານມີຈຳນວນເພີ່ມຂຶ້ນປະມານ 79%. ຂະນະທີ່ເພດຊາຍກວມປະມານ 81%. ແນວໃດກໍຕາມ, ບັນຫາທີ່ກະທົບຕໍ່ກຳລັງແຮງງານເພດຍິງຍັງແມ່ນດ້ານລາຍຮັບ ເນື່ອງຈາກເງິນເດືອນຂອງແມ່ຍິງແມ່ນພຽງແຕ່ 2/3 ຂອງເພດຊາຍ, ຄວາມບໍ່ເທົ່າທຽມດັ່ງກ່າວເປັນສິ່ງທ້າທາຍໃນດ້ານສິດສະເໝີພາບລະຫວ່າງຍິງ-ຊາຍ. ດັ່ງນັ້ນ ການສະເຫລີມສະຫລອງວັນແມ່ຍິງສາກົນ 8 ມີນາຂອງແຕ່ລະປີ ສ່ວນໃຫຍ່ແມ່ນຈະເວົ້າເຖິງການຢຸດຄວາມບໍ່ເທົ່າທຽມ ແລະ ສົ່ງເສີມຄວາມສະເໝີພາບລະຫວ່າງຍິງ-ຊາຍໃນດ້ານເສດຖະກິດ-ສັງຄົມເປັນຕົ້ນຕໍ.

- new3 - ລາຍຮັບຂອງແມ່ຍິງລາວຍັງບໍ່ເທົ່າທຽມກັບເພດຊາຍ

ການສຳມະນາຄັ້ງນີ້ ຍັງໄດ້ເຊີນຕົວແທນແມ່ຍິງຈຳນວນໜຶ່ງທີ່ມາຈາກຫລາຍສາຂາອາຊີບທີ່ປະສົບຜົນສຳເລັດໃນວຽກງານ ເປັນຕົ້ນພະນັກງານທະນາຄານ, ນັກຮ້ອງ-ນັກສະແດງ, ນັກກິລາ, ອາຈານສອນ. ພິເສດມີທ່ານເອກອັກຄະລັດຖະທູດອາເມລິກາປະຈຳລາວເຂົ້າຮ່ວມສົນທະນາ ແລະ ບັນຍາຍກ່ຽວກັບຜົນສຳເລັດໃນຊີວິດ, ພ້ອມທັງໃຫ້ຄຳຄິດເຫັນ ເພື່ອຊ່ວຍໃນການເລືອກເສັ້ນທາງການເຮັດວຽກຂອງໄວໜຸ່ມລາວ.

ການສຳມະນາດັ່ງກ່າວຈັດຂຶ້ນໂດຍອົງການ UNFPA ເນື່ອງໃນໂອກາດສະເຫລີມສະຫລອງວັນແມ່ຍິງສາກົນ 8 ມີນາ ຄົບຮອບ 107 ປີ ໂດຍມີຜູ້ຕາງໜ້າຈາກອົງການຈັດຕັ້ງສາກົນປະຈຳລາວ, ຜູ້ປະກອບການ, ຄູອາຈານ ແລະ ນັກຮຽນ-ນັກສຶກສາເຂົ້າຮ່ວມຈຳນວນຫລາຍ ເພື່ອແນໃສ່ສ້າງແຮງບັນດານໃຈຜ່ານການສົນທະນາກັບແມ່ຍິງທີ່ປະສົບຜົນສຳເລັດ ແລະ ສາມາດໃຫ້ຄຳເຫັນທີ່ດີໃນການເລືອກອາຊີບໃນອະນາຄົດແກ່ໄວໜຸ່ມ ໂດຍສະເພາະແມ່ນໄວໜຸ່ມຍິງ.

error: Content is protected !!