ຮອງປະທານປະເທດ ໂອ້ລົມພະນັກງານຫລັກແຫລ່ງ ແຂວງອຸດົມໄຊ

- phankham - ຮອງປະທານປະເທດ ໂອ້ລົມພະນັກງານຫລັກແຫລ່ງ ແຂວງອຸດົມໄຊ
- Untitled design - ຮອງປະທານປະເທດ ໂອ້ລົມພະນັກງານຫລັກແຫລ່ງ ແຂວງອຸດົມໄຊ

ໃນໂອກາດຢ້ຽມຢາມ ແລະ ເຮັດວຽກຢູ່ບັນດາແຂວງພາກເໜືອຂອງ​ທ່ານ ພັນ​ຄຳ ວິພາ​ວັນ ຮອງ​ປະທານ​ປະ​ເທດ ​ເຊິ່ງໃນຕອນເຊົ້າວັນທີ 9 ສິງຫານີ້ ທ່ານໄດ້​ໃຫ້​ກຽດພົບປະໂອ້ລົມບັນດາການນຳ ແລະ ພະນັກງານຫລັກແຫລ່ງແຂວງອຸດົມ​ໄຊ ​ເພື່ອ​ແນະນຳ​ໃຫ້​ອຳນາດ​ການ​ປົກຄອງ​ແຂວງ​ເອົາ​ໃຈ​ໃສ່ ຊ່ວຍເຫລືອປະຊາຊົນຜູ້ປະສົບໄພພິບັດທຳ​ມະ​ຊາດ ​ເຊິ່ງພວມ​ປະສົບ​ຢູ່​ໃນ​ປັດຈຸບັນ​ນີ້​ໃຫ້ຮີບດ່ວນ ແລະ ທົ່ວ​ເຖິງ ​ເພື່ອ​ເຂົາ​ເຈົ້າ​ໄດ້​ມີ​ເງື່ອນ​ໄຂ​ປົວ​ແປງ​ຊີວິດ​ການ​ເປັນ​ຢູ່​ໃຫ້​ດີ​ຂຶ້ນ ​ແລະ ສາມາດ​ຟື້ນຟູ​ການ​ຜະລິດ​ຄືນ​ໃໝ່​ໄດ້​ໂດຍ​ໄວ. ​ເພື່ອ​ຢາກ​ໄດ້​ແນວ​ນີ້ ການ​ນຳ​ແຂວງ​ຕ້ອງ​ເປັນ​ເຈົ້າການ​ລົງ​ໃກ້ຊິດຕິດ​ແທດ​ກັບ​ປະຊາຊົນ​ຜູ້​ປະສົບ​ໄພ​ດັ່ງກ່າວ ​ເພື່ອ​ຊອກ​ໃຫ້​ເຫັນ​ບັນຫາ​ອັນ​ຮີບ​ດ່ວນ ​ແລະ ຈຳ​ເປັນ ​ເພື່ອ​ຊ່ວຍ​ເຫລືອ​ເຂົາ​ເຈົ້າ​ໃຫ້​ທັນ​ການ ​ແລະ ພ້ອມ​ນັ້ນກໍ​ຕ້ອງ​ເປັນ​ເຈົ້າການ​ກະກຽມ​ປັບປຸງ​ປົວ​ແປງ​ພື້ນຖານ​ໂຄງ​ລ່າງ, ຖະໜົນ​ຫົນທາງ ​ແລະ ລະບົບ​ນ້ຳຊົນລະປະທານ​ໃຫ້​ຮັບປະກັນ ​ເພື່ອ​ສ້າງ​ເງື່ອນ​ໄຂ ​ແລະ ອຳນວຍ​ຄວາມ​ສະດວກ​ໃຫ້​ປະຊາຊົນ​ໃນ​ເຂດ​ປະສົບ​ໄພ​ສາມາດ​ຜະລິດ​ຄືນ​ໃໝ່​ໄດ້​ມີ​ປະສິດທິພາບ.

​ໃນ​ໂອກາດ​ນີ້, ທ່ານ​ຮອງ​ປະທານ​ປະ​ເທດ ຍັງ​ໄດ້​ເນັ້ນ​ໃຫ້​ແຂວງ​ເພີ່ມ​ທະວີ​ເຕົ້າ​ໂຮມ​ຄວາມ​ສາມັກຄີ​ຂອງ​ປະຊາຊົນ​ບັນດາ​ເຜົ່າ​ໃຫ້​ເປັນ​ປຶກ​ແຜ່ນ, ຮ່ວມ​ແຮງ​ຮ່ວມ​ໃຈ​ຊ່ວຍ​ເຫລືອ​ເຊິ່ງກັນ ​ແລະ ກັນ​ໃຫ້​ສາມາດ​ຜ່ານ​ຜ່າ​ໄພ​ທຳ​ມະ​ຊາດ​ຄັ້ງນີ້​ໃຫ້​ດີ​ທີ່​ສຸດ ​ແລະ ​ເນັ້ນ​ໃຫ້​ເອົາ​ໃຈ​ໃສ່​ນຳພາ​ປະຊາຊົນ​ສຸມ​ໃສ່​ພັດທະນາ​ເສດຖະກິດ-ສັງຄົມ​ຂອງ​ທ້ອງ​ຖິ່ນ​ໃຫ້​ເຕີບ​ໃຫຍ່​ຂະຫຍາຍຕົວ, ຖື​ເອົາ​ການ​ສຶກສາ​ອົບຮົມ​ການ​ເມືອງ​ແນວ​ຄິດ​ໃຫ້​ເລິກ​ເຊິ່ງ ​ແລະ ​ເປັນ​ເຈົ້າການ​ປະຕິບັດ​ແນວທາງ​ນະ​ໂຍບາຍ​ຂອງ​ພັກ, ລະບຽບ​ກົດໝາຍ​ຂອງ​ລັດ​ເຂົ້າສູ່​ວຽກ​ງານ​ຕົວ​ຈິງ​ຂອງ​ຕົນ​ຢ່າງ​ມີ​ປະສິດທິພາບ, ສ້າງ​ໃຫ້​ແຂວງ​ມີ​ສະຖຽນ​ລະ​ພາບ ​ແລະ ສະຫງົບ​ປອດ​ໄພ.

- Wave100S AD to Website 2020 0 - ຮອງປະທານປະເທດ ໂອ້ລົມພະນັກງານຫລັກແຫລ່ງ ແຂວງອຸດົມໄຊ
- WhatsApp Image 2020 05 27 at 5 - ຮອງປະທານປະເທດ ໂອ້ລົມພະນັກງານຫລັກແຫລ່ງ ແຂວງອຸດົມໄຊ
error: Alert: ເນື້ອຫາຂ່າວມີລິຂະສິດ !!