8 ໜ້າວຽກທີ່ຮີບດ່ວນ​ໃນ​ການ​ຊ່ວຍ​ເຫລືອ​ຜູ້​ປະສົບ​ໄພນໍ້າຖ້ວມ

- attapeuu - 8 ໜ້າວຽກທີ່ຮີບດ່ວນ​ໃນ​ການ​ຊ່ວຍ​ເຫລືອ​ຜູ້​ປະສົບ​ໄພນໍ້າຖ້ວມ
- Untitled design - 8 ໜ້າວຽກທີ່ຮີບດ່ວນ​ໃນ​ການ​ຊ່ວຍ​ເຫລືອ​ຜູ້​ປະສົບ​ໄພນໍ້າຖ້ວມ

ທ່ານ ອຸ່ນຫລ້າ ໄຊຍະສິດ ຮອງເຈົ້າແຂວງອັດຕະປື ໃຫ້ຮູ້ວ່າ: ການແກ້ໄຂ ແລະ ຊ່ວຍເຫລືອປະຊາຊົນເມືອງສະໜາມໄຊແຂວງອັດຕະປື ທີ່ໄດ້ຮັບຜົນກະທົບຈາກໂຄງການກໍ່ສ້າງເຂື່ອນໄຟຟ້າເຊປຽນ-ເຊນ້ຳນ້ອຍ​ໃນ​ວັນ​ທີ 23 ກໍລະກົດຜ່ານມານັ້ນ, ແມ່ນປະກອບມີ 8 ໜ້າວຽກຮີບດ່ວນທີ່ຈະຕ້ອງສືບຕໍ່ປະຕິບັດ ຄື: ສືບຕໍ່ຊອກຄົ້ນ ແລະ ເກັບກູ້ຊາກສົບໃນຈຳນວນທີ່ບໍ່ທັນພົບເຫັນ (97 ຄົນ), ສືບຕໍ່ປຸກສ້າງ ແລະ ຈັດຫາທີ່ພັກຊົ່ວຄາວໃຫ້ແກ່ປະຊາຊົນຜູ້ທີ່ມາພັກຢູ່ສູນພັກ​ເຊົາຕ່າງໆໃຫ້ສໍາເລັດໂດຍໄວ ເພື່ອຫລຸດຜ່ອນຄວາມແອອັດ, ສືບຕໍ່ສົ່ງທີມງານລົງເກັບກຳຂໍ້ມູນການປະເມີນຜົນກະທົບດ້ານເສດຖະກິດ, ສັງຄົມ ແລະ ສິ່ງແວດລ້ອມ, ສືບຕໍ່ຊ່ວຍເຫລືອ ແລະ ບັນເທົາທຸກປະຈຳວັນ ເປັນຕົ້ນ: ດ້ານສຸຂະພິບານ, ການກິນຢູ່ ແລະ ອື່ນໆ, ສືບຕໍ່ເລັ່ງເກັບກຳຈຳນວນຜູ້ປະສົບໄພໃນແຕ່ລະສູນ ເພື່ອອອກບັດໃຫ້ສຳເລັດໂດຍໄວ, ສືບຕໍ່ຊຸກຍູ້ ​ແລະ ຕິດຕາມການສ້ອມແປງຂົວ-ທາງ ຈາກເທດສະບານແຂວງໄປຫາເທດສະບານເມືອງສະໜາມໄຊ, ສືບຕໍ່ຈ່າຍເງິນແຮເບື້ອງຕົ້ນຈຳນວນ 500.000 ກີບຕໍ່ຄອບຄົວໃຫ້ສຳເລັດ ​ແລະ ສືບ​ຕໍ່​ອອກ​ຖະ​ແຫລ​ງການ​ປະຈຳ​ວັນເພື່ອ​ລາຍ​ງານ​ຄວາມ​ຄືບໜ້າກ່ຽວກັບວຽກງານຕ່າງໆ. ສ່ວນ​ແຜນຟື້ນຟູ​ໄລຍະ​ກາງ ​ແລະ ​ໄລຍະ​ຍາວ​ແມ່ນຈະໄດ້ສັງ​ລວມ​ຂໍ້​ມູນ​ຜົນ​ກະທົບ​ທັງໝົດ ເພື່ອວາງ​ແຜນ​ຟື້ນ​ຟູ​ພື້ນຖານ​ໂຄງ​ລ່າງ​ ​ແລະ ​ເນື້ອ​ທີ່​ເພື່ອ​ຮອງຮັບການ​ກໍ່ສ້າງ​ທີ່​ພັກ​ຖາວອນ ລວມເຖິງ​ເນື້ອ​ທີ່​ສຳ​ລັບ​ຈັດ​ສັນ​ອາຊີບ​ການ​ຜະລິດ​ໃຫ້​​ຜູ້ປະສົບໄພ​ຄັ້ງ​ນີ້.

- Wave100S AD to Website 2020 0 - 8 ໜ້າວຽກທີ່ຮີບດ່ວນ​ໃນ​ການ​ຊ່ວຍ​ເຫລືອ​ຜູ້​ປະສົບ​ໄພນໍ້າຖ້ວມ
- WhatsApp Image 2020 05 27 at 5 - 8 ໜ້າວຽກທີ່ຮີບດ່ວນ​ໃນ​ການ​ຊ່ວຍ​ເຫລືອ​ຜູ້​ປະສົບ​ໄພນໍ້າຖ້ວມ
- WhatsApp Image 2020 05 27 at 5 - 8 ໜ້າວຽກທີ່ຮີບດ່ວນ​ໃນ​ການ​ຊ່ວຍ​ເຫລືອ​ຜູ້​ປະສົບ​ໄພນໍ້າຖ້ວມ
error: Alert: ເນື້ອຫາຂ່າວມີລິຂະສິດ !!