ອິນໂດເນເຊຍຂຶ້ນດອກເບ້ຍ ຮັກສາຄ່າເງິນຣູເປຍຫລຸດລົງ

- advert banner 728 90 728x90 - ອິນໂດເນເຊຍຂຶ້ນດອກເບ້ຍ ຮັກສາຄ່າເງິນຣູເປຍຫລຸດລົງ

ທະນາຄານ​ກາງ​ອິນ​ໂດ​ເນ​ເຊຍ​ຂຶ້ນອັດຕາ​ດອກ​ເບ້ຍ ຫວັງ​ສະກັດ​ເງິນຣູ​ເປຍ​ຫລຸດ​ລົງ, ຫລັງ​ນັກ​ລົງທຶນ​ແຫ່​ເທ​ຂາຍ​ສະກຸນ​ເງິນ​ຕະຫລາດ​ເກີດ​ໃໝ່ ​ເຫດ​ກັງວົນ​ວິ​ກິດ​ຄ່າ​ເງິນ​ຕວກກີ.

ບລູມ​ເບີກ ລາຍ​ງານ​ວ່າ: ທະນາຄານ​ກາງ​ອິນ​ໂດ​ເນ​ເຊຍ​ປະກາດ​ຂຶ້ນອັດຕາ​ດ​ອກ​ເບ້ຍ​ໃນ​ວັນ​ທີ 16 ສິງຫາ ​ເຊິ່ງຖື​ເປັນ​ການ​ປະກາດ​ຂຶ້ນດອກ​ເບ້ຍ​ເປັນຄັ້ງທີ 4 ຂອງ​ປີ​ນີ້ ນັບ​ແຕ່​ເດືອນ​ພຶ​ດສະພາ​ຜ່ານ​ມາ ອັນ​ເປັນ​ຜົນ​ມາ​ຈາກ​ບັນດາ​ນັກ​ລົງທຶນ​ຕ່າງ​ກັງວົນ​ກ່ຽວ​ກັບ​ວິ​ກິດ​ການ​ເງິນ​ຂອງ​ຕວກກີ ຫລັງ​ຄ່າ​ເງິນ​ລີຣາອ່ອນ​ຕົວຢ່າງ​ໜັກ.

ລາຍ​ງານ​ລະບຸ​ວ່າ: ທະນາຄານ​ກາງ​ອິນ​ໂດ​ເນ​ເຊຍ​ຕ້ອງ​ປະກາດ​ຂຶ້ນອັດຕາ​ດອກ​ເບ້ຍ​ຈາກ 5,25% ​ເປັນ 5,50% ​ເພີ່ມ​ຂຶ້ນປະມານ 0,25% ​ເຊິ່ງການ​ປະກາດ​ຂຶ້ນດອກ​ເບ້ຍ​ຄັ້ງນີ້​ສົ່ງ​ຜົນ​ໃຫ້​ຕະຫລາດ​ຮຸ້ນ​ອິນ​ໂດ​ເນ​ເຊຍ​ປັບ​ຂຶ້ນ 125 ຈຸດ ພາຍຫລັງ​ຕະຫລາດ​ເງິນຣູ​ເປຍ​ເມື່ອ​ທຽບ​ໃສ່​ເງິນ​ໂດ​ລາ​ຫລຸດ​ລົງ​ຢູ່​ລະດັບ​ຕໍ່າ​ສຸດ​ນັບ​ແຕ່​ປີ 2015 ​ໂດຍ​ຢູ່​ທີ່ 14.576 ຣູ​ເປຍ​ຕໍ່​ໂດ​ລາ​ສະຫະລັດ ອ່ອນ​ຄ່າ​ລົງ​ກວ່າ 7% ນັບ​ແຕ່​ຕົ້ນປີ.

- 1 1 - ອິນໂດເນເຊຍຂຶ້ນດອກເບ້ຍ ຮັກສາຄ່າເງິນຣູເປຍຫລຸດລົງ
- Tiger Head 728x90 - ອິນໂດເນເຊຍຂຶ້ນດອກເບ້ຍ ຮັກສາຄ່າເງິນຣູເປຍຫລຸດລົງ

ທັງ​ນີ້ ອິນ​​ໂດ​ເນ​ເຊຍ​ຖື​ເປັນ​ປະ​ເທດ​ເສດຖະກິດ​ເກີດ​ໃໝ່​ທີ່​ຖືກ​ບັນດາ​ນັກ​ລົງທຶນ​ຕ່າງປະ​ເທດ​ເທ​ຂາຍ​ສະກຸນ​ເງິນ, ພາຍຫລັງ​ທະນາຄານ​ກາງ​ອາ​ເມ​ລິ​ກາ​ປັບ​ຂຶ້ນອັດຕາ​ດອກ​ເບ້ຍ ລວມທັງ​ມີ​ການ​ເທ​ຂາຍ​ຢ່າງ​ຮຸນ​ແຮງ ຫລັງ​ວິ​ກິດ​ການ​ເງິນ​ລີຣາ.

error: Content is protected !!