ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ

ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ - Discussion - ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ
ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ - Untitled design - ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ

ໃນ​ວັນ​ທີ 21 ສິງ​ຫາ ນີ້,  ທ່ານ ສອນ​ໄຊ ສີ​ພັນ​ດອນ  ຮອງ​ນາ​ຍົກ​ລັດ​ຖະ​ມົນ​ຕີ ພ້ອມ​ຄະ​ນະ​ ໄດ້​ເຄື່ອນ​ໄຫວ​ຕິດ​ຕາມ​ສະ​ພາບ​ນ້ຳຂອງ ຢູ່​ຈຸດ​ທີ່​ມີ​ຄວາມ​ສ່ຽງ ແລະ ຈຸດ​ເຝົ້າ​ລະ​ວັງ​ນ້ຳ​ຖ້ວມ ເຂດ​ບ້ານ​ ໂພນ​ສະ​ຫວ່າງ ເມືອງ​ສີ​ສັດ​ຕະ​ນາກ  ລົງ​ໄປ​ທາງ​ບ້ານ​ນາ​ທາມ,  ແກ້ງ​ຍາງ, ດອນ​ເກີດ, ທ່າ​ຕູ້​ສີ​ລາ ແລະ ບ້ານ​ໂພ​ສີ ເມືອງ​ຫາດ​ຊາຍ​ຟອງ  ນະ​ຄອນ​ຫລວງວຽງ​ຈັນ​ພົບ​ວ່າ:  ບ້ານ​ທີ່​ໄດ້​ຮັບ​ຄວາມ​ເສຍ​ປະ​ກອບ​ມີ ບ້ານ​ແກ້ງ​ຍາງ  ນ້ຳ​ໄຫລ​ເຂົ້າຖ້ວມ​ ​ເຮືອນ​ປະ​ຊາ​ຊົນ​ແລ້ວ 99 ຄອບ​ຄົວ,  ເນື້ອ​ທີ່​ສວນ​ເສຍ​ຫາຍ 10 ເຮັກ​ຕາ, ເນື້ອ​ທີ່​ນາ 2 ເຮັກ​ຕາ;  ບ້ານ​ນາ​ທາມ ເນື້ອ​ທີ່​ສວນ​ເສຍ​ຫາຍ 5 ເຮັກ​ຕາ   ແລະ ບ້ານດອນ​ເກີດ ມີ​ເຮືອນ 12 ຫລັງ​ນ້ຳ​ເຂົ້າ​ຖ້ວມ​ແລ້ວ,  ພ້ອມທັງເນື້ອ​ທີ່​ສວນ​ເສຍ​ຫາຍ 80 ກວ່າ​ເຮັກ​ຕາ.

. ​ໃນ​ໂອກາດນີ້, ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ  ຍັງໄດ້​ຊີ້​ນຳ​ໃຫ້ຄະນະ​ແກ້​ໄຂ​ໄພພິບັດ​ຂັ້ນ ນະຄອນຫລວງ​ວຽງຈັນ ​ເພີ່ມ​ທະວີ​ເອົາ​ໃຈ​ໃສ່​ ຕິດຕາມ​ສະພາບ​ລະດັບ​ນ້ຳ​ຢ່າງ​ໃກ້​ຊິດ ​ຕະ​ຫລອດ 24 ຊົ່ວ​ໂມງ, ໂດຍ​ສະ​ເພາະ​ ເຂດພື້ນທີ່ຕໍ່າ ແລະ ມີ​ຄວາມ​ສ່ຽງ  ເພື່ອ​ປ້ອງ​ກັນ​ຄວາມ​ເສຍ​ຫາຍ ທາງ​ຊີ​ວິດ  ແລະ ຊັບ​ສິນ​ຂອງ​ປະ​ຊາ​ຊົນ ພ້ອມທັງກະກຽມເປົາຮ່າຍດິນຊາຍ ​ແລະ ອຸປະກອນຊ່ວຍເຫຼືອອື່ນໆ ​ເພື່ອ​ກຽມຄວາມ​ພ້ອມ​ປ້ອງ​ກັນ​ບໍ່​ໃຫ້​ນ້ຳຖ້ວມ​ອີກຄັ້ງ.

ທ່ານ ຮອງ​ນາຍົກລັດຖະມົນຕີ ​ໄດ້​ຊີ້ນຳ​ວ່າ: ປັດຈຸບັນ ສະພາບ​ອາກາດ​ມີ​ຝົນຕົກ​ຢ່າງ​ຕໍ່​ເນື່ອງ ຊຶ່ງ​ເຮັດ​ໃຫ້​ລະດັບ​ນ້ຳ​ເພີ່ມ​ຂຶ້ນ, ນອກຈາກ​ນັ້ນ ກໍ​ເກີດ​ມີ​ສະພາບ​ນ້ຳຖ້ວມ​ຫລາຍ​ຈຸດ ຢູ່ ນະຄອນຫລວງ​ວຽງຈັນ, ສະ​ນັ້ນ ​ເພື່ອ​ກຽມຄວາມ​ພ້ອມ​ຮັບ​ມື​ກັບ​ສະພາບ​ຝົນ​ໄລຍະ​ຕໍ່ໜ້າ ​ແລະ ສະພາບ​ນ້ຳຖ້ວມນັ້ນ ຄວນ​ເອົາ​ໃຈ​ໃສ່​ໃນ​ການ​ຕິດຕາມ ​ແລະ ​ແຈ້ງ​ເຕືອນ​ປະຊາຊົນ ​ໃຫ້​ມີ​ສະຕິ​ລະວັງ, ພ້ອມ​ທັງ​ຂົນ​ຍ້າຍ​ຊັບ​ສິນ​​ໄວ້​ບ່ອນປອດ​ໄພ, ສ່ວນ​ຄະນະ​ກຳມະການ​ແກ້​ໄຂ​ໄພພິບັດ ຂັ້ນ​ນະຄອນຫລວງ​ວຽງຈັນ ຄວນ​ເປັນ​ເຈົ້າ​ການ​ໃນ​ການ​ລົງພື້ນທີ່​ສຳ​ຫລວດ ​ແລະ ຕິດຕາມ​ການ​ລະບາຍ​ນ້ຳ​ໃນ​ຈຸດ​ຕ່າງໆ ພ້ອມ​ທັງ​ກຽມພ້ອມ​ອຸປະກອນ​ເຮືອ ​ແລະ ອື່ນໆ, ​ເພື່ອ​ຮັບ​ມື​ກັບ​ກໍລະນີ​ສຸກ​ເສີນ​ທີ່​ອາດ​ຈະ​ເກີດ​ຂື້ນ.

ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ - Wave100S AD to Website 2020 0 - ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ

​​ປັດ​ຈຸ​ບັນ ສະ​ພາບ​ນ້ຳຖ້ວມ​​ຢູ່​ເຂດ​ດັ່ງ​ກ່າວຍັງ​ບໍ່​ເຖິງ​ຂັ້ນ​ຮຸນແຮງ ແລະ ຍັງ​ບໍ່​ທັນ​ມີ​ລາຍ​ງານ ​ກ່ຽວ​ກັບ​ການ​ຍົກຍ້າຍປະ​ຊາ​ຊົນ​ ອອກ​ຈາກ​ພື້ນ​ທີ່ ເພາະ​ລະ​ດັບ​ນ້ຳ​ຍັງ​ບໍ່​ທັນ​ຂຶ້ນ​ສູງ ​ເທົ່າ​ກັບ​ປີ 2008. ແຕ່​ເຖິງ​ຢ່າງ​ໃດ​ກໍ​ຕາມ  ທ່ານ​ຮອງນາ​ຍົກ​ລັດ​ຖະ​ມົນ​ຕີ  ກໍ​ໄດ້ຊີ້ນໍາໃຫ້​​ອຳ​ນາດ​ການ​ປົກ​ຄອງ​ທ້ອງ​ຖິ່ນ ແຈ້ງ​ເຕືອນ​ ປະ​ຊາ​ຊົນ ​​ຢູ່​ຈຸດ​ທີ່​ມີ​ຄວາມ​ສ່ຽງ ໃຫ້​ກະ​ກຽມ​ມ້ຽນ​ມັດ  ແລະ ເຄື່ອນ​ຍ້າຍ​ວັດ​ຖຸ​ສິ່ງ​ຂອງ  ພ້ອມ​ທັງ​ສັດ​ລ້ຽງ  ໃຫ້​ໄປ​ໄວ້​ບ່ອນປອດ​ໄພ, ພ້ອມ​ທັງ​ໃຫ້​ຕິດ​ຕາມ​ການ​ລາຍ​ງານ​ ສະ​ພາບ​ອາ​ກາດ​ ແລະ ລະດັບນໍ້າຈາກກົມ​ອຸ​ຕຸ​ນິ​ຍົມ  ແລະ ອຸ​ທົກ​ກະ​ສາດ ຢ່າງ​ໃກ້ຊິດ.

ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ - WhatsApp Image 2020 05 27 at 5 - ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ
ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ - WhatsApp Image 2020 05 27 at 5 - ຮອງ​ນາຍົກ ສອນໄຊ ສີພັນດອນ ​ເນັ້ນ​ໃຫ້​ນະຄອນຫລວງ​ກຽມຄວາມ​ພ້ອມ​ຮັບ​ມືນ້ຳຖ້ວມ
error: Alert: ເນື້ອຫາຂ່າວມີລິຂະສິດ !!