ອີໂບລາຂ້າຊີວິດຊາວກົງໂກ ໃນພາກຕາເວັນອອກເກີນ 60 ຄົນ

- 22 - ອີໂບລາຂ້າຊີວິດຊາວກົງໂກ ໃນພາກຕາເວັນອອກເກີນ 60 ຄົນ
- Untitled design - ອີໂບລາຂ້າຊີວິດຊາວກົງໂກ ໃນພາກຕາເວັນອອກເກີນ 60 ຄົນ

ຈຳນວນ​ຜູ້​ເສຍ​ຊີວິດ​ໃນ​ພາກ​ຕາ​ເວັນ​ອອກ​ຂອງສາທາລະນະ​ລັດ ປະຊາທິປະ​ໄຕ ກົງ​ໂກ ຈາກ​ການ​ແຜ່​ລະບາດ​ຂອງ​ເຊື້ອ​ໄວຣັສອີ​ໂບລາ ນັບ​ແຕ່​ຕົ້ນ​ເດືອນ​ສິງຫາ​ນີ້ ​ເພີ່ມ​ເປັນ​ຫລາຍ​ກວ່າ 60 ຄົນ​ແລ້ວ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ສາທາລະນະ​ສຸກ​ຂອງ​ກົງ​ໂກ​ລາຍ​ງານ​ຈຳນວນ​ຜູ້​ເສຍ​ຊີວິດ​ຈາກ​ເຊື້ອ​ໄວຣັສອີ​ໂບລາ ​ເຊິ່ງກັບ​ມາ​ແຜ່​ລະບາດ​ໃນ​ແຂວງ​ກິ​ວູ​ເໜືອ ຢູ່​ທາງ​ຕາ​ເວັນ​ອອກ​ຂອງ​ປະ​ເທດ ​ເພີ່ມ​ເປັນ​ຢ່າງ​ໜ້ອຍ 61 ຄົນ ຈາກ​ຈຳນວນ​ຜູ້​ປ່ວຍ​ສະ​ສົມ 103 ຄົນ ລະຫວ່າງ​ວັນ​ທີ 1-22 ສິງຫາ​ນີ້ ​ໂດຍ 34 ຄົນ​ໄດ້​ຮັບ​ການກວດ​ສອບ ​ແລະ ຢືນຢັນ​ຈາກ​ຫ້ອງ​ປະຕິບັດ​ການ​ແລ້ວ​ວ່າ: ​ເປັນ​ການ​ເສຍ​ຊີວິດ​ຈາກ​ເຊື້ອ​ໄວຣັສອີ​ໂບລາ, ສ່ວນ​ອີກ 27 ຄົນ​ທີ່​ເຫລືອ “ມີ​ຄວາມ​ເປັນ​ໄປ​ໄດ້​ສູງ”.

Congo Ebola update

Congo doctors are scrambling to contain the latest Ebola outbreak, with more than 100 new confirmed or suspected cases of the deadly virus.FULL STORY: https://www.wthr.com/article/congo-approves-4-experimental-ebola-treatments-outbreak

WTHR-TVさんの投稿 2018年8月23日木曜日

- Wave100S AD to Website 2020 0 - ອີໂບລາຂ້າຊີວິດຊາວກົງໂກ ໃນພາກຕາເວັນອອກເກີນ 60 ຄົນ

ສະຖານະ​ການ​ດັ່ງກ່າວ​ຖື​ເປັນ​ການ​ແຜ່​ລະບາດ​ຂອງ​ເຊື້ອ​ໄວຣັສອີ​ໂບລາ​ໃນ​ກົງ​ໂກ​ເປັນຄັ້ງທີ 10 ນັບ​ແຕ່​ປີ 1976 ​ເຊິ່ງ​ເປັນ​ປີ​ທີ່​ມີ​ນັກວິທະຍາສາດ​ຄົ້ນພົບ​ເຊື້ອຊະ​ນິດ​ນີ້​ເປັນຄັ້ງທຳ​ອິດ ​ແລະ ຂະໜານ​ນາມ​ຕາມ​ຊື່​ຂອງ​ແມ່ນ້ຳອີ​ໂບລາ ທີ່​ໄຫລ​ຜ່ານ​ພາກ​ເໜືອ​ຂອງ​ກົງ​ໂກ. ​ເຖິງ​ຢ່າງ​ໃດ​ກໍ​ຕາມ, ສະຖານະ​ການ​ການ​ແຜ່​ລະບາດ​ຂອງ​ເຊື້ອ​ໄວຣັສອີ​ໂບລາ​ໃນ​ແຂວງ​ກິ​ວູ​ເໜືອ ​ເກີດ​ຂຶ້ນພຽງ​ອາທິດ​ດຽວ ຫລັງ​ອົງການ​ອະນາ​ໄມ​ໂລກ (WHO) ປະກາດ​ການ​ຄວບ​ຄຸມ​ການ​ແຜ່​ລະບາດ​ຂອງ​ເຊື້ອພະຍາດ​ຊະນິດ​ດຽວ​ກັນ ​ໃນ​ແຂວງ​ເອກາ​ເຕີ ຢູ່​ທາງ​ຕາ​ເວັນ​ຕົກ​ສຽງ​ເໜືອ​ຂອງ​ປະ​ເທດ ​ເຊິ່ງ​ແຜ່​ລະບາດ​ຢ່າງ​ໜັກ​ໃນ​ເດືອນ​ພຶດສະພາ​ຜ່ານ​ມາ ຂ້າ​ຊີວິດ​ປະຊາຊົນ​ຢ່າງ​ໜ້ອຍ 33 ຄົນ.

ທັງ​ນີ້, ລາຍ​ງານ​ຂອງ WHO ລະບຸ​ອີກ​ວ່າ: ​ເຊື້ອ​ໄວຣັສອີ​ໂບລາ ​ເຊິ່ງ​ແຜ່​ລະບາດ​ທີ່​ກົງ​ໂກ​ໃນ​ຄັ້ງນີ້ ຍັງ​ເປັນ​ສາຍ​ພັນ​ດຽວ​ກັບ​ທີ່​ເຄີຍ​ແຜ່​ລະບາດ​ໃນ​ຫລາຍ​ປະ​ເທດ​ທາງ​ຕາ​ເວັນ​ຕົກ​ຂອງ​ທະວີບອາ​ຟຣິກາ ລະຫວ່າງ​ປີ 2013-2015 ​ເຊິ່ງ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 11.300 ຄົນ ​ແລະ ບໍ່​ສະບາຍ​ອີກ​ປະມານ 28.600 ຄົນ.

- WhatsApp Image 2020 05 27 at 5 - ອີໂບລາຂ້າຊີວິດຊາວກົງໂກ ໃນພາກຕາເວັນອອກເກີນ 60 ຄົນ
- WhatsApp Image 2020 05 27 at 5 - ອີໂບລາຂ້າຊີວິດຊາວກົງໂກ ໃນພາກຕາເວັນອອກເກີນ 60 ຄົນ
error: Alert: ເນື້ອຫາຂ່າວມີລິຂະສິດ !!