ກອງທັບຢຶນຢັນສືບຕໍ່ຄົ້ນຫາຜູ້ສູນຫາຍຈາກໄພນໍ້າຖ້ວມຢູ່ເມືອງສະໜາມໄຊ

- Army - ກອງທັບຢຶນຢັນສືບຕໍ່ຄົ້ນຫາຜູ້ສູນຫາຍຈາກໄພນໍ້າຖ້ວມຢູ່ເມືອງສະໜາມໄຊ
- Untitled design - ກອງທັບຢຶນຢັນສືບຕໍ່ຄົ້ນຫາຜູ້ສູນຫາຍຈາກໄພນໍ້າຖ້ວມຢູ່ເມືອງສະໜາມໄຊ

ໜ່ວຍກອບກູ້ຜູ້ສູນຫາຍຂອງກອງທັບປະຊາຊົນລາວ ຢືນຢັນຈະສືບຕໍ່ຮີບຮ້ອນເລັ່ງຊອກຫາຜູ້ສູນຫາຍຈາກໄພນ້ຳຖ້ວມ ທີ່ເກີດຈາກ​ໂຄງການ​ກໍ່ສ້າງ​ເຂື່ອນ​ໄຟຟ້າ​ເຊ​ປຽນ-​ເຊ​ນ້ຳ​ນ້ອຍ​ແຕກຢູ່​ເມືອງ​ສະໜາມ​ໄຊ​ແຂວງ​ອັດ​ຕະປື, ເຊິ່ງສະພາບ​ການ​ຈັດ​ຕັ້ງ​ປະຕິບັດການ​ຊ່ວຍ​​ເຫລືອ​ ​ແລະ ກອບກູ້ຜູ້ສູນຫາຍ ມາຮອດວັນທີ 31 ສິງ​ຫານີ້, ລວມມີ​ຜູ້​ເສຍ​ຊີວິດ​ທັງ​ໝົດ 40 ສົບ, ຍິງ 19 ສົບ, ມີເດັກນ້ອຍອາຍຸຕ່ຳກວ່າ 10 ປີລົງມາ 14 ສົບ ແລະ ມີຜູ້ເສຍຊີວິດຢູ່ໂຮງໝໍ 6 ສົບ, ຍິງ 2 ສົບ. ສ່ວນຜູ້ສູນຫາຍ​ຕາມ​ການ​ບອກ​ເລົ່າ​ຂອງ​ຄອບຄົວ​ຜູ້​ປະສົບ​ໄພ​ນ້ຳ​ຖ້ວມ​ເບື້ອງ​ຕົ້ນມີ​ຈຳນວນ 131 ຄົນ. ປັດຈຸບັນຍັງ​ບໍ່​ທັນ​ພົບ​ເຫັນ 97 ຄົນ, ຊຶ່ງຈະຕ້ອງໄດ້ສືບຕໍ່ຄົ້ນຫາຈົນສຸດຄວາມສາມາດ.

​​ໃນ​ພິທີ​ຖະ​ແຫລ​ງຂ່າວກ່ຽວກັບສະພາບ​ການ​ເຄື່ອນ​ໄຫວ​ຈັດ​ຕັ້ງ​ປະຕິບັດວຽກງານດັ່ງກ່າວ ໃນວັນທີ 31 ສິງຫາຜ່ານມາ, ​ທ່ານພົນ​ຈັດຕະວາ ສິງສະຫວັດ ພົມມະສັກ ຮອງ​ຫົວໜ້າ​ກົມ​ໃຫຍ່ການ​ເມືອງກອງທັບ ​ຜູ້​ບັນຊາ​ການໜ່ວຍ​ກອບ​ກູ້​ພາກ​ສະໜາມ ​​ລາຍ​ງານ​ໃຫ້​ຮູ້​ວ່າ: ​ໃນ​ວັນ​ທີ 31 ສິງຫານີ້, ໜ່ວຍງານດັ່ງກ່າວໄດ້ປະຕິບັດກອບກູ້ຢູ່ພື້ນທີ່ຖືກຜົນກະທົບໂດຍສົມທົບກັບຄອບຄົວຜູ້ສູນຫາຍລົງຊີ້ຈຸດສົງໃສຕ່າງໆ, ພ້ອມທັງຢືນຢັນວ່າຈະສືບຕໍ່ຄົ້ນຫາຜູ້ສູນຫາຍຕໍ່ໄປຈົນກວ່າປະຊາຊົນຈະພໍໃຈ ແລະ ອື່ນໆ.

​ໂອກາດ​ດຽວກັນ, ທ່ານ ບຸນໂຮມ ພົມມະສານ ເຈົ້າເມືອງສະໜາມໄຊ ກໍ​ໄດ້​ລາຍ​ງານ​ໃຫ້​ຮູ້ວ່າ: ການ​ຈັດ​ຕັ້ງ​ປະຕິບັດ​ການ​ສ້າງ​ເຮືອ​ນພັກ​ຊົ່ວຄາວ​ໃຫ້​ປະຊາຊົນ​ທີ່​ໄດ້​ຮັບ​ຜົນ​ກະທົບຢູ່ຈຸດຕ່າງໆ ເປັນຕົ້ນ ​ຈຸດບ້ານດົງ​ບາກ, ດອນບົກ, ​ຕະມໍ​ຢອດ ແລະ ຈຸດ​ບ້ານ​ປິນດົງ ຈະເລີ່ມລົງມືກໍ່ສ້າງໃນຕົ້ນເດືອນກັນຍານີ້ ຈາກການຊ່ວຍເຫລືອຂອງກໍາລັງເຈົ້າໜ້າທີ່ກອງທັບປະຊາຊົນລາວ ເປັນຫລັກ. ປັດຈຸບັນ ການກໍ່ສ້າງທີ່ພັກຊົ່ວຄາວໃຫ້ຜູ້ປະສົບໄພຢູ່ເຂດໂຮງຮຽນປະຖົມບ້ານຫາດຍາວປະຕິບັດໄດ້ແລ້ວ 97%.

- Wave100S AD to Website 2020 0 - ກອງທັບຢຶນຢັນສືບຕໍ່ຄົ້ນຫາຜູ້ສູນຫາຍຈາກໄພນໍ້າຖ້ວມຢູ່ເມືອງສະໜາມໄຊ
- WhatsApp Image 2020 05 27 at 5 - ກອງທັບຢຶນຢັນສືບຕໍ່ຄົ້ນຫາຜູ້ສູນຫາຍຈາກໄພນໍ້າຖ້ວມຢູ່ເມືອງສະໜາມໄຊ
- WhatsApp Image 2020 05 27 at 5 - ກອງທັບຢຶນຢັນສືບຕໍ່ຄົ້ນຫາຜູ້ສູນຫາຍຈາກໄພນໍ້າຖ້ວມຢູ່ເມືອງສະໜາມໄຊ
error: Alert: ເນື້ອຫາຂ່າວມີລິຂະສິດ !!