10 ອາຫານ​ຄວນ​ຫລີກ​ລ່ຽງ ​ເມື່ອ​ເປັນ​ພະຍາດ​​ເຫລົ່າ​ນີ້

- advert banner 728 90 728x90 - 10 ອາຫານ​ຄວນ​ຫລີກ​ລ່ຽງ ​ເມື່ອ​ເປັນ​ພະຍາດ​​ເຫລົ່າ​ນີ້

- fever 300x200 - 10 ອາຫານ​ຄວນ​ຫລີກ​ລ່ຽງ ​ເມື່ອ​ເປັນ​ພະຍາດ​​ເຫລົ່າ​ນີ້ອາຫານ​ບາງ​ຢ່າງທີ່​​ເຮັດ​ໃຫ້​ອາການ​ປ່ວຍ​ຂອງ​ພະຍາດ​ນັ້ນໆ​ຮ້າຍ​ແຮງ​ຂຶ້ນ​​ໄປ​ອີກ​ເມື່ອ​ເຮົາ​ກິນລົງ​ໄປ ສະນັ້ນ​ເມື່ອ​ເວລາ​ທີ່​ເຮົາ​ເປັນ​ພະຍາດ​ບາງ​ຢ່າງ ກໍ​ມັກ​ຈະ​ມີ​ການ​ຫ້າມ​ກິນ​ອາຫານ​ຜິດ​ຕໍ່​ພະຍາດ​ນັ້ນ ​ເພື່ອ​ບໍ່​ໃຫ້​ພະຍາດ​ນັ້ນຮ້າຍ​ແຮງ ຫລື ລຸກລາມ​ໄປ​ຫລາຍ​ກວ່າ​ທີ່​ເປັນ​ຢູ່​ນັ້ນ ​ເຮົາ​ມາ​ເບິ່ງ​ວ່າ​ອາຫາ​ນຊະນິດ​ໃດ ທີ່​ຄວນ​ຫລີກ​ເມື່ອ​ເປັນ​ພະຍາດ​ເຫລົ່າ​ນີ້ :

- new3 - 10 ອາຫານ​ຄວນ​ຫລີກ​ລ່ຽງ ​ເມື່ອ​ເປັນ​ພະຍາດ​​ເຫລົ່າ​ນີ້
  1. ​ເປັນ​ໄຂ້ຫວັດ : ມີ​ໄຂ້​ສູງ​ຄວນ​ຫລີກ​ລ່ຽງອາຫານ​ບໍ່​ສຸກ ອາຫານ​ທີ່​ເຢັນ​ຫລາຍໆ ອາຫານ​ຈືນ ອາຫານ​ມັນ ​ເຊິ່ງ​ເປັນ​ອາຫານ​ທີ່​ຍ່ອຍ​ຍາກ ຈະ​ເຮັດ​ໃຫ້​ເກີດ​ຄວາມ​ຮ້ອນ​ສະ​ສົມ​ປຽບ​ເປັນ​ເຊື້ອ​ໄຟ ຫລື ​ເປັນ​ການ​ຕື່ມ​ນ້ຳມັນ​ເຂົ້າ​ໄປ​ໃນ​ກອງ​ໄຟ.
  2. ພະຍາດ​ກະ​ເພາະ : ຄວນ​ຫລີກ​ລ່ຽງ​ເຄື່ອງ​ດື່ມ​ປະ​ເພດ​ເຫລົ້າ ຊາ​ແກ່ໆ ກາ​ເຟ ຂອງ​ເຜັດ ຂອງ​ຈືນ ຂອງ​ມັນ ​ເພາະ​ອາຫານ​ເຫລົ່ານີ້ ​ເຮັດ​ໃຫ້​ເກີດ​ຄວາມ​ຮ້ອນ​ສະ​ສົມ​ເຮັດ​ໃຫ້​ພະຍາດ​ນານ​ເຊົາ ທາງ​ທີ່​ດີ ຄວນ​ຮັບ​ປະທານ​ອາຫານ​ປະລິມານ​ຫນ້ອຍ ​ແຕ່​ຫລາຍ​ຄັ້ງ ຮັບ​ປະທານ​ອາຫານ​ໃຫ້​ກົງ​ເວລາ ​ແລະ ​ເປັນ​ອາຫານ​ທີ່​ຍ່ອຍ​ງ່າຍ.
  3. ພະຍາດ​ຄວາມດັນ​ເລືອດ​ສູງ : ຄວນ​ຫລີກ​ລ່ຽງອາຫານ​ມັນ ອາຫານ​ທີ່​ມີ​ໄຂມັນ​ສູງ ​ເຊັ່ນ : ຫມູ​ສາມ​ຊັ້ນ, ​ໄຂ​ກະດູກ, ​ໄຂ່​ປາ, ​ໂກ​ໂກ້ ລວມທັງ​ເຫລົ້າ ​ເພາະ​ອາຫານ​ເຫລົ່ານີ້​ເຮັດ​ໃຫ້​ເກີດ​ຄວາມ​ຮ້ອນຊື້​ນ​ຂຶ້ນສະ​ສົມ​ໃນ​ຮ່າງກາຍ ​ແລະ ຄວາມ​ຊື້​ນກໍ​ມີ​ຜົນກໍ່​ໃຫ້​ເກີດ​ຄວາມ​ຫນຽວ​ຂອງ​ການ​ໄຫລ​ວຽນ​ທຸກ​ລະບົບ​ໃນ​ຮ່າງກາຍ ​ແລະ ຄວາມ​ຮ້ອນ​ກໍ​ຈະ​ໄປ​ກະ​ຕຸ້ນ​ເຮັດ​ໃຫ້​ຄວາມດັນ​ສູງ ນອກ​ຈາກ​ນີ້​ຄວນ​ຫລີກ​ເວັ້ນອາຫານ​ລົດ​ເຜັດ ຫລື ອາຫານ​ຫວານ ລວມທັງ​ຫມາກ​ໄມ້​ເຊັ່ນ : ລຳ​ໃຍ, ຫມາກ​ມີ້, ຖົ່ວລຽນ.
  4. ພະຍາດ​ຕັບ ​ແລະ ຖົງ​ບີ : ຫລີກ​ລ່ຽງ​ເຄື່ອງ​ດື່ມ​ທີ່​ມີ​ທາດ​ເຫລົ້າ ອາຫານ​ມັນ, ຊີ້​ຕິດ​ມັນ, ​ເຄື່ອງ​ໃນ​ສັດ, ອາຫານ​ຈືນ, ອາຫານ​ຫວານ​ຈັດ ​ເພາະ​ຫມໍ​ຈີນ​ຖືກ​ວ່າ​ຕັບ ​ແລະ ຖົງ​ນ້ຳບີ​ມີ​ຄວາມ​ສຳພັນກັບ​ລະບົບ​ຍ່ອຍ​ອາຫານ ການ​ໄດ້​ອາຫານ​ປະ​ເພດ​ດັ່ງກ່າວ​ຫລາຍ​​ເກີນ​ໄປ​ຈະ​ເຮັດ​ໃຫ້​ສະມັດ​ຖະພາບ​ຂອງ​ການ​ຍ່ອນອາຫານ​ອ່ອນ​ແອ​ລົງ ​ແລະ ​ເກີດ​ໂທດ​ຕໍ່​ຕັບ ​ແລະ ຖົງ​ນ້ຳບີ ນຳ​ອີກ.
  5. ພະຍາດຫົວ​ໃຈ ​ແລະ ພະຍາດຫມາກ​ໄຂ່ຫລັງ : ຄວນ​ຫລີກ​ລ່ຽງອາຫານ​ລົດ​ເຄັມ​ຈັດ​ເພາະ​ຈະ​ເຮັດ​ໃຫ້​ມີ​ການ​ເກັບ​ກັກ​ນ້ຳການ​ໄຫລ​ວຽນ​ເລືອດຈະ​ຊ້າ​ເຮັດ​ໃຫ້​ຫົວ​ໃຈ​ເຮັດ​ວຽກ​ຫນັກ​ຂຶ້ນ ຫມາກ​ໄຂ່ຫລັງ​ເຮັດ​ວຽກ​ຂັບ​ເກືອ​ແຮ່​ຫລາຍ​ຂຶ້ນ ສ່ວນ​ອາຫານ​ລົດ​ເຜັດ​ກໍ​ຄວນ​ຫລີກ​ລ່ຽງ​ເພາະ​ເຮັດ​ໃຫ້​ກະ​ຕຸ້ນ​ການ​ໄຫລ​ວຽນ​ສູນ​ເສຍ​ພະລັງງານ ​ແລະ ຫົວ​ໃຈ​ກໍ​ເຮັດ​ວຽກ​ຫນັກ​ຂຶ້ນ​ເຊັ່ນ​ດຽວ​ກັນ.
  6. ​ພະຍາດ​ເບົາ​ຫວານ : ຄວນ​ຫລີກ​ລ່ຽງອາຫານ​ລົດ​ຫວານ ຫລື ​ແປ້ງ​ທີ່​ມີ​ໄຂມັນ​ສູງ ​ເຊັ່ນ : ມັນຝຣັ່ງ ຄວນ​ຮັບ​ປະທານ​ອາຫານ​ພວກ​ຖົ່ວ ​ເຊັ່ນ : ​ເຕົ້າຫູ້, ນົມງົວ, ຊີ້ນ​ສັນ​ບໍ່​ຕິດ​ມັນ, ປາ ​ແລະ ຜັກ​ສົດ.
  7. ນອນ​ບໍ່​ຫລັບ : ຫລີກ​ລ່ຽງຊາ, ກາ​ເຟ ລວມທັງ​ການ​ສູບຢາ ​ເພາະ​ອາຫານ​ເຫລົ່ານີ້ ມີ​ລິດ​ກະ​ຕຸ້ນ​ປະສາດ​ເຮັດ​ໃຫ້​ບໍ່​​ເຫງົານອນ ຫລື ນອນ​ຫລັບ​ບໍ່​ແຈບ.
  8. ພະຍາດ​ລິດ​ສະ​ດວງ​ທະວານ ຫລື ທ້ອງຜູກ : ຫລີກ​ລ່ຽງອາຫານ​ປະ​ເພດ​ຫອມ​ບົ່ວ, ຫົວ​ຜັກທຽມ, ຂີງ​ສົດ, ພິກ​ໄທ ​ເພາະ​ອາຫານ​ເຫລົ່າ​ນີ້ ອາດ​ເຮັດ​ໃຫ້ທ້ອງຜູກ ຫລອດ​ເລືອດ​ແຕກ ຫລື ອາຫານ​ລິດ​ສິດ​ວງທະວານ​ກຳ​ເລີບ.
  9. ລົມ​ພິດ : ຜິວຫນັງ​ອັກ​ເສບ ຫລື ພະຍາດ​ຫອບ​ຫືດ ຄວນ​ຫລີກ​ຊີ້ນ​ແກະ, ຊີ້ນ​ປາ, ກຸ້ງ, ຫອຍ, ປູ, ​ໄຂ່, ນົມ ​ແລະ ອາຫານ​ລົດ​ເຜັດ ​ເພາະ​ຈະ​ໄປ​ກະ​ຕຸ້ນ ​ແລະ ​ເຮັດ​​ໃຫ້​ອາການ​ຜິວຫນັງ​ກຳ​ເລີບ.
  10. ສິວ ຫລື ຕ່ອມ​ໄຂມັນ​ອັກ​ເສບ : ງົດ​ອາຫານ​ເຜັດ ​ແລະ ມັນ ​ເພາະ​ເຮັດ​ໃຫ້​ເກີດ​ການ​ສະ​ສົມ​ຄວາມ​ຮ້ອນ​ຊື້​ນຂອງ​ກະ​ເພາະ​ອາຫານ, ມ້າມ​ມີ​ຜົນ​ຕໍ່​ຄວາມ​ຮ້ອນ​ຊື້​ໄປ​ອັດ​ຕັນ​ພລັງ​ຂອງ​ປອດ ຄວບ​ຄຸມ​ຜິວຫນັງ​ຂົນ​ຕາມ​ຮ່າງກາຍ​ເຮັດ​ໃຫ້​ເກີດ​ສິວ.
error: Content is protected !!