ສີໂຄດຕະບອງຄອງຫລຽນຄໍາຄາລາເຕໂດຊີງແຊ້ມ ເຈົ້າຄອງນະຄອນຫລວງວຽງຈັນ 3 ສະໄໝ

- 41445120 300507217209560 308289703080099840 n - ສີໂຄດຕະບອງຄອງຫລຽນຄໍາຄາລາເຕໂດຊີງແຊ້ມ ເຈົ້າຄອງນະຄອນຫລວງວຽງຈັນ 3 ສະໄໝ
- Untitled design - ສີໂຄດຕະບອງຄອງຫລຽນຄໍາຄາລາເຕໂດຊີງແຊ້ມ ເຈົ້າຄອງນະຄອນຫລວງວຽງຈັນ 3 ສະໄໝ

ການ​ແຂ່ງຂັນ​ຄາ​​ລາ​ເຕໂດ ຊີງ​​ແຊ້ມ​ເຈົ້າ​ຄອງ​ນະ​ຄອນ​ຫລວງວຽງ​ຈັນ ຄັ້ງ​ທີ 4 ​ໄດ້​ປິດ​ລົງ​ໃນ​ວັນ​ທີ 9 ກັນຍາ​ຜ່ານ​ມາ​ນີ້ ທີ່​ສະ​ໜາມ​ກິລາ​​ໃນ​ຮົ່ມ​ບຶງ​ຂະ​ຫຍອງ ນະຄອນຫລວງວຽງ​ຈັນ ​ໂດຍ​ໃຫ້​ກຽດ​ມອບຂັນ​ລາງວັນ​ຂອງທ່ານ ສົມ​ພູ ​ແກ້ວ​ປັນຍາ ຫົວໜ້າ​ພະ​​ແນ​ກສຶກສາ​ນະຄອນຫລວງ​ວຽງ​ຈັນ, ທ່ານ ພົງ​ສະຫວັດ ບຸບຜາ ປະທານ​ສະຫະພັນ​ຄາ​ລາ​ເຕ​ໂດ​ແຫ່ງ​ຊາດ​ລາວ ພ້ອມ​ດ້ວຍ​ພາກສ່ວນ​ທີ່​ກ່ຽວ​ຂ້ອງ​ເຂົ້າຮ່ວມ. ຂະນະ​ທີ່ ​ສະ​ໂມ​ສອນ ຄາລາ​ເຕ​ໂດສີ​ໂຄດ​ຕະບອງ ຍັງ​ຄອງ​​ແຊ້ມ​ເປັນ​ສະ​ໄໝ​ທີ 3.

ທ່ານ ວັດທະນາ ກຸນ​ນາວັນ ຄະ​ນະ​ກໍາມະການ​ຈັດການ​ແຂ່ງຂັນ​ຄາ​ລາ​​ເຕ​ໂດຊີງ​ແຊ້ມ​ເຈົ້າ​ຄອງ​ນະຄອງ​ຫລວງ​ວຽງ​ຈັນ ​ໃຫ້​ສໍາພາດ​ວ່າ: ການ​ແຂ່ງຂັນ​ຄັ້ງ​ນີ້ມີ​ນັກ​ກິລາ​ເຂົ້າ​ຮ່ວມ​ທັງ​ໝົດ 178 ຄົນ ​ມາ​ຈາກ 10 ພາກສ່ວນ ​ເຊິ່ງການ​ແຂ່ງຂັນ​ໄດ້​ດໍາ​ເນີນ​ແຕ່​ວັນ​ທີ 8-9 ກັນຍາ​ຜ່ານ​ມາ​ນີ້ ​ແລະ ​ໄດ້​ມີ​ການຊີງ 30 ຫລຽນ​ຄໍາ, 30 ຫລຽນ​ເງິນ, 30 ຫລຽນ​ທອງ. ຜ່ານ​ການ​ແຂ່ງຂັນ​ຜົນ​ປາກົດ​ວ່າ​: ສະ​ໂມ​ສອນ ຄາລາ​ເຕ​ໂດສີ​​ໂຄດ​ຕະບອງ ຍັງ​ສາມາດ​ຍາດ​ໄດ້​ແຊ້ມອີ​ກ 1 ສະ​ໄໝ​ຈາກ​ການ​ຍາດ​ໄດ້ 9 ຫລຽນ​ຄໍາ, 8 ຫລຽນ​ເງິນ, 18 ຫລຽນ​ທອງ; ອັນ​ດັບ​ທີ 2 ​ໂຮງຮຽນ​ພອນ​ສະ​ຫວັນ​ກິລາ-ກາ​ຍະ​ກໍາ​ ຍາດ​ໄດ້ 4 ຫລຽນ​ຄໍາ, 5 ຫລຽນ​ເງິນ, 6 ຫລຽນ​ທອງ; ອັນດັບ​ທີ 3 ຊາວ​ໜຸ່ມ​ລາວ ​ຍາດ​ໄດ້ 4 ຫລຽນ​ຄໍາ, 2 ຫລຽນ​ເງິນ, 5 ຫລຽນ​ທອງ.

ການ​ແຂ່ງຂັນ​ຄາ​ລາ​ເຕ​ໂດຊີງ​​ແຊ້ມ​ເຈົ້າ​ຄອງ​ນະຄອນຫລວງ​ວຽງ​ຈັນ ​ສະ​ໂມ​ສອນ​ຄາລາ​ເຕ​ໂດ ສີ​ໂຄດ​ຕະບອງ​ສາມາດ​ຍາດ​ໄດ້​ແຊ້ມ 3 ສະ​​ໄໝ​ຄື: ​​ແຊ້ມປີ 2010, 2012 ​ແລະ 2018; ສ່ວນ​ປີ 2016 ​ແມ່ນ ​ທີ​ມລາວ​ເຈ​ກາ​ເອ ຄອງ​ແຊ້ມ​ສະ​ໄໝ​ນັ້ນ.

- Wave100S AD to Website 2020 0 - ສີໂຄດຕະບອງຄອງຫລຽນຄໍາຄາລາເຕໂດຊີງແຊ້ມ ເຈົ້າຄອງນະຄອນຫລວງວຽງຈັນ 3 ສະໄໝ
- WhatsApp Image 2020 05 27 at 5 - ສີໂຄດຕະບອງຄອງຫລຽນຄໍາຄາລາເຕໂດຊີງແຊ້ມ ເຈົ້າຄອງນະຄອນຫລວງວຽງຈັນ 3 ສະໄໝ
- WhatsApp Image 2020 05 27 at 5 - ສີໂຄດຕະບອງຄອງຫລຽນຄໍາຄາລາເຕໂດຊີງແຊ້ມ ເຈົ້າຄອງນະຄອນຫລວງວຽງຈັນ 3 ສະໄໝ
error: Alert: ເນື້ອຫາຂ່າວມີລິຂະສິດ !!