10 ອະໄວຍະວະທີ່ຖືກທຳລາຍດ້ວຍລິດຂອງສິ່ງມຶນເມົາ

- advert banner 728 90 728x90 - 10 ອະໄວຍະວະທີ່ຖືກທຳລາຍດ້ວຍລິດຂອງສິ່ງມຶນເມົາ
  1. ຕັບ : ເປັນອະໄວຍະວະຕົ້ນຕໍທີ່ຄົນສ່ວນຫລາຍຮູ້ກັນດີ ວ່າດື່ມສິ່ງມຶນເມົາຫລາຍໆແລ້ວຈະມີໂອກາດເປັນພະຍາດຕັບແຂງ ເພາະຕັບຈະຮັບໜ້າທີ່ຕໍ່ຈາກລຳໄສ້ເພື່ອທຳລາຍອານກໍຮໍໍ ຫາກທ່ານດື່ມບໍ່ຫລາຍ ຕັບກໍໍພໍເຮັດວຽກໄຫວ, ແຕ່ຫາກດື່ມຫລາຍເກີນໄປເລື້ອຍໆ ຕັບຈະເລີ່ມໃຄ່ບວມ, ມີໄຂມັນຈັບຢູ່ຕາມແຊນຂອງຕັບ ແລະ ດົນໄປຍັງບໍ່ເຊົາດື່ມອີກກໍຈະກາຍເປັນຕັບແຂງໃນທີ່ສຸດ.
  2. ບີ : ເປັນອະໄວຍະວະສຳຄັນຄືກັນ ເມື່ອດື່ມເຫລົ້າຫລາຍອານກໍຮໍຈະໄປກະຕຸ້ນຖົງນຳ້ບີໃຫ້ຫລັ່ງນຳ້ຍ່ອຍອອກມາຫລາຍຂຶ້ນຈົນເກີດການອັກເສບ ເຮັດໃຫ້ເຈັບທ້ອງຢ່າງຮຸນແຮງ, ມີໄຂ້ສູງ ແລະ ໃນບາງຄົນອາດອັນຕະລາຍເຖິງຊີວິດໄດ້
  3. ກະເພາະອາຫານ : ອານກໍຮໍທຳລາຍເນື້ອເຍື່ອກະເພາະອາຫານ ຈາກການຖືືກກະຕຸ້ນໃຫ້ຜະລິດນຳ້ຍ່ອຍອອກມາຫລາຍຂຶ້ນ ຈົນເປັນສາເຫດໃຫ້ກະເພາະອາຫານອັກເສບ ເປັນບາດແຜໃນກະເພາະ, ມີອາການເຈັບທ້ອງ ຫລື ຫາກເຖິງຂັ້ນຮຸນແຮງອາດຮາກເປັນເລືອດໄດ້.
  4. ຫົວໃຈ : ອານກໍຮໍເຮັດໃຫ້ຫົວໃຈເຮັດວຽກບໍ່ປົກກະຕິ, ຈັງຫວະເຕັ້ນໄວຂຶ້ນ, ຫົວໃຈບີບໂຕຫລາຍຂຶ້ນ ລວມໄປເຖິງການເຮັດວຽກຂອງກ້າມຊີ້ນຫົວໃຈທີ່ບໍ່ໄດ້ປະສິດທິພາບ ອາດສົ່ງຜົນໃຫ້ມີອາການຫົວໃຈໃຫຍ່ໄດ້.
  5. ຫລອດເລືອດ : ອານກໍຮໍເຮັດໃຫ້ຫລອດເລືອດຂະຫຍາຍໂຕ ແລະ ເຮັດໃຫ້ໄຂມັນໃນເສັ້ນເລືອດສູງຂຶ້ນ, ເສັ້ນເລືອດກໍຈະແຂງໂຕໄດ້ງ່າຍ ແລະ ສົ່ງຜົນໃຫ້ເກີດອາການເສັ້ນເລືອດໃນສະໝອງແຕກໄດ້ງ່າຍເຊັ່ນກັນ.
  6. ເມັດເລືອດ : ເລິກລົງໄປເຖິງລະບົບເມັດເລືອດ ອານກໍຮໍເຮັດໃຫ້ການເຮັດວຽກຂອງເມັດເລືອດແດງເສຍຫາຍ ຈົນອາດ ເຮັດໃຫ້ຢູ່ໃນອາການເລືອດຈາງ, ຂາດສານໂຟລິກ ລວມໄປເຖິງການຜະລິດເມັດເລືອດຂາວກໍຈະໜ້ອຍລົງ, ຄວາມຕ້ານທານຕໍ່ເຊື້ອພະຍາດຕ່າງໆກໍຫລຸດລົງ, ເມື່ອບາດເຈັບເລືອດອອກ ເລືອດກໍຈະຢຸດໄຫລຍາກຂຶ້ນ ເນື່ອງຈາກເກັດເລືອດໃນຮ່າງກາຍເຮັດໜ້າທີ່ໄດ້ບໍ່ດີ ຈຶ່ງອາດເຮັດໃຫ້ມີອາການຕົກເລືອດໄດ້ງ່າຍຂຶ້ນ.
  7. ລະບົບປະສາດ : ເມື່ອປາຍລະບົບປະສາດອັກເສບຈາກລິດຂອງອານກໍຮໍ ກໍຈະເກີດອາການຊາຕາມປາຍນິ້ວມື, ປາຍນິ້ວຕີນ, ມີອາການຈັງຊາ ແລະ ການຊົງໂຕກໍຈະປ່ຽນໄປ.
  8. ສະໝອງ : ຊ່ວງທຳອິດອານກໍຮໍຈະເຮັດໃຫ້ສະໝອງຕື່ນໂຕ, ຫ້າວຫັນ, ສົດຊື່ນ ຫລື ບາງຄົນອາດຈະຮູ້ສຶກຢາກນອນ ຈົນ ນອນຫລັບໝົດສະຕິໄປ, ແຕ່ເມື່ອໃດກໍຕາມທີ່ກ້າວເຂົ້າສູ່ການຕິດອານກໍຮໍຊຳ້ເຮື້ອ ກໍຈະເລີ່ມມີອາການຄວາມຈື່ຈຳເສື່ອມ, ຄວາມ ຄິດຫລົງລືມ, ເສຍການຊົງໂຕ, ຍ່າງບໍ່ທ່ຽງ, ແຊນສະໝອງອາດຈະນ້ອຍລົງ ຈົນເກີດການປ່ຽນແປງຕໍ່ບຸກຄະລິກກະພາບ ເຊັ່ນ : ບໍ່ສົນໃຈໃຜ, ຊຶມເສົ້າ ຫລື ປະສາດຫລອນ, ລະແວງວ່າຈະມີຄົນມາທຳຮ້າຍ ເປັນຕົ້ນ.
  9. ລະບົບຂັບຖ່າຍ ແລະ ອະໄວຍະວະສືບພັນ : ເມື່ອດື່ມອານກໍໍຮໍຫລາຍໆຈົນຊຳ້ເຮື້ອ ຜູ້ຊາຍອາດມີຄວາມຕ້ອງການທາງເພດຫລຸດລົງ, ຂະໜາດຂອງອັນທະອາດຈະນ້ອຍລົງ ແລະ ແມ່ຍິງທີ່ຖືພາອາດເກີດອາການຫລຸລູກ ຫລື ເກີດລູກກ່ອນກຳນົດ ຈົນມີໂອກາດເຮັດໃຫ້ມີຄວາມຜິດປົກກະຕິຕໍ່ລູູກສູງຂຶ້ນ.
  10. ອະໄວຍະວະຕ່າງໆພາຍໃນສ່ຽງເປັນພະຍາດມະເຮັງສູງ : ນອກຈາກທຸກອາການທີ່ກ່າວມາຂ້າງເທິງ ອານກໍຮໍຍັງເປັນສາເຫດຕົ້ນຕໍຂອງຫລາຍພະຍາດມະເຮັງໃນຮ່າງກາຍ ຄົນທີ່ຕິດອານກໍຮໍໍມີຄວາມສ່ຽງໃນການເປັນມະເຮັງໃນອະໄວຍະວະຕ່າງໆຫລາຍກ່ວາຄົນທົ່ວໄປເຖິງ 10 ເທົ່າ ອະໄວຍະວະທີ່ພົບວ່າເປັນມະເຮັງໄດ້ຫລາຍແມ່ນຫລອດອາຫານ, ກະເພາະ ອາຫານ, ຕັບ ແລະ ບີ.
- new3 - 10 ອະໄວຍະວະທີ່ຖືກທຳລາຍດ້ວຍລິດຂອງສິ່ງມຶນເມົາ
- lattana 1 - 10 ອະໄວຍະວະທີ່ຖືກທຳລາຍດ້ວຍລິດຂອງສິ່ງມຶນເມົາ
error: Content is protected !!