ບໍລິສັດ ບ້ານປູ ພາວເວີ ໃຫ້ການຊ່ວຍເຫຼືອຜູ້ປະສົບໄພນໍ້າຖ້ວມໃນລາວ ລວມມູນຄ່າ 5,5 ລ້ານບາດໄທ

- Banpou company - ບໍລິສັດ ບ້ານປູ ພາວເວີ ໃຫ້ການຊ່ວຍເຫຼືອຜູ້ປະສົບໄພນໍ້າຖ້ວມໃນລາວ ລວມມູນຄ່າ 5,5 ລ້ານບາດໄທ
- Untitled design - ບໍລິສັດ ບ້ານປູ ພາວເວີ ໃຫ້ການຊ່ວຍເຫຼືອຜູ້ປະສົບໄພນໍ້າຖ້ວມໃນລາວ ລວມມູນຄ່າ 5,5 ລ້ານບາດໄທ

ຈາກເຫດການໄພພິບັດນ້ຳຖ້ວມຄັ້ງໃຫຍ່ທີ່ເກີດຂຶ້ນໃນໄລຍະທີ່ຜ່ານມາ ໃນເຂດທົ່ວປະເທດ ໄດ້ສົ່ງຜົນກະທົບຕໍ່ປະຊາຊົນລາວເປັນຈຳນວນຫຼາຍ ທັງດ້ານຊີວິດ ແລະ ຊັບສິນ ໂດຍສະເພາະ ຢູ່ເມືອງສະໜາມໄຊ ແຂວງອັດຕະປື. ບໍລິສັດ ບ້ານປູ ພາວເວີ ຈຳກັດ ມະຫາຊົນ ໃນຖານະອົງກອນທີ່ດຳເນີນທຸລະກິດໃນລາວ ມາເປັນໄລຍະເວລລາກວ່າ 10 ປີແລ້ວ ແລະ ມີຄວາມຜູກພັນໃກ້ຊິດກັບປະຊາຊົນ ແລະ ຊຸມຊົນ ຊຶ່ງໄດ້ພະຍາຍາມເຂົ້າມາຊ່ວຍເຫຼືອຜູ້ໄດ້ຮັບຜົນກະທົບຈາກໄພພິບັດດັ່ງກ່າວ ເພື່ອເຂົາເຈົ້າສາມາດຟື້ນຟູຜົນເສຍຫາຍໃຫ້ກັບສູ່ພາວະປົກກະຕິໂດຍໄວ.

ທ່ານ ນາງ ສົມລຶດີ ໄຊມົງຄົນ ປະທານເຈົ້າໜ້າທີ່ບໍລິຫານ ບໍລິສັດ ບ້ານປູ ພາວເວີ ຈຳກັດ ມະຫາຊົນ ໃຫ້ຮູ້ວ່າ: ທາງບໍລິສັດ ໄດ້ເຫັນເຖິງຄວາມລຳບາກຂອງປະຊາຊົນລາວຜູ້ທີ່ຖືກປະສົບໄພ ນັບຕັ້ງແຕ່ມື້ທຳອິດທີ່ເກີດເຫດການຂຶ້ນ, ທາງບໍລິສັດຈຶ່ງໄດ້ຈັດກໍາລັງສະເພາະກິດເພື່ອລະດົມແນວຄິດ ແລະ ວາງແຜນໃຫ້ຄວາມຊ່ວຍເຫຼືອຢ່າງຮີບດ່ວນ ເລີ່ມຕັ້ງແຕ່ການເຂົ້າສຳຫຼວດພື້ນທີ່ປະສົບໄພ, ເພື່ອຮັບຮູ້ເຖິງຄວາມຕ້ອງການຂອງປະຊາຊົນຜູ້ປະສົບໄພ, ຮ່ວມມືກັບສະພາກາຊາດໄທໃນການສົ່ງມອບສິ່ງຂອງທີ່ຈຳເປັນໃຫ້ແກ່ຜູ້ປະສົບໄພ ລວມເຖິງການລະດົມທຶນ ແລະ ວັດຖຸສິ່ງຂອງຕ່າງໆ ເພື່ອຊ່ວຍໃຫ້ຊຸມຊົນ ແລະ ຜູ້ທີ່ໄດ້ຮັບຜົນກະທົບຜ່ານພົ້ນວິກິດການຄັ້ງນີ້ ໂດຍໄວ. ໂດຍທີມງານບ້ານປູ ໄດ້ເຂົ້າສຳຫຼວດພື້ນທີ່ທັນທີຫຼັງຈາກເກີດເຫດການ ພ້ອມນຳລົດບັນທຸກຂະໜາດໃຫຍ່ລຳລຽງເຄື່ອງໃຊ້ທີ່ຈຳເປັນຕໍ່ການດຳລົງຊີວິດປະຈໍາວັນເຊັ່ນ: ເຄື່ອງນຸ່ງຮົ່ມ, ນ້ຳດື່ມ ແລະ ອາຫານແຫ້ງ ລວມມູນຄ່າ 3 ແສນບາດໄທ ມອບໃຫ້ແກ່ສູນຊ່ວຍເຫຼືອຜູ້ປະສົບໄພ ແຂວງຄຳມ່ວນ, ພ້ອມນີ້, ບໍລິສັດ ໄດ້ມອບເງິນບໍລິຈາກຈຳນວນ 1 ລ້ານບາດ ໃນງານຄອນເສີດລະດົມທຶນ “ຮ່ວມສົ່ງນ້ຳໃຈ ໄປຊ່ວຍລາວ” ຊຶ່ງຈັດໂດຍສະມາຄົມໄທ-ລາວ ເພື່ອມິດຕະພາບ ກະຊວງການຕ່າງປະເທດ ແລະ ສະຖາບັນເຕັກໂນໂລຊີພະຈອມເກົ້າເຈົ້າຄຸນທະຫານລາດກະບັງ ແລະ ບໍລິສັດດັ່ງກ່າວ ຍັງມອບເງິນບໍລິຈາກເພີ່ມຈໍານວນ 4 ລ້ານບາດ ໃຫ້ກະຊວງການເງິນ ສປປ ລາວ ລວມຍອດເງິນການຊ່ວຍເຫຼືອຂອງບໍລິສັດຕະຫຼອດໄລຍະເວລາສອງເດືອນຜ່ານມາ ມີທັງໝົດ 5.500.000 ບາດ.

ທ່ານ ແສງ ສຸຂະທິວົງ ເອກອັກຄະລັດຖະທູດ ສາທາລະນະລັດ ປະຊາທິປະໄຕ ປະຊາຊົນລາວ ກ່າວວ່າ: ໃນຖານະຕົວແທນລັດຖະບານລາວ ແລະ ປະຊາຊົນລາວຜູ້ໄດ້ຮັບຜົນກະທົບ ຂໍຂອບໃຈມາຍັງ ບໍລິສັດ ບ້ານປູ ພາວເວີ ຈຳກັດ ມະຫາຊົນ ທີ່ໄດ້ມີສ່ວນຮ່ວມສໍາຄັນ ໃນການຊ່ວຍເຫຼືອປະຊາຊົນລາວຜູ້ປະສົບໄພເວົ້າລວມ, ເວົ້າສະເພາະກໍແມ່ນປະຊາຊົນ ເມືອງສະໜາມໄຊ ໄດ້ຊົມໃຊ້ຢ່າງທັນການ.

- Wave100S AD to Website 2020 0 - ບໍລິສັດ ບ້ານປູ ພາວເວີ ໃຫ້ການຊ່ວຍເຫຼືອຜູ້ປະສົບໄພນໍ້າຖ້ວມໃນລາວ ລວມມູນຄ່າ 5,5 ລ້ານບາດໄທ
- WhatsApp Image 2020 05 27 at 5 - ບໍລິສັດ ບ້ານປູ ພາວເວີ ໃຫ້ການຊ່ວຍເຫຼືອຜູ້ປະສົບໄພນໍ້າຖ້ວມໃນລາວ ລວມມູນຄ່າ 5,5 ລ້ານບາດໄທ
- WhatsApp Image 2020 05 27 at 5 - ບໍລິສັດ ບ້ານປູ ພາວເວີ ໃຫ້ການຊ່ວຍເຫຼືອຜູ້ປະສົບໄພນໍ້າຖ້ວມໃນລາວ ລວມມູນຄ່າ 5,5 ລ້ານບາດໄທ
error: Alert: ເນື້ອຫາຂ່າວມີລິຂະສິດ !!