ເຈົ້າ​ໜ້າ​ທີ່​ອາ​ວຸ​ໂສ​ກົດ​ໝາຍ​ອາ​ຊຽນ​ຮ່ວມພິ​ຈາ​ລະ​ນາ​ບາງ​ບັນ​ຫາ​ກ່ຽວ​ກັບກົດ​ໝາຍ

- Mekong japna summit - ເຈົ້າ​ໜ້າ​ທີ່​ອາ​ວຸ​ໂສ​ກົດ​ໝາຍ​ອາ​ຊຽນ​ຮ່ວມພິ​ຈາ​ລະ​ນາ​ບາງ​ບັນ​ຫາ​ກ່ຽວ​ກັບກົດ​ໝາຍ
- Untitled design - ເຈົ້າ​ໜ້າ​ທີ່​ອາ​ວຸ​ໂສ​ກົດ​ໝາຍ​ອາ​ຊຽນ​ຮ່ວມພິ​ຈາ​ລະ​ນາ​ບາງ​ບັນ​ຫາ​ກ່ຽວ​ກັບກົດ​ໝາຍ

ກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສ​ອາ​ກົດ​ໝາຍ​ອາ​ຊຽນ ຄັ້ງ​ທີ 13 ໄດ້ຈັດຂຶ້ນໃນວັນທີ 9 ຕຸລານີ້ ທີ່ນະຄອນຫຼວງວຽງຈັນ, ໂດຍມີ​ບັນ​ດາເຈົ້າ​ໜ້າ​ທີ່​ວຸ​ໂສກົດ​ໝາຍ​ຂອງປະ​ເທດ​ສະ​ມາ​ຊິກ​ອາ​ຊຽນ​ເຂົ້າ​ຮ່​ວມ ເພື່ອ​ປຶກ​ສາ​ຫາ​ລື ແລະ ຄົ້ນ​ຄວ້າຫົວ​ຂໍ້​ຕ່າງໆ ທີ່​ໄດ້​ຮັບ​ຮອງ​ໂດຍ​ປະ​ເທດ​ສະ​ມາ​ຊິກ​ອາ​ຊຽນ ​ແລະ ບາງ​ບັນ​ຫາ​ຕ້ອງ​ໄດ້​ພິ​ຈາ​ລະ​ນາ ເພື່ອ​ນຳ​ເອົາ​ຜົນ​ກອງ​ປະ​ຊຸມ​​ຄັ້ງ​ນີ້ ລາຍ​ງານ​ໃນ​ກອງ​ປະ​ຊຸມ​ລັດ​ຖະ​ມົນ​ຕີກົດ​ໝາຍ​ອາ​ຊຽນ ຄັ້ງ​ທີ 10 ເປັນ​ຕົ້ນ​ແມ່ນການ​ຍົກ​ລະ​ດັບ​ສົນ​ທິ​ສັນ​ຍາ​ພະ​ຫຸ​ພາ​ຄີ ວ່າ​ດ້ວຍ​ການ​ຊ່ວຍ​ເຫລືອ​ເຊິ່ງ​ກັນ ແລະ ກັນທາງ​ດ້ານ​ກົດ​ໝ​າຍ​ໃນ​ເລື່ອງ​ອາ​ຍາເປັນ​ສົນ​ທິ​ສັນ​ຍາ​ອາ​ຊຽນ; ການ​ຮ່າງ​ສົນ​ທິ​ສັນ​ຍາ​ຕົວ​ແບບ ​ວ່າ​ດ້ວຍ​ການ​ສົ່ງ​ຜູ້​ຮ້າຍ​ຂ້າມ​ແດນ​ຂອງ​ອາ​ຊຽນ; ການ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ການ​ຮ່ວມ​ມື​ທາງ​ດ້ານ​ກົດ​ໝາຍ​ແພ່ງ ແລະ ການ​ຄ້າ​ໃນ​ບັນ​ດາ​ປະ​ເທດ​ສະ​ມາ​ຊິກ​ອາ​ຊຽນ; ການ​ພັດ​ທະ​ນາ​ການ​ສ້າງ​ຄວາມ​ກົມ​ກຽວ ແລະ ຄວາມ​ເປັນ​ເອ​ກະ​ພາບ​ໃຫ້​ແກ່​ກົດ​ໝາຍ​ການ​ຄ້າ​ຂອງ​ອາ​ຊຽນ; ການ​ໂອນ​ຕົວ​ນັກ​ໂທດ; ການ​ເປີດ​ເສ​ລີ​ການ​ບໍ​ລິ​ການ​ທາງ​ດ້ານ​ກົດ​ໝາຍ ແລະ ການ​ສ້​າງ​ຄວາມ​ເຂັ້ມ​ແຂງ​ໃຫ້​ແກ່​ຕາ​ໜ່າງ​ຂໍ້​ມູນ​ຂ່າວ​ສານ​ຂອງ​ບັນ​ດາ​ປະ​ເທດ​ສະ​ມາ​ຊິກ​ອາ​ຊຽນ ແລະ ອອກ​ຖະ​ແຫລງ​ການ​ຮ່ວມ​ລະ​ຫວ່າງ​ລັດ​ຖະ​ມົນ​ຕີ​ກົດ​ໝາຍ​ອາ​ຊຽນ​ ຂອງ​ແຕ່​ລະ​ປະ​ເທດ​ສະ​ມາ​ຊິກ​ອາ​ຊຽນ ​ພາຍ​ຫລັງ​ຮັ​ບ​ຮອງ​ການ​ແກ້​ໄຂ​ບັນ​ຫາ ແລະ ຂໍ້​ສະ​ເໜີ​ຕ່າງໆ.

​ ກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂ​ສ​ກົດ​ໝາຍ​ອາ​ຊຽນໃນ​ຄັ້ງ​ນີ້, ຍັງເປັນ​ການ​ປະ​ເມີນ​ຄວາມ​ກ້າວ​ໜ້າ ແລະ ປຶກ​ສາ​ຫາ​ລື​ກັນໃນ​ການ​ເສີມ​ຂະ​ຫຍາຍ​ການ​ຮ່ວມ​ມື​ກັນ​ທາງ​ດ້ານ​ກົດ​ໝາຍ​ໃຫ້​ມີ​ປະ​ສິດ​ທິ​ຜົນ​ ເພື່ອ​ປະ​ກອບ​ສ່ວນສ້າງວິ​ໄສ​ທັດ​ຂອງ​ປະ​ຊາ​ຄົມ​ອາ​ຊຽນ 2025 ກໍ​ຄື​ການ​ແລກ​ປ່ຽນ​ທັດ​ສະ​ນະ​ຂອງ​ພາກ​ພື້ນ ແລະ ສາ​ກົນ ແລະ ບາງ​ບັນ​ຫາ​ທີ່​ມີ​ຄວາມ​ສົນ​ໃຈ​ຮ່ວມ​ກັນອື່ນໆອີກດ້ວຍ.

- Wave100S AD to Website 2020 0 - ເຈົ້າ​ໜ້າ​ທີ່​ອາ​ວຸ​ໂສ​ກົດ​ໝາຍ​ອາ​ຊຽນ​ຮ່ວມພິ​ຈາ​ລະ​ນາ​ບາງ​ບັນ​ຫາ​ກ່ຽວ​ກັບກົດ​ໝາຍ
- WhatsApp Image 2020 05 27 at 5 - ເຈົ້າ​ໜ້າ​ທີ່​ອາ​ວຸ​ໂສ​ກົດ​ໝາຍ​ອາ​ຊຽນ​ຮ່ວມພິ​ຈາ​ລະ​ນາ​ບາງ​ບັນ​ຫາ​ກ່ຽວ​ກັບກົດ​ໝາຍ
- WhatsApp Image 2020 05 27 at 5 - ເຈົ້າ​ໜ້າ​ທີ່​ອາ​ວຸ​ໂສ​ກົດ​ໝາຍ​ອາ​ຊຽນ​ຮ່ວມພິ​ຈາ​ລະ​ນາ​ບາງ​ບັນ​ຫາ​ກ່ຽວ​ກັບກົດ​ໝາຍ
error: Alert: ເນື້ອຫາຂ່າວມີລິຂະສິດ !!