ຜູ້ນຳອິນໂດເນເຊຍເຕືອນຫາຍະນະ ເສດຖະກິດກຳລັງຈະມາຢາມ

- advert banner 728 90 728x90 - ຜູ້ນຳອິນໂດເນເຊຍເຕືອນຫາຍະນະ ເສດຖະກິດກຳລັງຈະມາຢາມ

ປະທານາທິບໍດີ ​ໂຈ​ໂກ ວິ​ໂດ​ໂດ ຂອງ​ອິນ​ໂດ​ເນ​ເຊຍ ​ເຕືອນ​ຜູ້​ວ່າການ​ທະນາຄານ​ກາງ ​ແລະ ລັດຖະມົນຕີ​ການ​ເງິນ​ທົ່ວ​ໂລກ ​ໃຫ້​ກຽມ​ຮັບ​ມື​ກັບ​ຄວາ​ມສ່ຽງ​ທີ່​​ເພີ່ມ​ຂຶ້ນ ອັນ​ເກີດ​ຈາກ​ການ​ທີ່​ສົງຄາມ​ການ​ຄ້າ ຈີນ-ອາ​ເມ​ລິ​ກາ ​ເຮັດ​ໃຫ້​ຕະຫລາດ​ເສດຖະກິດ​ເກີດ​ໃໝ່ ​ແລະ ຕະຫລາດ​ພັນທະນາ​ແລ້ວ​ປັ່ນ​ປ່ວນ.

ປະທານາທິບໍດີ ​ວິ​ໂດ​ໂດ ກ່າວ​ປາ​ໄສ​ຕໍ່​ກອງ​ປະຊຸມ​ໃຫຍ່​ກອງ​ທຶນ​ການ​ເງິນ​ສາກົນ (IMF) ​ແລະ ທະນາຄານ​ໂລກ ທີ່​ອິນ​ໂດ​ເນ​ເຊຍ​ເປັນ​ເຈົ້າພາບ ຢູ່​ເກາະ​ບາ​ຫລີ​ວ່າ: ບັນຫາ​ທັງຫລາຍ​ທັງ​ປວງ​ທີ່​ກຳລັງ​ເກີດ​ຂຶ້ນຕໍ່​ເສດຖະກິດ​ໂລກ ​ເຮັດ​ໃຫ້​ທຸກ​ຄົນຮູ້​ສຶກວ່າ: “ລະດູ​ໜາວ​ກຳລັງ​ຈະ​ມາ”, ຄວາມ​ເປັນ​ປໍ​ລະ​ປັກ​ທີ່​ຮຸນ​ແຮງ​ຂຶ້ນອາດ​ເຮັດ​ໃຫ້​ສະຖານະ​ການ​ວິ​ກິດ​ກວ່າ​ວິ​ກິດ​ການ​ເງິນ​ໂລກ​ເມື່ອ​ສິບ​ປີ​ກ່ອນ, ການ​ພົວພັນ​ລະຫວ່າງ​ເສດຖະກິດ​​ໃຫຍ່ໆ​ເປັນ​ຄື​ເລື່ອງ​ໃນ​ເກ​ມຫລາຍ​ຂຶ້ນ​ເລື້ອຍໆ, ທຸກ​ຄົນ​ມີ​ແຕ່​ຕໍ່ສູ້ ​ແລະ ​ແຂ່ງຂັນ​ກັນ​ຈົນ​ລືມ​ສັງ​ເກດ​ວ່າ ບາງ​ສິ່ງ​ບາງ​ຢ່າງ​ກຳລັງ​ຄຸກ​ຄາມ​ທຸກ​ຄົນ​ຫລາຍ​ຂຶ້ນ ບໍ່​ມີ​ຍົກ​ເວັ້ນວ່າ​ເປັນ​ຄົນ​ທຸກ ຫລື ຄົນ​ລວຍ, ​ເປັນ​ປະ​ເທດ​ນ້ອຍ ຫລື ປະ​ເທດ​ໃຫຍ່.

- lattana 1 - ຜູ້ນຳອິນໂດເນເຊຍເຕືອນຫາຍະນະ ເສດຖະກິດກຳລັງຈະມາຢາມ
- 1 1 - ຜູ້ນຳອິນໂດເນເຊຍເຕືອນຫາຍະນະ ເສດຖະກິດກຳລັງຈະມາຢາມ

ຜູ້ນຳ​ອິນ​ໂດ​ເນ​ເຊຍ ຂໍ​ໃຫ້​ລັດຖະມົນຕີ​ການ​ເງິນ ​ແລະ ຜູ້​ວ່າການ​ທະນາຄານ​ກາງ ​ເຊິ່ງຮ່ວມ​ຢູ່​ໃນ​ກຸ່ມ​ແຂກ​ຜູ້​ມີ​ກຽດ ​ແລະ ຄະນະ​ຜູ້​ແທນ​ກອງ​ປະຊຸມ​ຫລາຍ​ກວ່າ 19.000 ຄົນ ຫາ​ມາດ​ຕະການ​ຮອງ​ຮອບ​ຜົນ​ກະທົບ​ຈາກ​ສົງຄາມ​ການ​ຄ້າ, ການ​ປ່ຽນ​ແປງ​ດ້ານ​ເຕັກ​ໂນ​ໂລ​ຊີ​ຄັ້ງ​ໃຫຍ່ ​ແລະ ຄວາມ​ວຸ້ນວາຍ​ໃນ​ຕະຫລາດ​ທຶນ​ຕະຫລາດ​ເງິນ, ຫວັງ​ວ່າ​ທຸກ​ຄົນ​ຈະ​ເຮັດ​ໜ້າ​ທີ່​ຂອງ​ຕົນ​ເອງ​ເພື່ອ​ເຮັດ​ໃຫ້​ຄົນ​ລະດັບ​ຜູ້ນຳ​ໃຫ້​ດຳ​ເນີນ​ການ​ໃນ​ທິດ​ທາງ​ທີ່​ຖືກຕ້ອງ ​ເພາະ​ການ​ຜະ​ເຊີນ ​ແລະ ການ​ປະ​ທະ​ມີ​ແຕ່​ຈະ​ສ້າງ​ຄວາມ​ສູນ​ເສຍ.

error: Content is protected !!