ກະຊວງການເງິນ ແລະ ການຄ້າກຽມໃສ່ກອງປະຊຸມທຸລະກິດລາວ ຄັ້ງທີ 10

- advert banner 728 90 728x90 - ກະຊວງການເງິນ ແລະ ການຄ້າກຽມໃສ່ກອງປະຊຸມທຸລະກິດລາວ ຄັ້ງທີ 10

- Finance 300x153 - ກະຊວງການເງິນ ແລະ ການຄ້າກຽມໃສ່ກອງປະຊຸມທຸລະກິດລາວ ຄັ້ງທີ 10

- new3 - ກະຊວງການເງິນ ແລະ ການຄ້າກຽມໃສ່ກອງປະຊຸມທຸລະກິດລາວ ຄັ້ງທີ 10

ກະຊວງການເງິນຮ່ວມກັບກະຊວງອຸດສາຫະກໍາ ແລະ ການຄ້າ, ໄດ້ຈັດກອງປະຊຸມປຶກສາຫາລືກ່ຽວກັບບັນຫາຂອງພາກທຸລະກິດ, ການເສຍພາສີ, ອາກອນ,  ການນໍາເຂົ້າ-ສົ່ງອອກທີ່ຕິດພັນກັບກະຊວງການເງິນ ເພື່ອກຽມໃສ່ກອງປະຊຸມທຸລະກິດລາວ ຄັ້ງທີ 10 ທີ່ຈະຈັດຂຶ້ນໃນໄວໆນີ້.

ກອງປະຊຸມດັ່ງກ່າວຈັດຂຶ້ນທີ່ກະຊວງການເງິນ ໃນວັນທີ 7 ມີນານີ້ ໂດຍການເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ມີທ່ານ ນາງ ເຂັມມະນີ ພົນເສນາ ລັດຖະ ມົນຕີກະຊວງອຸດສາຫະກໍາ ແລະ ການຄ້າ, ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກໍາແຫ່ງຊາດ, ເຂົ້າຮ່ວມນຳດ້ວຍ

ເພື່ອເປັນການປຶກສາຫາລື, ການຕິດຕາມລາຍງານຄວາມຄືບໜ້າຂອງການແກ້ໄຂບັນຫາການເສຍພາສີ, ອາກອນ, ການນໍາເຂົ້າ-ສົ່ງອອກຂອງພາກທຸລະກິດ ແລະ ບັນຫາທີ່ຢູ່ໃນຂັ້ນຕອນການແກ້ໄຂ ແລະ ທິດທາງການແກ້ໄຂສໍາລັບບັນຫາຂໍ້ຄົງຄ້າງ ເພື່ອນຳໄປປະກອບຄຳຄິດຄຳເຫັນໄປສະເໜີຢູ່ກອງປະຊຸມທຸລະກິດລາວ ໃນຄັ້ງທີ 10 ນີ້ ເຊັ່ນ: ວຽກງານການເກັບອາກອນມູນຄ່າ,  ດ້ານການຂົນສົ່ງ,ອາກອນຊົມໃຊ້ອິນເຕີເນັດ, ອາກອນມູນຄ່າເພີ່ມສໍາລັບການຜະລິດສົ່ງອອກ, ອາກອນມູນຄ່າເພີ່ມໃນຂະແໜງບໍລິການ, ອາກອນມູນຄ່າເພີ່ມຕໍ່ການບໍລິການຂອງທະນາຄານທຸລະກິດ, ການປະກອບເອກະສານນໍາເຂົ້າ-ສົ່ງອອກສິນຄ້າ, ລາຄາຂົນສົ່ງສິນຄ້າພາຍໃນ ແລະ ຕ່າງປະເທດ, ການນໍາເຂົ້າ ແລະ ສົ່ງສິນຄ້າຜ່ານດ່ານສາກົນ ແລະ ດ່ານປະເພນີ, ການເຂົ້າເຖິງຂໍ້ມູນຕົວເລກສົ່ງອອກໄມ້ ແລະ ການສົ່ງອອກໄມ້ປູກ, ການນໍາເຂົ້າສິນຄ້າປະເພດຢາປົວພະຍາດ, ການຈັດຊື້-ຈັດຈ້າງຂອງໂຄງການລັດຖະບານ, ຄ່າທໍານຽມຈົດທະບຽນຊັບທີ່ຕິດພັນກັບສິດນໍາໃຊ້ທີ່ດິນ, ຄວາມຫຍຸ້ງຍາກໃນການເຂົ້າຫາແຫລ່ງທຶນຂອງລັດວິສາຫະກິດ, ການແບ່ງຜົນປະໂຫຍດຈາກເງິນກູ້ຢືມລະຫວ່າງປະເທດດ້ານວິສະວະກໍາທີ່ປຶກສາ, ການປະເມີນໜີ້ສິນຂອງຊາວກະສິກອນທີ່ຕິດພັນກັບທຶນກູ້ຢືມຈານລັດຖະບານທີ່ສະໜອງໃຫ້ຜູ້ປະກອບການຜະລິດສິນຄ້າກະສິກໍາຕາມນະໂຍບາຍສົ່ງເສີມການຜະລິດເປັນສິນຄ້າ ແລະ ອື່ນໆ.

ໂອກາດນີ້, ຮອງນາຍົກລັດຖະມົນຕີ ໄດ້ຮຽກຮ້ອງມາຍັງພາກສ່ວນທີ່ກ່ຽວຂ້ອງຈົ່ງຮ່ວມໃຈກັນປຶກສາຫາລື ແລະ ປະກອບຄໍາຄິດເຫັນ, ຊ່ວຍກັນເອົາໃຈໃສ່ຈັດຕັ້ງປະຕິບັດໜ້າທີ່ວຽກງານຕາມຂອບເຂດຄວາມຮັບຜິດຊອບຂອງຕົນຢ່າງເຂັ້ມງວດ, ເພື່ອເປັນການສົ່ງເສີມຫົວຫນ່ວຍທຸລະກິດລາວ ໃຫ້ມີຄວາມເຂັ້ມແຂງ.

error: Content is protected !!