ລັດຖະມົນຕີການຄ້າອາຊຽນ ລົງນາມຂໍ້ຕົກລົງອີ-ຄອມເມີດ

ລັດຖະມົນຕີການຄ້າອາຊຽນ ລົງນາມຂໍ້ຕົກລົງອີ-ຄອມເມີດ - 1542097268392 960x0 - ລັດຖະມົນຕີການຄ້າອາຊຽນ ລົງນາມຂໍ້ຕົກລົງອີ-ຄອມເມີດ
ລັດຖະມົນຕີການຄ້າອາຊຽນ ລົງນາມຂໍ້ຕົກລົງອີ-ຄອມເມີດ - AGL banner - ລັດຖະມົນຕີການຄ້າອາຊຽນ ລົງນາມຂໍ້ຕົກລົງອີ-ຄອມເມີດ

ຄະນະ​ລັດຖະມົນຕີ​ການ​ຄ້າ​ປະ​ເທດ​ສະມາຄົມ​ປະຊາ​ຊາດ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ​ໄດ້​ລົງ​ນາມ​ໃນ​ຂໍ້​ຕົກລົງ​ອີ-ຄອມ​ເມີດ ​ໃນ​ວັນ​ທີ 12 ພະຈິກ​ນີ້ ​ເພື່ອ​ສົ່ງ​ເສີມການ​ຄ້າ​ເອ​ເລັກ​ໂຕຣນິກຂອງ​ຂະ​ແໜງ​ທຸລະ​ກິດ ​ແລະ ລັດຖະບານ​ໃນ​ກຸ່ມ​ປະ​ເທດ​ສະມາຊິກ ​ເພື່ອ​ຊຸກຍູ້​ການ​ຕິດ​ຕໍ່​ທາງ​ທຸລະ​ກິດ​ໃຫ້​ກ້າວໜ້າ​ຢ່າງ​ວ່ອງ​ໄວ ​ແລະ ມີ​ປະສິດທິພາບ.

ຂໍ້​ຕົກລົງ​ອາ​ຊຽນ ວ່າ​ດ້ວຍ​ອີ-ຄອມ​ເມີດ ​ເຊິ່ງ​ເປັນ​ຂໍ້​ຕົກລົງ​ສະບັບ​ທຳ​ອິດ ​ເພື່ອ​ເອື້ອອຳນວຍ​ຜົນ​ປະ​ໂຫຍ​ດ​ໃນ​ການ​ຕິດ​ຕໍ່​ທາງ​ການ​ຄ້າ​ເອ​ເລັກ​ໂຕຣນິກຂ້າມ​ແດນ ​ໄດ້​ຮັບ​ຄວາມ​ເຫັນ​ພ້ອມ​ພາຍຫລັງ​ການ​ເຈລະຈາ​ 9 ຮອບ​ໃນ​ກຸ່ມ​ສະມາຊິກ​ອາ​ຊຽນ 10 ປະ​ເທດ ​ແລະ ມີ​ການ​ລົງ​ນາມ​ລະຫວ່າງ​ກອງ​ປະຊຸມ​ສຸດ​ຍອດ​ອາ​ຊຽນ ຄັ້ງທີ 33 ​ແລະ ກອງ​ປະຊຸມ​ທີ່​ກ່ຽວຂ້ອງ​ອື່ນໆ. ທ່ານ ຊານ ຊຸນ ຊິງ ລັດຖະມົນຕີ​ການ​ຄ້າ ​ແລະ ອຸດສາຫະກຳ​ສິງກະ​ໂປ ປະ​ເທດ​ເຈົ້າພາບ​ ກ່າວ​ວ່າ: ຂໍ້​ຕົກລົງ​ດັ່ງກ່າວ​ມີ​ຈຸດປະສົງ​ເພື່ອ​ເອື້ອອຳນວຍ​ຜົນ​ປະ​ໂຫຍ​ດການ​ຄ້າ​ເອ​ເລັກ​ໂຕຣນິກຂ້າມ​ແດນ, ສ້າງ​ບັນຍາກາດ​ແຫ່ງ​ຄວາມ​ໄວ້​ວາງ​ໃຈ​ກັນ ​ແລະ ສົ່ງ​ເສີມ​ການ​ຮ່ວມ​ມື​ໃນ​ປະ​ເທດ​ອາ​ຊຽນ ​ເພື່ອ​ຊຸກຍູ້​ເສດຖະກິດ​ໃນ​ພາກພື້ນ​ໃຫ້​ເຕີບ​ໃຫຍ່. ລັດຖະມົນຕີ​ການ​ຄ້າ​ສິງກະ​ໂປ​ ກ່າວ​ອີກ​ວ່າ: ອາ​ຊຽນ​ເປັນ​ຕະຫລາດ​ທີ່​ມີ​ການ​ເຕີບ​ໃຫຍ່​ໄວ​ທີ່​ສຸດ​ໃນ​ໂລກ ​ໂດຍ​ມີ​ຜູ້​ໃຊ້​ອິນ​ເຕີ​ເນັດ 330 ລ້ານ​ຄົນ.

ລັດຖະມົນຕີການຄ້າອາຊຽນ ລົງນາມຂໍ້ຕົກລົງອີ-ຄອມເມີດ - Wave100S AD to Website 2020 0 - ລັດຖະມົນຕີການຄ້າອາຊຽນ ລົງນາມຂໍ້ຕົກລົງອີ-ຄອມເມີດ
ລັດຖະມົນຕີການຄ້າອາຊຽນ ລົງນາມຂໍ້ຕົກລົງອີ-ຄອມເມີດ - lattana 1 - ລັດຖະມົນຕີການຄ້າອາຊຽນ ລົງນາມຂໍ້ຕົກລົງອີ-ຄອມເມີດ
error: Alert: Content is protected !!