ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ

ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ - 23674 - ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ
ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ - AGL banner - ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ

 ໂດຍ: ທິດກ່ຳ   

ເທົ່າທີ່ທິດກ່ຳເຫັນ ແລະ ໄດ້ຕິດຕາມມາຫລາຍປີ, ໂດຍ ສະເພາະນັບຕັ້ງແຕ່ໄລຍະ ມີສື່ໃໝ່ທັນສະໄໝທີ່ພວມ ກິນໃຈຂອງຜູ້ໃຊ້ບໍລິໂພກທັງ ຫລາຍໄດ້ສ້າງປັດໄຈ ແລະ ເງື່ອນໄຂຫລາຍຢ່າງໃຫ້ ຄົນເຮົາໄດ້ເຂົ້າເຖິງຂໍ້ມູນຂ່າວສານຢ່າງວ່ອງໄວທັນໃຈ ຄ້າຍຄືກັນກັບວ່າ ໂລກໄຮ້ພົມ ແດນຈົນວ່າໃຜເຮັດຫຍັງ? ຢູ່ໃສ່ ກໍສາມາດເຊື່ອມໂຍງ ຮູ້ເຫັນ, ເຂົ້າຫາກັນ, ເວົ້າວ່າ ກັນ, ເຫັນກັນ ແລະ ເຂົ້າໃຈ ກັນໄດ້ຢ່າງໄວວາ ແລະ ສະດວກສະບາຍ.

ເຮັດແນວໃດບໍ່ໃຫ້ຄຳວິພາກວິຈານມາທຳລາຍຄວາມໝັ້ນໃຈ2018/

ເນມາ ບໍ່ສົນສຽງວິຈານຫວັງຫລິ້ນເອົາຊະນະເທົ່ານັ້ນ2018/

ອັນສຳຄັນທີ່ສຸດໃນສື່ໃໝ່ທັນສະໄໝນີ້ ມັນກໍມີໝົດທຸກ ຢ່າງເພື່ອສະໜອງຄວາມ ຕ້ອງການໃຫ້ຜູ້ບໍລິໂພກໄດ້ ເລືອກໃຊ້, ເລືອກເບິ່ງ, ມີທັງ ອັນດີ, ອັນຮ້າຍ, ທັງອັນຜິດ ອັນຖືກ, ມີຕະລົກເຮຮາ, ມ່ວນ ຊື່ນ, ທັງອັນມືດອັນແຈ້ງ ແລະ ອັນຕື່ມອັນແຖມ ເຊິ່ງ ທັງໝົດທີ່ກ່າວມານີ້ກໍເພື່ອ ເຮັດໃຫ້ຄົນເຮົາຮັບຮູ້, ຫັນ ປ່ຽນ, ຫລົງໄຫລ ແລະ ເພີດ ເພີນຢ່າງບໍ່ຮູ້ສຶກຕົວ.
ເພາະສະນັ້ນ, ພວກເຮົາ ທີ່ເປັນຜູ້ບໍລິໂພກຂ່າວຄາວ ຫາກບໍ່ມີວິຈາລະນາຍານ ໃນການຊົມ, ການໃຊ້ກໍຈະເຮັດ ໃຫ້ເຮົາຕົກຫລຸມແຫ່ງການ ຫັນປ່ຽນໂດຍສັນຕິ.

ແນວໃດກໍດີ, ຕາມທິດກ່ຳ ໃນແຕ່ລະກະແສຂອງຂ່າວ ຄາວແຕ່ລະຢ່າງ, ແຕ່ລະອັນ ທີ່ໂຜ່ອອກມາຜ່ານສື່ອອນ ລາຍນັ້ນ, ມັນກໍເລີ່ມອອກ ຈາກແນວຄວາມຄິດ, ຈາກ ຈິດໃຈກ້າວໄປ ເຖິງການກະ ທຳຢ່າງເປັນຕົນເປັນໂຕ ແລ້ວຈຶ່ງກະຈາຍສົ່ງອອກ ຜ່ານສື່ອອນລາຍດ້ວຍພຶດ ຕິກຳທັງຄຳເວົ້າຄຳວ່າ, ການ ຕຳນິຕິຕຽນກັນ ໃນທາງ ສ້າງສັນ ແລະ ບໍ່ສ້າງສັນ ນັ້ນມັນ ກໍບໍ່ໄດ້ອຶດໄດ້ຢາກ, ຕໍ່ບັນຫາທີ່ວ່ານີ້, ທິດກ່ຳ ຂໍຍົກເອົາປະເດັນຄົນລາວ ເຮົາເອງຈຳນວນໜ້ອຍໜຶ່ງ ທີ່ຢູ່ພາຍໃນປະເທດເວົ້າວ່າ ປະສົດກັນ ເຊິ່ງບາງກໍລະນີ ກໍກ້າວ ກ່າຍໄປເຖິງຮີດຄອງ ປະເພນີ, ວັດທະນະທຳອັນ ດີງາມ, ຜູ້ໃຫຍ່ໄມ້ສູງຫລື ການນຳພັກ-ລັດວ່າບໍ່ຄິດຄື ເພິ່ນ, ບໍ່ເກັ່ງຄືເພິ່ນ, ບໍ່ດີຄື ເພິ່ນ, ບໍ່ຄັກຄືເພິ່ນ, ບໍ່ຮູ້ຄືເພິ່ນ ແລະ ບໍ່ເຮັດໄດ້ຄືເພິ່ນ.

ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ - Wave100S AD to Website 2020 0 - ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ

ແຕ່ກົງກັນຂ້າມ ເບິ່ງ ເພິ່ນພັດໄດ້ແຕ່ເວົ້າ, ບໍ່ເຮັດ ເປັນຕົວແບບອອກມາໃຫ້ໝູ່ ເຫັນ ຢ່າງໂດດເດັ່ນມາໃຫ້ ປະເທດຊາດ.
ຕົວຢ່າງວ່າ ແຕ່ລະປີຕົນ ເອງປະກອບສ່ວນເງິນຈັກ ແສນຈັກລ້ານມາປະກອບ ສ່ວນໃຫ້ສ່ວນລວມຂອງ ບ້ານຕົນເອງຢູ່, ຂອງເມືອງ ໃນ ວຽກງານສາທາລະນະ ປະໂຫຍດ, ເປັນຕົ້ນຂຸດນ້ຳ ບໍ່ກໍ່ສາລາ, ສ້າງວັດວາອາ ຮາມ, ສ້າງໂຮງໝໍໂຮງຮຽນ ແລະ ອື່ນໆ.
ຕະຫລອດ 40 ກວ່າປີ ແຫ່ງພາລະກິດປົກປັກຮັກສາ ແລະ ພັດທະນາປະເທດຊາດ ທິດກ່ຳ ເຫັນຫລາຍຄົນທີ່ເຂົາ ບໍ່ເວົ້າຫຍັງແຕ່ເຂົາພັດເຮັດ ທຸກສິ່ງທຸກຢ່າງເພື່ອສ່ວນ ລວມ, ເພື່ອພາລະກິດຂອງ ຊາດ.

ແຕ່ລະປີພວກເຂົາເຈົ້າ ເຫລົ່ານັ້ນເຮັດວຽກເພື່ອ ຊາດເພື່ອປະຊາຊົນ, ບາງ ຄົນກໍນຳເອົາເງິນຄຳທີ່ຕົນ ຫາມາໄດ້ໄປພັດທະທ່ອງຖິ່ນ, ເຂດຊົນນະບົດຫ່າງໄກສອກ ຫລີກຫລືບ່ອນທີ່ປະຊາຊົນ ຍັງມີຄວາມທຸກຍາກລຳບາກ.

ຕົວຢ່າງໜຶ່ງໃນຍຸກຄົນ ທີ່ເປັນຕົວແບບທີ່ດີຂອງຊາດ ແລະ ຂອງສັງຄົມທີ່ ພວກເຮົາຄວນຍົກຍ້ອງນັ້ນກໍ ຄືດັ່ງ ທ່ານ ເກຍ ອູ່ສິດທິເດດ ນັກທຸລະກິດ ຢູ່ທີ່ແຂວງ ສະຫວັນນະເຂດ ໄດ້ເສຍສະຫລະນຳເອົາເງິນຂອງຕົນ ຈຳນວນຫລາຍຕື້ໄປພັດ ທະນາບ້ານຄຳປາແໜທີ່ ເປັນບ້ານທຸກຍາກຢູ່ເຂດ ເມືອງ ຈຳພອນ ແຂວງສະຫວັນນະເຂດ, ຈົນກາຍເປັນ ບ້ານ ພັດທະນາໃນທີ່ສຸດ.
ມາຮອດປັດຈຸບັນປະຊາຊົນເລີ່ມມີຢູ່ມີກິນ, ມີການຜະລິດ, ມີອາຊີບທີ່ເປັນຕົນເປັນ ໂຕໝັ້ນຄົງດີຂຶ້ນເລື້ອຍໆ.

ຕາມເຮົາວ່າການບໍລິ ຫານ ປົກຄອງບ້ານເມືອງ ພາຍໃຕ້ການນຳພາຂອງພັກ ແລະ ລັດຖະບານເຮົາໃນ ຍຸກປັດຈຸບັນເຫັນວ່າປະເທດ ຊາດຂອງພວກເຮົາມີການ ສ້າງສາ ພັດທະນາດີກວ່າ ຍຸກກ່ອນຕັ້ງຫລາຍເທົ່າຖ້າ ທຽບໃສ່ໄລຍະປະຫວັດສາດ ຂອງຊາດ.
ຖ້າພາກັນຢ້ອນຄືນນັບ ແຕ່ຍຸກສາມກົກເປັນຕົ້ນມາ ປະເທດຊາດຂອງພວກເຮົາ ຕົກຢູ່ໃນຊາຕາອາພັບ ແລະ ດ້ອຍພັດທະນາເປັນເວລາ ຫລາຍຮ້ອຍປີ, ຊ້ຳບໍ່ໜຳ ປະເທດຊາດຕົກເປັນຫົວເມືອງ ຂຶ້ນຂອງສັກດີນາ ແລະ ຈັກກະພັດຜູ້ຮຸກຮານຢ່າງເງີຍ ຄໍບໍ່ຂຶ້ນ.
ສະນັ້ນ, ໃຜຈະເຮັດຫຍັງ? ເວົ້າຫຍັງ? ກໍຄວນໄດ້ຄິດຢ່າງ ຮອບຄອບຖີ່ຖ້ວນເພາະການຕຳນິກັນໃນທາງສ້າງສັນນັ້ນລະເປັນຄຸນສົມບັດຂອງຄົນດີ ຕາມທິດກ່ຳວ່າ!./.

ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ - 23674 - ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ
(ພາບປະກອບ)
ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ - lattana 1 - ຕຳນິກັນໃນທາງສ້າງສັນ ເປັນຄຸນສົມບັດຂອງຄົນດີ
error: Alert: Content is protected !!