ມາດຕະການຈັດເກັບລາຍຮັບຂອງລັດ

- Untitled design - ມາດຕະການຈັດເກັບລາຍຮັບຂອງລັດ

ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ສົມດີ ດວງດີ ໃຫ້ຮູ້ວ່າ: ເພື່ອຮັບປະກັນໃຫ້ການເກັບລາຍຮັບເພີ່ມຂຶ້ນ, ລັດຖະບານຈະສືບຕໍ່ດຳເນີນມາດຕະການດ້ານລາຍຮັບໃຫ້ເຂັ້ມງວດ, ທັນສະພາບການ ແລະ ມີປະສິດທິຜົນ ຄື: ສືບຕໍ່ຜັນຂະຫຍາຍຂໍ້ຕົກລົງກ່ຽວກັບ 10 ຂໍ້ຫ້າມຂອງພະນັກງານການເງິນໃຫ້ທົ່ວເຖິງທັງໃນຂະແໜງການເງິນ ແລະ ຂະແໜງການອື່ນໆ, ປັບປຸງການຈັດຕັ້ງຂະແໜງການເງິນໃຫ້ສອດຄ່ອງ ແລະ ມີປະສິດທິຜົນກວ່າເກົ່າ, ໂດຍເນັ້ນໃສ່ບັນດາດ່ານພາສີສາກົນ ແລະ ດ່ານປະເພນີທີ່ມີບໍລິມາດສິນຄ້ານຳເຂົ້າ ແລະ ສົ່ງອອກຈຳນວນຫລາຍ, ດ່ານທີ່ມີຄວາມຫລໍ່ແຫລມໃນການຫລົບຫລີກ ແລະ ລະເມີດການເສຍພາສີ-ອາກອນ, ຈຳກັດຊ່ອງຫວ່າງການຮົ່ວໄຫລໃນຂົງເຂດລາຍຮັບສ່ວຍສາອາກອນ ແລະ ຕິດຕາມກວດກາການມອບອາກອນຂອງບັນດາຫົວໜ່ວຍທຸລະກິດຂະໜາດກາງ ແລະ ໃຫຍ່ໃຫ້ແທດເຖິງ, ແກ້ໄຂການລັກລອບນໍາເຂົ້າພາຫະນະຜິດກົດໝາຍ, ການປະມູນຂາຍໄມ້ ແລະ ອື່ນໆ, ນໍາໃຊ້ລະບົບເກັບລາຍຮັບໃຫ້ເປັນທັນສະໄໝເພື່ອຈັດເກັບອາກອນມູນຄ່າເພີ່ມ,  ເລັ່ງປັບປຸງ ແລະ ສ້າງນິຕິກຳລຸ່ມກົດໝາຍໃນຂະແໜງການເງິນໃຫ້ໄດ້ຫລາຍ, ສືບຕໍ່ເອົາໃຈໃສ່ຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີກ່ຽວກັບການສຳຫລວດຖານຂໍ້ມູນລາຍຮັບໃຫ້ຈະແຈ້ງເພື່ອຈັດເກັບລາຍຮັບໄດ້ເພີ່ມຂຶ້ນ, ເລັ່ງທວງການຈັດເກັບອາກອນກຳໄລ, ອາກອນລາຍໄດ້ຈາກເງິນເດືອນ ແລະ ເງິນປັນຜົນກຳໄລນຳບັນດາຫົວໜ່ວຍທຸລະກິດ, ອາກອນປະເພດອື່ນໆທີ່ແຈ້ງເສຍປົກກະຕິໃຫ້ຄົບຖ້ວນ ແລະ ທັນເວລາ, ສືບຕໍ່ກວດກາ ແລະ ຂະຫຍາຍຖານເກັບອາກອນມູນຄ່າເພີ່ມໂດຍເລັ່ງໃສ່ໂຮງແຮມ, ເຮືອນພັກ, ຮ້ານອາຫານ, ຮ້ານຄ້າຂະໜາດໃຫຍ່, ຮ້ານບັນເທີງ ແລະ ອື່ນໆໃຫ້ແທດເໝາະກັບຄວາມເປັນຈິງກວ່າເກົ່າ ໄປພ້ອມກັບການລະດົມໃຫ້ນຳໃຊ້ໃບບິນເກັບເງິນດ້ວຍລະບົບອີເລັກໂຕຣນິກ ແລະ ນຳໃຊ້ເຄື່ອງມືທີ່ທັນສະໄໝ, ປະສານສົມທົບກັບກະຊວງຊັບພະຍາກອນທຳມະຊາດ ແລະ ສິ່ງແວດລ້ອມໃນການແບ່ງວຽກການຈັດເກັບລາຍຮັບຈາກທີ່ດິນໃຫ້ຈະແຈ້ງ ແລະ ຊັດເຈນ, ລົງກວດກາ ແລະ ຈັດເກັບລາຍຮັບທີ່ບົ່ມຊ້ອນຈາກບັນດາໂຄງການໄຟຟ້ານ້ຳຕົກ, ສາຍສົ່ງ, ບໍ່ແຮ່ ລວມທັງບັນດາຫົວໜ່ວຍທຸລະກິດຂັ້ນສູນກາງຄຸ້ມຄອງທີ່ບໍ່ມາແຈ້ງເສຍເປັນປົກກະຕິ, ຕິດຕາມເລັ່ງທວງໜີ້ພັນທະໄມ້ທີ່ຍັງຄ້າງມອບຕາມສັນຍາຊື້-ຂາຍ, ປະສານສົມທົບກັບຄະນະສະເພາະກິດ ແລະ ຂະແໜງການທີ່ກ່ຽວຂ້ອງ ເພື່ອປະມູນຂາຍໄມ້ທີ່ຂຸດຄົ້ນອອກຈາກໂຄງການ, ໄມ້ຍຶດທີ່ຍັງຄ້າງສະໜາມ II ເພື່ອຂາຍໄມ້ໃຫ້ບັນດາໂຮງງານປຸງແຕ່ງໄມ້ພາຍໃນປະເທດ, ຕິດຕາມໂຄງການກໍ່ສ້າງ, ໂຄງການພັດທະນາພະລັງງານໄຟຟ້າ ແລະ ໂຄງການທີ່ໄດ້ມີສັນຍາສຳປະທານອື່ນໆ ເພື່ອຄຸ້ມຄອງການເກັບລາຍຮັບໃຫ້ຄົບຖ້ວນ, ສົມທົບກັບກະຊວງ ປກສ, ສານ ແລະ ໄອຍະການປະຊາຊົນ ເພື່ອຕິດຕາມເອົາເຄື່ອງຜິດກົດໝາຍທີ່ລັດຍຶດ ແລະ ອາຍັດຈາກຄະດີຕ່າງໆມາລວມສູນເຂົ້າງົບປະມານຕາມກົດໝາຍຢ່າງເຂັ້ມງວດ,

 

- Wave100S AD to Website 2020 0 - ມາດຕະການຈັດເກັບລາຍຮັບຂອງລັດ
- WhatsApp Image 2020 05 27 at 5 - ມາດຕະການຈັດເກັບລາຍຮັບຂອງລັດ
- WhatsApp Image 2020 05 27 at 5 - ມາດຕະການຈັດເກັບລາຍຮັບຂອງລັດ
error: Alert: ເນື້ອຫາຂ່າວມີລິຂະສິດ !!