ນາ​ຍົກ​ລັດ​ຖະ​ມົນ​ຕີ​ພົບ​ປະ​ໂອ້​ລົມ​ສະ​ມາ​ຊິກ ສະ​ມາ​ຄົມ​ຜູ້​ອາ​ຍຸ​ສູງ.

- PMMM - ນາ​ຍົກ​ລັດ​ຖະ​ມົນ​ຕີ​ພົບ​ປະ​ໂອ້​ລົມ​ສະ​ມາ​ຊິກ ສະ​ມາ​ຄົມ​ຜູ້​ອາ​ຍຸ​ສູງ.
- Untitled design - ນາ​ຍົກ​ລັດ​ຖະ​ມົນ​ຕີ​ພົບ​ປະ​ໂອ້​ລົມ​ສະ​ມາ​ຊິກ ສະ​ມາ​ຄົມ​ຜູ້​ອາ​ຍຸ​ສູງ.

  ໃນວັນ​ທີ 7 ທັນ​ວານີ້, ທ່ານ ທອງ​ລຸນ ສີ​ສຸ​ລິດ ນາ​ຍົກ​ລັດຖະ​ມົນ​ຕີ ໄດ້​​ພົບ​ປະ​ໂອ້​ລົມ​ສະ​ມາ​ຊິກ​ສະ​ມາ​ຄົມ​ຜູ້​ອາ​ຍຸ​ສູງນະ​ຄອນ​ຫລວງວຽງ​ຈັນ, ເຊິ່ງ​ເປັນ​ນິ​ມິດ​ໝາຍ​ອັນ​ດີ ແລະ ເປັນ​ການ​ໃຫ້​ກຳ​ລັງ​ໃຈ​ອັນ​ໃຫຍ່​ຫລວງ​ຕໍ່​ການ​ບໍ​ລິ​ຫານ​ການ​ເຄື່ອນ​ໄຫວຂອງ​ສະ​ມາ​ຄົມ​ໃຫ້​ມີ​ຄວາມ​ຍືນ​ຍົງ ແລະ ເຂັ້ມ​ແຂງ​ຍິ່ງ​ຂຶ້ນ ເພື່ອກ້າວ​ໄປ​ເຖິງ​ການ​ສ້າງ​ຕັ້ງສະມາຄົມຜູ້ອາ​ຍຸ​ສູງ​ລະ​ດັບ​ຊາດ ຫລື ສະ​ຫະ​ພັນ​ຜູ້​ອາ​ຍຸ​ສູງ​ແຫ່ງ​ຊາດ.

  ໃນໂອ​ກາດ​ດັ່ງ​ກ່າວ, ທ່ານນາຍົກ ທອງ​ລຸນ ສີ​ສຸ​ລິດ ໄດ້​ສະ​ແດງ​ຄວາມ​ຊົມ​ເຊີຍ​ຕໍ່​ສະ​ມາ​ຄົມດັ່ງກ່າວ ທີ່​ໄດ້​ປະ​ຕິ​ບັດ​ໜ້າ​ທີ່ຂອງ​ຕົນໄດ້​ຮັບ​ຜົນ​ສຳ​ເລັດ, ສາ​ມາດ​ເຕົ້າ​ໂຮມ​ຄວາມ​ສາ​ມັກ​ຄີ​ເປັນ​ປຶກ​ແຜ່ນ ແລະ ​ອຸ້ມ​ຊູ​ຊ່ວຍ​ເຫລືອຊຶ່ງກັນ ແລະ ກັນ ໄດ້ເປັນຢ່າງດີ, ສອດ​ຄ່ອງ​ກັບ​ແນວ​ທາງ​ນະ​ໂຍ​ບາຍ​ຂອ​ງ​ພັກ-ລັດ​ຖະ​ບານ ທັງ​ເປັນ​ການ​ແບ່ງ​ເບົາ​ພາ​ລະ​ຂອ ງ​ພັກ-ລັດ ນຳອີກ​.

  ທ່ານນາຍົກ​ຍັງ​ໄດ້​ອະ​ທິ​ບາຍ ແລະ ຊີ້ແຈງ​ສະ​ພາບ​ການ​ເຄື່ອນ​ໄຫວຈັດ​ຕັ້ງ​ປະ​ຕິ​ບັດວຽກ​ງານຂອງ​ລັດ​ຖະ​ບານໃນ​ທຸກ​ຂະ​ແໜ​ງ​ການ ເປັນ​ຕົ້ນ:​ ຂະ​ແໜງ​ການ​ສຶກ​ສາ, ສາ​ທາລະນະສຸກ, ວຽກງານປ້ອງ​ກັນ​ຊາ​ດ-ປ້ອງ​ກັນ​ຄວາມ​ສະ​ຫງົບ ​

ແລ​ະ ​ອື່ນໆ ໃຫ້​ສະ​ມາ​ຊິກສະ​ມາ​ຄົມໄດ້​ຮັບ​ຮູ້ ແລະ ເຂົ້າ​ໃຈ​ຢ່າງ​ເລິກ​ເຊິ່ງ.

- Wave100S AD to Website 2020 0 - ນາ​ຍົກ​ລັດ​ຖະ​ມົນ​ຕີ​ພົບ​ປະ​ໂອ້​ລົມ​ສະ​ມາ​ຊິກ ສະ​ມາ​ຄົມ​ຜູ້​ອາ​ຍຸ​ສູງ.

  ໃນໂອກາດອັນສະຫງ່າລາສີນີ້, ທ່ານ ສົມ​ພົງ ມົງ​ຄົນ​ວິ​ໄລ ປະ​ທານສະ​ມາ​ຄົມ​ຜູ້​ອາ​ຍຸ​ສູງນະ​ຄອນ​ຫລວງວຽງ​ຈັນ, ໄດ້​ລາຍ​ງານ​ໃຫ້​ຮູ້​ວ່າ: ສະ​ມາ​ຄົມດັ່ງ​ກ່າວ, ໄດ້​ຮັບ​ການ​ອະ​ນຸ​ມັດ​​ສ້າງ​ຕັ້ງ​ຂຶ້ນ​ຕາມ​ຂໍ້​ຕົກ​ລົງສະ​ບັບ​ເລກ​ທີ 1038/ຈນວ ລົງ​ວັນ​ທີ 22 ພະ​ຈິກ 2011 ເຊິ່ງໃນ​ເມືອ​ກ່ອນສະ​ມາ​ຄົມມີ​ສະ​ມາ​ຊິກ​ພຽງ​ແຕ່ 35 ຄົ​ນ ຕໍ່​ມາ​ສະ​ມາ​ຄົມໄດ້​ເຕີບ​ໃຫຍ່​ຂະ​ຫຍາຍ​ຕົວ​ຢ່າງກວ້າງ​ຂວາງ, ມາ​ຮອດ​ປັດ​ຈຸ​ບັນ ມີ​ສະ​ມາ​ຊິກ​ທັງ​ໝົດ 490 ຄົນ, ຍິງ 238 ຄົນ. ນອກ​ນັ້ນ, ຍັງ​ມີ​ເຄືອ​ຂ່າຍ​ຂອງ​ສະ​ມາ​ຄົມ ຢູ່​ຂັ້ນ​ເມືອງຄື: ເມືອງ​ໄຊ​ເສດ​ຖາ, ສີ​ສັດ​ຕະ​ນາກ ແລະ ເມືອງ​ສີ​ໂຄດ​ຕະ​ບອງ, ເຊິ່ງສະ​ມາ​ຄົມ​ໃນ 3 ເມືອງ​ດັ່ງ​ກ່າວ, ມີ​ສະ​ມາ​ຊິກ​ທັງ​ໝົດ 787 ຄົນ. ຕະ​ຫລອດ​ໄລ​ຍະ​ຜ່ານ​ມາ, ​ຄະ​ນະ​ບໍ​ລິ​ຫານ​ງານສະ​ມາ​ຄົມ​ຜູ້​ອາ​ຍຸ​ສູງນະ​ຄອນ​ຫລວງວຽງ​ຈັນ ໄດ້​ຖື​ເອົາ​ວຽກ​ງານ​ແນວ​ຄິດ, ໃກ້​ຊິດ, ສາ​ມັກ​ຄີເປັນ​ວຽກ​ງານ​ສຳ​ຄັນຕົ້ນ​ຕໍ່, ໂດຍ​ໄດ້​ຍຶດ​ໝັ້ນ​ແນວ​ທາງ​ຍະ​ໂຍ​ບາຍ​ຂອງ​ພັກ-ລັດ, ສະ​ກັດ​ກັ້ນ  ແລະ ຕ້ານ​ການ​ປັ່ນ​ປ່ວນແບ່ງ​ແຍກ​ພາຍ​ໃນໄປ​ຄຽງ​ຄູ່​ກັບ​ການ​ສ້າງ​ຂະ​ບວນ​ການ​ຕ່າງໆ ສົມ​ຄູ່​ກັບ​ວຽກ​ງານ​ທີ່​, ທຸ່ມ​ເທບໍ່​ຮູ້​ອິດ​ເມື່ອຍ, ໂດຍບໍ່​ມີ​ຄ່າ​ຕອບ​ແທນ​ໃດໆ ເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດບ້ານເມືອງຂອງ

ຕົນ.

- WhatsApp Image 2020 05 27 at 5 - ນາ​ຍົກ​ລັດ​ຖະ​ມົນ​ຕີ​ພົບ​ປະ​ໂອ້​ລົມ​ສະ​ມາ​ຊິກ ສະ​ມາ​ຄົມ​ຜູ້​ອາ​ຍຸ​ສູງ.
- WhatsApp Image 2020 05 27 at 5 - ນາ​ຍົກ​ລັດ​ຖະ​ມົນ​ຕີ​ພົບ​ປະ​ໂອ້​ລົມ​ສະ​ມາ​ຊິກ ສະ​ມາ​ຄົມ​ຜູ້​ອາ​ຍຸ​ສູງ.
error: Alert: ເນື້ອຫາຂ່າວມີລິຂະສິດ !!