ກອງປະຊຸມລັດ​ຖະ​ມົນ​ຕີ​ຕ່າງ​ປະ​ເທດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງມີຜົນສໍາເລັດຈົບງາມ

- Lanxang foriegn meeting - ກອງປະຊຸມລັດ​ຖະ​ມົນ​ຕີ​ຕ່າງ​ປະ​ເທດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງມີຜົນສໍາເລັດຈົບງາມ
- Untitled design - ກອງປະຊຸມລັດ​ຖະ​ມົນ​ຕີ​ຕ່າງ​ປະ​ເທດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງມີຜົນສໍາເລັດຈົບງາມ

  ໃນ​ວັນ​ທີ 17 ທັນ​ວານີ້ທີ່​ນະ​ຄອນ​ຫລວງ​ພະ​ບາງ, ພາຍ​ຫລັງ​ສຳ​ເລັດ​ກອງ​ປະ​ຊຸມ​ລັດ​ຖະ​ມົນ​ຕີຕ່າງ​ປະ​ເທດແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງຄັ້ງ​ທີ 4 ໄດ້​ມີ​ການ​ຖະ​ແຫລງ​ຂ່າວ​ຮ່ວມໂດຍທ່ານ ສະ​ເຫລີມ​ໄຊ ກົມ​ມະ​ສິດ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດລາວ ແລະທ່ານ ຫວັງອີ້ ທີ່​ປຶກ​ສາ​ແຫ່ງ​ລັດ, ລັດ​ຖະ​ມົ​ນ​ຕີກະ​ຊວງ​ການ​ຕ່າງ​ປະ​ເທດຈີນ, ຊຶ່ງກອງປະຊຸມໄດ້ສໍາເລັດລົງຢ່າງຈົບງາມ, ໂດຍບັນດາລັດຖະມົນຕີຕ່າງ​ປະ​ເທດແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງ ໄດ້ປຶກສາຫາລືຢ່າງເລິກເຊິ່ງກ່ຽວກັບການພັດທະນາ ແລະ ຈັດຕັ້ງປະຕິບັດຜົນໄດ້ຮັບຂອງກອງປະຊຸມຊຸດກ່ອນ ແລະ ແລກປ່ຽນທັດສະນະກ່ຽວກັບການຮ່ວມມືໃນອະນາຄົດພາຍໃຕ້ກອບຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ, ພ້ອມ​ນີ້, ບັນ​ດາ​ລັດ​ຖະ​ມົນ​ຕີ ໄດ້ຮັບຮອງເອົາ​ບົດຖະແຫ​ລງ​ຂ່າວຮ່ວມຂອງກອງປະຊຸມ ​ແລະ ​ໄດ້ສະແດງຄວາມຊົມເຊີຍຕໍ່ບົດລາຍງານຄວາມຄືບໜ້າປີ 2018 ວ່າດ້ວຍການຈັດຕັ້ງປະຕິບັດແຜນປະຕິບັດງານ 5 ປີຂອບການຮ່ວມມືແມ່ນໍ້າຂອງ-ແມ່ນ້ຳລ້ານຊ້າງ 2018-2022 ແລະ ບັນດາໂຄງການປິ່ນອ້ອມ, ຕໍ່ການຈັດຕັັ້ງປະຕິບັດແຜນງານ 5 ປີ 2018-2022 ໃນໄລຍະ 1 ປີຜ່ານມາ, ບັນດາລັດຖະມົນຕີໄດ້ສະແດງຄວາມເພິ່ງພໍໃຈໃນຄວາມຄືບໜ້າຂອງຫລາຍໂຄງການ ແລະ ແຜນງານຕ່າງໆໃນປີ 2018 ໂດຍສະເພາະແມ່ນການຈັດຕັ້ງປະຕິບັດບັນດາໂຄງການທີ່ເຫັນຜົນໄວ, ໂຄງການການເດີນທາງແຫ່ງແສງສະຫວ່າງ, ໂຄງການຫລຸດຜ່ອນຄວາມທຸກຍາກ ແລະ ໂຄງການກອງທຶນພິເສດ, ເຊິ່ງໄດ້ປະກອບສ່ວນເຂົ້າໃນການສົ່ງເສີມການພັດທະນາເສດຖະກິດ-ສັງຄົມໃນພາກພື້ນແມ່ນ້ຳຂອງ. ພ້ອມ​ນີ້, ກອງປະຊຸມຍັງໄດ້ສະແດງຄວາມພໍໃຈກັບຜົນສຳເລັດການນຳສະເໜີ ແລະ ການອະນຸມັດໂຄງການກອງທຶນພິເສດປີ 2018. ບັນດາປະເທດສະມາຊິກສະແດງຄວາມຂອບໃຈ ແລະ ຊົມເຊີຍລັດຖະບານ ສປ ຈີນ ທີ່ໄດ້ໃຫ້ການສະໜັບສະໜູນຊ່ວຍເຫລືອໃນເຂ​ດ​ປ​ະ​ເທດ​ແມ່​ນ້ຳ​ຂອງ.

  ໃນກອງປະຊຸມ ຍັງໄດ້ມີການ​ນຳ​ສະ​ເໜີວິດີໂອເພງພາຍໃຕ້ຊື່ “ລ້ານຊ້າງ ແລະ ແມ່ຂອງ ສາຍນ້ຳແຫ່ງມິດຕະພາບ” ເພື່ອສົ່ງເສີມການໂຄສະນາ ແລະ ຈິດສໍານຶກຂອງປະຊາຊົນກ່ຽວກັບການຮ່ວມມືລະຫວ່າງແມ່ນ້ຳຂອງ-ແມ່ນ້ຳລ້ານຊ້າງ. ​ພ້ອມ​ນີ້, ບັນດາລັດ​ຖະ​ມົນ​ຕີຕົກລົງເຫັນດີທີ່ຈະສົ່ງເສີມການຮ່ວມມືໃຫ້ຫລາຍຂຶ້ນກວ່າເກົ່າໃນຂົງເຂດວຽກງານໃໝ່ ແລະ ຂໍ້ລິເລີ່ມໃໝ່ເພື່ອຜົນປະໂຫຍດຂອງທັງສອງຝ່າຍ ແລະ ຄວາມຈະເລີນຮຸ່ງເຮືອງຮ່ວມກັນ, ລວມທັງການຮ່ວມມືດ້ານຄວາມສາມາດໃນການຜະລິດທີ່ມີຄຸນນະພາບສູງ, ພັດທະນາແລວເສດຖະກິດ, ປະຊາຄົມອະນາຄົດແຫ່ງສັນຕິພາບ ແລະ ຄວາມຈະເລີນຮຸ່ງເຮືອງຮ່ວມກັນໃນບັນດາປະເທດແມ່ນ້ຳຂອງ-ແມ່ນ້ຳລ້ານຊ້າງ ເພື່ອສືບຕໍ່ຍູ້ດັນການພັດທະນາເສດຖະກິດ-ສັງຄົມ ແລະ ການຮ່ວມມືລະຫວ່າງປະເທດສະມາຊິກໃຫ້ກ້າວໄປສູ່ຄວາມຈະເລີນສີວິໄລ.

- Wave100S AD to Website 2020 0 - ກອງປະຊຸມລັດ​ຖະ​ມົນ​ຕີ​ຕ່າງ​ປະ​ເທດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງມີຜົນສໍາເລັດຈົບງາມ
- WhatsApp Image 2020 05 27 at 5 - ກອງປະຊຸມລັດ​ຖະ​ມົນ​ຕີ​ຕ່າງ​ປະ​ເທດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງມີຜົນສໍາເລັດຈົບງາມ
- WhatsApp Image 2020 05 27 at 5 - ກອງປະຊຸມລັດ​ຖະ​ມົນ​ຕີ​ຕ່າງ​ປະ​ເທດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງມີຜົນສໍາເລັດຈົບງາມ
error: Alert: ເນື້ອຫາຂ່າວມີລິຂະສິດ !!