ໄວລຸ້ນອິນເດຍສ້າງດາວທຽມນ້ຳໜັກເບົາທີ່ສຸດໃນໂລກ

- advert banner 728 90 728x90 - ໄວລຸ້ນອິນເດຍສ້າງດາວທຽມນ້ຳໜັກເບົາທີ່ສຸດໃນໂລກ
- SATELLITE - ໄວລຸ້ນອິນເດຍສ້າງດາວທຽມນ້ຳໜັກເບົາທີ່ສຸດໃນໂລກ
ທ້າວ ຣິຟັດ ຊາຣຸກ ອາຍຸ 18 ປີ ກັບຜົນງານດາວທຽມທີ່ເບົາທີ່ສຸດໃນໂລກ

 

ທ້າວ ຣິຟັດ ຊາຣຸກ ອາຍຸ 18 ປີ ປະດິດ​ດາວ​ທຽມ​ທີ່​ມີນ້ຳໜັກ​ເບົາ​ທີ່​ສຸດ​ໃນ​ໂລກ​ໄດ້​ສຳ​ເລັດ, ນາ​ຊາ​ກຽມ​ສົ່ງ​ຂຶ້ນທົດ​ລອງ​ໂຄຈອນ​ໃນ​ອະວະກາດ​ເດືອນ​ໜ້າ.

 

ທ້າວ ຣິຟັດ ຊາຣຸກ ອາຍຸ 18 ປີ ຊາວ​ອິນ​ເດຍ ຈາກ​ລັດ​ທະມິນ​ນາ​ທູ ສາມາດ​ປະດິດ​ດາວ​ທຽມ​ທີ່​ມີນ້ຳໜັກ​ເບົາ​ທີ່​ສຸດ​ໃນ​ໂລກ​ພຽງ 640 ກຣາມ​ໄດ້​ສຳ​ເລັດ ​ໂດຍ​ອົງການ​ບໍລິຫານ​ການບິນ ​ແລະ ອະວະກາດ​ແຫ່ງ​ຊາດ​ອາ​ເມ​ລິ​ກາ (NASA) ຈະ​ນຳ​ເອົາ​ດາວ​ທຽມ​ນີ້​ຂຶ້ນ​ໂຄຈອນ​ໃນ​ຫ້ວງ​ອະວະກາດ​​ເດືອນ​ໜ້າ.

- 18121181 1871709976411866 2768930322018108148 o - ໄວລຸ້ນອິນເດຍສ້າງດາວທຽມນ້ຳໜັກເບົາທີ່ສຸດໃນໂລກ
ດາວທຽມ “ກາລາມແຊດ” ເມື່ອທຽບຂະໜາດກັບຫລຽນເງິນຣູປີ

 

ດາວ​ທຽມ​ທີ່​ເບົາ​ທີ່​ສຸດ​ໃນ​ໂລກ​ນີ້​ມີ​ຊື່ວ່າ “ກາ​ລາມ​ແຊດ” ​ເຊິ່ງຕັ້ງ​ໃຫ້​ເປັນ​ກຽດ​ແກ່​ອະດີດ​ປະທານາທິບໍດີ ອັບ​ດຸນ ກາ​ລາມ ຂອງ​ອິນ​ເດຍ ​ເຊິ່ງ​ເປັນ​ຜູ້​ບຸກ​ເບີກ​ພັດທະນາ​ວິທະຍາ​ການ​ດ້ານ​ອະວະກາດ​ຂອງ​ປະ​ເທດ ​ໂດຍ​ດາວ​ທຽມ​ນີ້​ຜະລິດ​ຈາກ​ກາກ​ບອນ​ໄຟ​ເບີ​ທີ່​ພິມ​ອອກ​ມາ​ຕາມ​ແບບ​ແປ​ນດ້ວຍ​ເຄື່ອງພິມ​ສາມ​ມິ​ຕິ.

 

ຜົນງານ​ນີ້​ໄດ້​ຮັບ​ການ​ຄັດ​​ເລືອກ​ໃຫ້​ຂຶ້ນທົດ​ລອງ​ໂຄຈອນ​ໃນ​ອະວະກາດ, ພາຍຫລັງ​ຊະນະ​ການ​ປະ​ກວດ​ສິ່ງ​ປະດິດ​ລາຍການ Cubes in Space ​ເຊິ່ງ NASA ຈັດ​ຂຶ້ນຮ່ວມ​ກັບ​ບໍລິສັດ​ດ້ານ​ການ​ສຶກສາ idoodle ​ໂດຍ​ໃນ​ວັນ​ທີ 21 ມິຖຸນາ​ທີ່​ຈະ​ເຖິງ​ນີ້ ຈະ​ຫລວດ​ຂອງ NASA ຈະ​ນຳ​ດາວ​ທຽມ​ກາ​ລາມ​ແຊດ​ຂຶ້ນສູ່​ຫ້ວງ​ອະວະກາດ ​ແລະ ຈະ​ປ່ອຍ​ໃຫ້​ໂຄຈອນ​ເປັນ​ໄລຍະ​ທາງ​ສ່ວນ​ໜຶ່ງ​ຂອງ​ວົງ​​ໂຄຈອນ​ລ້ອມ​ໂລກ ​ເຊິ່ງຈະ​ໃຊ້​ເວລາ​ທັງ​ໝົດ 4 ຊົ່ວ​ໂມງ.

- 1 1 - ໄວລຸ້ນອິນເດຍສ້າງດາວທຽມນ້ຳໜັກເບົາທີ່ສຸດໃນໂລກ
- lattana 1 - ໄວລຸ້ນອິນເດຍສ້າງດາວທຽມນ້ຳໜັກເບົາທີ່ສຸດໃນໂລກ

 

​ໃນ​ລະຫວ່າງ​ການ​ໂຄຈອນ, ດາວ​ທຽມ​ທີ່​ເບົາ​ທີ່​ສຸດ​ໃນ​ໂລກ​ນີ້​ຈະ​ເຮັດ​ວຽກ​ໃນ​ສະພາບ​ບໍ່​ມີນ້ຳໜັກ​ເປັນ​ເວລາ 12 ນາທີ ​ເພື່ອ​ກວດ​ວັດ​ແທກ​ຄວາມ​ເລັ່ງ ​ແລະ ການ​ໝູນ​ຂອງ​ດາວ​ທຽມ​ເອງ ລວມທັງ​ສຳ​ຫລວດ​ສະໜາມ​ແມ່​ເຫລັກ​ໂລກ ​ໂດຍ​ໃຊ້​ເຊັນ​ເຊີ​ຂະໜາດ​ນ້ອຍ 8 ອັນ​ທີ່​ຕິດຕັ້ງ​ໄວ້.

ສ່ວນ​ທ້າວ ຊາຣຸກ ​ເຊິ່ງ​ເປັນ​ນັກ​ປະດິດ​ໜ້າ​ໃໝ່​ຂອງ​ອິນ​ເດຍນັ້ນ ປັດຈຸບັນ​ໄດ້​​ເຂົ້າເຮັດ​ວຽກ​ໃນ​ຖານະຫົວໜ້າ​ນັກວິທະຍາສາດ​ຢູ່ Space Kidz India ​ເຊິ່ງ​ເປັນ​ອົງການ​ສົ່ງ​ເສີມ​ການ​ສຶກສາ ​ແລະ ວິທະຍາສາດ​ແກ່​ເຍົາວະ​ຊົນ​ໃນ​ປະ​ເທດ, ລາວ​ມີ​ຜົນງານ​ການ​ຄິດ​ຄົ້ນນະ​ວັດຕະ​ກຳ​ນັບ​ແຕ່​ອາຍຸ 15 ປີ ​ໂດຍ​ເຄີຍ​ປະດິດ​ບອນ​ລູນກວດ​ອາກາດ​ທີ່​ໃຊ້​ແກັສທີ​ລຽມ ​ໃນ​ການ​ແຂ່ງຂັນ​ນັກວິທະຍາສາດ​ເຍົາວະ​ຊົນ​ທົ່ວ​ອິນ​ເດຍມາ​ແລ້ວ.

error: Content is protected !!