ເປີດເທດສະການກອງເຂົ້າໃຫຍ່ໄຫວ້ພະທາດອິງຮັງ

- Big rice festival - ເປີດເທດສະການກອງເຂົ້າໃຫຍ່ໄຫວ້ພະທາດອິງຮັງ
- Untitled design - ເປີດເທດສະການກອງເຂົ້າໃຫຍ່ໄຫວ້ພະທາດອິງຮັງ

ເທດສະການບຸນກອງເຂົ້າໃຫຍ່ໄຫວ້ພະທາດອິງຮັງ ເພື່ອສະເຫລີມສະຫລອງປີທ່ອງທ່ຽວລາວ 2018 ຢູ່ແຂວງສະຫວັນນະເຂດ ​​ໄດ້ຈັດຂຶ້ນຢ່າງຍິ່ງໃຫຍ່ ໃນວັນທີ 18 ທັນວານີ້ທີ່ເດີ່ນພະທາດອິງຮັງ ນະຄອນໄກສອນ ພົມວິຫານ, ເພື່ອດຶງດູດນັກທ່ອງທ່ຽວເຂົ້າມາທ່ຽວແຂວງສະຫວັນນະເຂດໃຫ້ຫລາຍຂຶ້ນ, ນໍາເອົາລາຍຮັບມາສູ່​ທ້ອງ​ຖິ່ນ ໂດຍມີ ທ່ານ ສອນໄຊສີພັນດອນ ຮອງນາຍົກລັດຖະມົນຕີ, ທັງເປັນປະທານຄະນະຮັບຜິດຊອບຊີ້ນໍາລະດັບຊາດ ໃນການຈັດປີທ່ອງທ່ຽວລາວທ່ານ ສັນຕິພາບ ພົມ ວິຫານ ເຈົ້າແຂວງສະຫວັນນະເຂດ ແລະ ມວນ​ຊົນເຂົ້າຮ່ວມ.

ໃນພິທີເປີດງານ ໄດ້ມີຂະບວນແຫ່ກ້ອນກໍາລັງ ຈາກພາກສ່ວນຕ່າງໆ ທີ່ໄດ້ນໍາເອົາວັດທະນະທໍາ,ສິລະປະ, ການນຸ່ງຖື, ຮູບຈໍາລອງເອກະລັກທີ່ໂດດເດັ່ນທາງດ້ານມໍລະດົກ, ທາງດ້ານການທ່ອງທ່ຽວ ແລະວິຖີການດໍາລົງຊີວິດຂອງປະຊາຊົນ ພາຍໃນເມືອງຕ່າງໆ ທົ່ວແຂວງສະຫວັນນະເຂດ ໃຫ້ບັນດາແຂກ ໄດ້ຊົມ ເຊັ່ນ: ຂະບວນເປົ່າແຄນ, ແຫ່ໜັງສືຜູກໃບລານ, ແຫ່ຈໍາລອງໝາກໂມໃຫຍ່, ຈໍາລອງທາດໂຜ່ນ, ວັດຖຸບູຮານທີ່ຄົ້ນພົບ, ຈໍາລອງການຕໍ່າຫູກກີ່ແອວ, ປາຂະຫຍອງ, ຈໍາລອງໂອງ-ມັ່ງ, ຈໍາລອງແຫລ່ງທ່ອງທ່ຽວທໍາມະຊາດພູໂຮງ, ຈໍາລອງແຫລງທ່ອງທ່ຽວແກ້ງຫລວງ-ຮອຍຕີນໄດໂນເສົາ, ຈໍາລອງທາດຍາຄູຂີ້ຫອມ, ຈໍາລອງທາດດອກແກ້ວ ແລະ ກະບອງໃຫຍ່, ຈໍາລອງເອກະລັກເມືອງ 4 ທິດ, ປີ້ງໄກ່ເຊໂນ ແລະ ອື່ນໆ ອີກຫລາຍຢ່າງ.

- Wave100S AD to Website 2020 0 - ເປີດເທດສະການກອງເຂົ້າໃຫຍ່ໄຫວ້ພະທາດອິງຮັງ

ທ່ານ ຄໍາພູນ ຕຸໄພທູນ ຮອງເຈົ້າແຂວງສະຫວັນນະເຂດ, ປະທານຄະນະກໍາມະການຈັດ ເທດສະການບຸນກອງເຂົ້າໃຫຍ່ໄຫວ້ພະທາດອິງຮັງ ໄດ້ໃຫ້ຮູ້ວ່າ: ງານດັ່ງກ່າວ, ເປັນງານສຸດທ້າຍໃນການ ຈັດຕັ້ງສະເຫລີມສະຫລອງປີທ່ອງທ່ຽວລາວ 2018 ຂອງແຂວງສະຫວັນນະເຂດ, ເຊິ່ງານນີ້ຈະດໍາເນີນຮອດວັນທີ 22 ທັນວາ ໂດຍໄດ້ຈັດໃຫ້ມີກິດຈະກໍາເພື່ອຮອງຮັບແຂກ ແລະ ນັກທ່ອງທ່ຽວ ທີ່ເດີນທາງມາທ່ຽວຊົມ. ພາຍໃນບໍລິເວນອ້ອມຮອບພະທາດອິງຮັງ, ໄດ້ມີການກາບໄຫວ້ສັກກະລະບູຊາ ອົງພະທາດອິງຮັງ ທີ່ເປັນອົງຄູ່ບ້ານຄູ່ເມືອງ ຂອງຊາວສະຫວັນນະເຂດ, ມີການໃສ່ບາດ, ແຫ່ຜາສາດເຜິ້ງ, ເປີດຮ້ານວາງສະແດງສິນຄ້າ, ຜະລິດຕະພັນກະສິກໍາ-ຫັດຖະກໍາຂອງທ້ອງຖິ່ນ, ການແຂ່ງຂັນກິລາພື້ນເມືອງ, ການ ສະແດງສິລະປະວັນນະຄະດີຂອງຫລາຍສະຖາບັນ, ການສະແດງອາພອນເຜົ່າ, ການຈັດເທດສະການອາ ຫານທີ່ເປັນເອກະລັກຂອງແຂວງ ແລະ ອື່ນໆດ້ວຍ​ບັນຍາກາດ​ຟົດ​ຟື້ນ.

- WhatsApp Image 2020 05 27 at 5 - ເປີດເທດສະການກອງເຂົ້າໃຫຍ່ໄຫວ້ພະທາດອິງຮັງ
- WhatsApp Image 2020 05 27 at 5 - ເປີດເທດສະການກອງເຂົ້າໃຫຍ່ໄຫວ້ພະທາດອິງຮັງ
error: Alert: ເນື້ອຫາຂ່າວມີລິຂະສິດ !!