6 ວິທີການລ້ຽງລູກແບບຜິດໆ

- advert banner 728 90 728x90 - 6 ວິທີການລ້ຽງລູກແບບຜິດໆ

ຢ່າທໍາຮ້າຍລູກຮັກດ້ວຍມືຂອງເຈົ້າເອງ ພໍ່ແມ່ ແລະ ຜູ້ປົກຄອງຫຼາຍຄົນອາດຈະບໍ່ທັນຮູ້ຕົວ ຫຼືສັງເກດວ່າ ພຶດຕິກໍາ ຫຼືສິ່ງທີ່ເຮົາສັ່ງສອນລູກນັ້ນເປັນການທໍາຮ້າຍເຂົາທັງທາງກົງ ແລະ ທາງອ້ອມແບບຮູ້ເທົ່າບໍ່ເຖິງການ  ມີພຶດຕິກໍາໃດແດ່ທີ່ເຮົາບໍ່ຄວນນໍາໄປສອນ ຫຼືໄປໃຊ້ກັບລູກຂອງເຮົາ

- new3 - 6 ວິທີການລ້ຽງລູກແບບຜິດໆ
- lattana 1 - 6 ວິທີການລ້ຽງລູກແບບຜິດໆ
  1. ຢ່າເອົາຄວາມຝັນໃນໄວເດັກມາຕັ້ງເປົ້າກັບເຂົາໃຫ້ຍ່າງຕາມຮອຍ: ທຸກຄົນມີຄວາມຝັນທີ່ອາດຈະຄື ແລະ ບໍ່ຄືກັນ ລູກຂອງເຮົາກໍເຊັ່ນກັນ ເຂົາອາດຈະມີຄວາມຝັນ ແລະ ຈິນຕະນາການຂອງເຂົາ ການນໍາຄວາມຝນຂອງພໍ່ແມ່ເປັນເປົ້າໝາຍໃຫ້ເຂົາເຮັດຕາມນັ້ນເປັນສິ່ງທີ່ຜິດ, ເຮັດໃຫ້ເຂົາຮູ້ສຶກອຶດອັດ ແລະ ອາດຈະເຮັດໃຫ້ເຂົາຕ້ອງທົນເຮັດໃນສິ່ງທີ່ເຂົາບໍ່ມັກໄປຕະຫຼອດຊີວິດ.
  2. ປຽບທຽບລູກກັບເດັກນ້ອຍຄົນອື່ນເປັນປະຈໍາ: ການປຽບທຽບກັບເດັກນ້ອຍຄົນອື່ນຢູ່ຕະຫຼອດເວລາ ບໍ່ວ່າຈະດ້ານໃດ ຈະເຮັດໃຫ້ເຂົາຮູ້ສກກົດດັນ, ຮູ້ສຶກວ່າຕົວເອງມີປົມດ້ອບ, ຮູ້ສກວ່າພໍ່ແມ່ບໍ່ຮັກ ແຕ່ໄປຮັກຄົນອື່ນຫຼາຍກວ່າ ເຮັດໃຫ້ເຂົາຮູ້ສຶກອ່ອນແອ ແລະ ສະແດງອອກມາເປັນອາການຕໍ່ຕ້ານ
  3. ສາລະພັດການຮຽນພິເສດ: ເຖິງວ່າການຮຽນພິເສດ ເປັນສິ່ງທີ່ດີແຕ່ຕ້ອງຖາມຄວາມສະມັກໃຈເຂົາກ່ອນ ບໍ່ແມ່ນໃຫ້ເຂົາເອົາແຕ່ຮຽນຈົນບໍ່ມີເວລາພັກຜ່ອນ ຫຼືເຮັດແນວອື່ນ ຢ່າລັກເວລາໃນຊີວິດຂອງເຂົາໄປໂດຍເຂົາບໍ່ຍິນຍອມ
  4. ປົກປ້ອງຄືກັບໄຂ່ໃນຫີນ: ການປົກປ້ອງລູກເປັນສິ່ງທີ່ພໍ່ແມ່ຄວນເຮັດ ແຕ່ຕ້ອງປົກປ້ອງເຂົາແບບທາງສາຍກາງ ບາງຢ່າງຕ້ອງປ່ອຍໃຫ້ເຂົາຮຽນຮູ້ເອງ, ໃຫ້ເຂົາຮູ້ຈັກແພ້ ຫຼືຊະນະ ແລະ ແກ້ໄຂບັນຫາດ້ວຍຕົນເອງກ່ອນຈະຮ້ອງຂໍຄວາມຊ່ວຍເຫຼືອຈາກຜູ້ອື່ນ ເຮົາບໍ່ສາມາດປົກປ້ອງເຂົາໄດ້ຕະຫຼອດເວລາຈົນສິ້ນອາຍຸ ດັ່ງນັ້ນ ສິ່ງທີ່ດີທີ່ສຸດຄືສອນໃຫ້ເຂົາຮູ້ຈັກປົກປ້ອງຕົວເອງຈາກສັງຄົມທີ່ໂຫດຮ້າຍໃຫ້ໄດ້
  5. ເບິ່ງສິ່ງທີ່ເຂົາຮັກສິ່ງທີ່ເຂົາມັກເປັນເລື່ອງໄຮ້ສາລະ: ຄວາມມັກ ແລະ ຄວາມຖະນັດຂອງຄົນເຮົາບໍຄືກັນ ລູກຂອງເຮົາກໍຄືກັນ ການທີ່ເຂົາມີຄວາມຖະນັດ ຫຼືຄວາມມັກກໍເຮັດເລື່ອງໃດເປັນພິເສດ ເຮົາຄວນປ່ອຍໃຫ້ເຂົາຮຽນຮູ້ ແລະ ເຮັດໃນສິ່ງນັ້ນ ຫາກຍັງຢູ່ໃນໄວຮຽນ ຫຼືຊ່ວງວລາບໍ່ເໝາະມົນອາດຈະບອກເຂົາ ຫຼືອະທິບາຍດ້ວຍເຫດຜົນ ບໍແມ່ນຫ້າມ ຫຼືດູຖູກໃນສິ່ງທີ່ເຂົາຄິດໃນທັນທີ
  6. ໃຫ້ທ້າຍລູກ: ລູກເຮົາເຮັດຖືກໄດ້ ກໍຍ່ອມເຮັດຜິດໄດ້ ເຮົາມີໜ້າທີ່ຄ່ອຍຊີ້ແນະເຂົາໄດ້ດໍາເນີນຊີວິດທີ່ຖືກຕ້ອງ ການໃຫ້ທ້າຍລູກໃນສິ່ງທີ່ຄວນສອນ ຫຼືຕັກເຕືອນຈະເຮັດໃຫ້ເຂົາເຄີຍຕົວ ແລະ ບໍເກງກົວ ຫຼືໃຫ້ຄວາມເຄົາລົບໃຜໆ
error: Content is protected !!