ໄດ້ລຸ້ນຄຸມຖາວອນ ! ຜູ້ບໍລິຫານແມນຢູ ຍົກ ໂຊລຊາ ຕົວເລືອກອັນດັບທຳອິດ

ໄດ້ລຸ້ນຄຸມຖາວອນ ! ຜູ້ບໍລິຫານແມນຢູ ຍົກ ໂຊລຊາ ຕົວເລືອກອັນດັບທຳອິດ - advert banner 728 90 728x90 - ໄດ້ລຸ້ນຄຸມຖາວອນ ! ຜູ້ບໍລິຫານແມນຢູ ຍົກ ໂຊລຊາ ຕົວເລືອກອັນດັບທຳອິດ

      ​ເດິ ມິ​ເຣີ ສື່​ຂອງ​ອັງກິດ ລາຍ​ງານ​ວ່າ: ຜູ້​ບໍລິຫານ ​ແມນ​ເຊັສ​ເຕີ ຢູ​ໄນ​ເຕັດ ຍົກ​ໃຫ້ ​ໂອ​ເລ່ ກຸນ​ມາ ​ໂຊ​ລຊາ ​ເປັນ​ຕົວ​ເລືອກ​ອັນ​ດັບ 1 ​ໃນ​ເລື່ອງ​ຜູ້​ຈັດການ​ທີ​ມ​ແບບ​ຖາວອນ​ຄົນ​ໃໝ່​ຂອງ​ພວກ​ເຂົາ ຫລັງ​ຈາກ ​ໂຊ​ລຊາ ​ເຮັດ​ໃຫ້​ທີ​ມມີ​ຜົນງານ​ໂດດ​ເດັ່ນ, ສ່ວນ​ເປົ້າໝາຍ​ຫລັກ​ຄື ​ເມົາຣິຊິ​ໂອ ​ໂປ​ເຊັດ​ຕິ​ໂນ່ ມີ​ໂອກາດ​ໜ້ອຍ​ທີ່​ພວກ​ເຂົາ​ຈະ​ດຶງ​ມາ​ຄຸມ​ທີ​ມ​ໄດ້.

ໄດ້ລຸ້ນຄຸມຖາວອນ ! ຜູ້ບໍລິຫານແມນຢູ ຍົກ ໂຊລຊາ ຕົວເລືອກອັນດັບທຳອິດ - lattana 1 - ໄດ້ລຸ້ນຄຸມຖາວອນ ! ຜູ້ບໍລິຫານແມນຢູ ຍົກ ໂຊລຊາ ຕົວເລືອກອັນດັບທຳອິດ

      ຜູ້​ບໍລິຫານ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ຍອດ​ສະ​ໂມ​ສອນ​ແຫ່ງ ພຣີ​ເມຍ​ລີກ ອັງກິດ ພິຈາລະນາ​ໃຫ້ ​ໂອ​ເລ່ ກຸນ​ນາ ​ໂຊ​ລ​ຊາ ຜູ້​ຈັດການ​ທີ​ມຊົ່ວຄາວ​ຂອງ​ພວກ​ເຂົາ ​ເປັນ​ຕົວ​ເລືອກ​ອັນ​ດັບ 1 ສຳລັບ​ຕຳ​ແໜ່​ງຜູ້​ຈັດການ​ທີ​ມ​ແບບ​ຖາວອນ​ຄົນ​ໃໝ່​ຂອງ​ທີ​ມ​ແລ້ວ.

      ຕອນ​ທີ່ ​ໂຊ​ລຊາ ຖືກ​ດຶງ​ເຂົ້າມາ​ຄຸມ​ທີ​ມດ້ວຍ​ສັນຍາ​ຈົບ​ລະດູ​ການ​ນີ້ ​ໃນ​ວັນ​ທີ 19 ທັນວາ​ປີຜ່ານມາ ຫລາຍ​ຄົນ​ບໍ່​ໄດ້​ຄິດ​ວ່າ​ລາວ​ຈະ​ສ້າງ​ຜົນງານ​ໄດ້​ດີ, ​ແຕ່​ກາຍ​ເປັນ​ວ່າ​ຜູ້​ຈັດການ​ທີ​ມຊາວ​ນໍ​ເວ​ເຮັດ​ໃຫ້​ທີ​ມຊະນະ​ເຖິງ 9 ​ເກ​ມ ​ແລະ ສະ​ເໝີ 1 ຄັ້ງ ຈາກ​ທັງ​ໝົດ 10 ນັດ​ທີ່​ລາວ​ຄຸມ​ທີ​ມ ຈົນ​ເຮັດ​ໃຫ້​ລາວ​ໄດ້​ຮັບ​ຄຳ​ຊົມ​ເຊີຍ.

      ຜົນງານ​ອັນ​ສຸດ​ຍອດ​ຂອງ ​ໂຊ​ລຊາ ​ເຮັດ​ໃຫ້​ບາງ​ຄົນ​ຄິດ​ວ່າ​ລາວ​ສົມຄວນ​ໄດ້​ເປັນ​ຜູ້​ຈັດການ​ທີ​ມ​ແບບ​ຖາວອນ​ຂອງ​ທີ​ມ​ໄປ​ເລີຍ, ​ແຕ່​ກ່ອນ​ໜ້າ​ນີ້​​ເຊື່ອ​ກັນ​ວ່າ: ​ເມົາຣິຊິ​ໂອ ​ໂປ​ເຊັດ​ຕິ​ໂນ່ ຜູ້​ຈັດການ​ທີ​ມ ທ໊ອດ​ແນ່​ມ ຮ໊ອດສະ​ເປີ ຍັງ​ເປັນ​ຕົວ​ເລືອກ​ອັນ​ດັບ​ທຳ​ອິດ​ໃນ​ສາຍຕາ​ຂອງ​ຜູ້​ບໍລິຫານ ​ແມນ​ເຊັສ​ເຕີ ຢູ​ໄນ​ເຕັດ ຢູ່ ຫລັງ​ຈາກ ​ໂປ​ເຊັດ​ຕິ​ໂນ່ ​ເຮັດ​ໃຫ້ ສະ​ເປີ ພັດທະນາ​ຂຶ້ນຫລາຍ.

       ​ເຖິງ​ຢ່າງ​ໃດ​ກໍ​ຕາມ, ຫລ້າ​ສຸດ ​ເດິ ມິ​ເຣີ ລາຍ​ງານ​ວ່າ: ຜູ້​ບໍລິຫານ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ຍົກ​ໃຫ້ ​ໂຊ​ລຊາ ຢູ່​ເໜືອກ​ວ່າ ​ໂປ​ຊັດ​ຕິ​​ໂນ່ ​ແລ້ວ ​ໂດຍ​ສ່ວນ​ໜຶ່ງ​ເປັນ​ຍ້ອນ​ຜົນງານ​ການ​ຄຸມ​ທີ​ມທີ່​ໂດດ​ເດັ່ນ​ຂອງ​ລາວ. ຂະນະ​ທີ່​ອີກ​ສ່ວນ​ໜຶ່ງ​ເປັນ​ຍ້ອນ​ມີ​ໂອກາດ​ໜ້ອຍ​ທີ່​ພວກ​ເຂົາ​ຈະ​ດຶງ ​ໂປ​ເຊັດ​ຕິ​ໂນ່ ມາ​ເປັນ​ຜູ້​ຈັດການ​ທີ​ມຄົນ​ໃໝ່​ຂອງ​ທີ​ມ​ໄດ້ ຫລັງ​ຈາກ​ຜູ້​ຈັດການ​ທີ​ມຊາວ​ອາ​ເຈນ​ຕິ​ນາ​ສະ​ແດງ​ເຈດ​ຕະນາ​ວ່າ​ພ້ອມ​ຢູ່​ກັບທີ​ມຕໍ່​ໄປ. ຂະນະ​ທີ່ ​ແດ​ນຽວ ​ເລ​ວີ່ ປະທານ ສະ​ເປີ ກໍ​ບໍ່​ມີ​ທ່າ​ທີ​ວ່າ​ຈະ​ຍອມ​ປ່ອຍ​ລາວ​ໄປ​ງ່າຍໆ.

      ສຳລັບ ຊີ​ເນ​ດິນ ຊີ​ດານ ທີ່​ເຄີຍ​ຕົກ​ເປັນ​ຂ່າວ​ກັບ​ຕຳ​ແໜ່​ງຜູ້​ຈັດການ​ທີ​ມ ​ແມນ​ເຊັສ​ເຕີ ຢູ​ໄນ​ເຕັດ ຄື​ກັນນັ້ນ ທາງ​ຜູ້​ບໍລິຫານ​ຂອງ​ຍອດ​ທີ​ມ​ແຫ່ງ​ຖິ່ນ​ໂອລ ​ແທຣ໊ຟຟອດ ​ເບິ່ງ​ວ່າ​ລາວ​ຍັງ​ມີ​ບັນຫາ​ເລື່ອງ​ເວົ້າພາສາ​ອັງກິດ​ບໍ່​ຄ່ອງ​ເທົ່າ​ໃດ.