ສິ່ງທີ່ທ່ານບໍ່ຄວນເຮັດຂະນະຕື່ມນ້ຳມັນລົດ

   1. ບໍ່ສູບຢາ : ຖືເປັນຂໍ້ຫ້າມສຳຄັນພື້ນຖານເລີຍກໍເວົ້າໄດ້ ສຳລັບການບໍ່ສູບຢາໃນພື້ນທີ່ປຳ້ນຳ້ມັນ ເນື່ອງຈາກບໍລິເວນຫົວຈ່າຍນຳ້ມັນອາດມີອາຍນຳ້ມັນທີ່ເບິ່ງບໍ່ເຫັນ ເຊິ່ງຈະເຮັດໃຫ້ເກີດການລຸກໄໝ້ໄດ້.

    2. ບໍ່ໂທລະສັບ : ເປັນຂ່າວຢູ່ຫລາຍເທື່ອທີ່ມີການລຸກໄໝ້ຂອງແປວໄຟເນື່ອງຈາກການໃຊ້ໂທລະສັບມືຖືໃກ້ກັບຫົວຈ່າຍນຳ້ມັນ ເນື່ອງຈາກສັນຍານໂທລະສັບອາດເຮັດປະຕິກິລິຍາກັບນຳ້ມັນ ຈົນກໍ່ໃຫ້ເກີດເຊື້ອໄຟລຸກໄໝ້ໄດ້ ດັ່ງນັ້ນ ຈຶ່ງຄວນວາງສາຍໂທລະສັບກ່ອນຕື່ມນຳ້ມັນ ແລະ ຫາກມີສາຍເຂົ້າຂະນະຕື່ມນຳ້ມັນກໍບໍ່ຄວນຮັບສາຍເດັດຂາດ ແລະ ຄວນເກັບມ້ຽນໂທລະສັບມືຖືໄວ້ໃນລົດເທົ່ານັ້ນ.

   3. ບໍ່ດັບເຄື່ອງຈັກ : ຄວາມຈິງແລ້ວການຕິດເຄື່ອງຈັກປະໄວ້ນັ້ນອາດບໍ່ມີຜົນຕໍ່ການເກີດໄຟລຸກໄໝ້ຈາກນຳ້ມັນຫລາຍປານໃດ, ແຕ່ຍ້ອນສະພາບອາກາດທີ່ຮ້ອນອົບເອົ້າ ບວກກັບແຮງດັນໃນຖັງນຳ້ມັນທີ່ພົ່ນອາຍລະເຫີຍຈາກນຳ້ມັນຢ່າງຕໍ່ເນື່ອງຂະນະຕື່ມອາດກໍ່ໃຫ້ເກີດເຫດບໍ່ຄາດຄິດຂຶ້ນໄດ້.

     4. ຕື່ມນຳ້ມັນໃນຖົງປລາສະຕິກ : ຄວາມຈິງແລ້ວການຕື່ມນຳ້ມັນໃນຖັງປລາສະຕິກຖືເປັນເລື່ອງທີ່ອັນຕະລາຍກ່ວາທີ່ຄິດໄວ້ ເພາະເບິ່ງທົ່ວໄປອາດບໍ່ມີປັດໄຈເອື້ອອຳນວຍໃຫ້ເກີດການຕິດໄຟຫລາຍປານໃດ ແຕ່ຖັງປລາສະຕິກອາດເຕັມໄປດ້ວຍໄຟຟ້າສະຖິດທີ່ເບິ່ງບໍ່ເຫັນ ເຊິ່ງຈະກໍ່ໃຫ້ເກີດເຊື້ອໄຟລຸກໄໝ້ໄດ້.

       5. ລະວັງໄຟຟ້າສະຖິດໃຫ້ດີ: ນອກເໜືອຈາກຖັງປລາສະຕິກແລ້ວ ຍັງມີວັດຖຸອີກຫລາຍຢ່າງທີ່ມີໄຟຟ້າສະຖິດ ເຊັ່ນ : ເຄື່ອງນຸ່ງ, ກະເປົ໋າ ແລະອື່ນໆ ຫາກໄປສຳຜັດກັບອາຍນຳ້ມັນທີ່ເບິ່ງບໍ່ເຫັນກໍຈະເຮັດໃຫ້ເກີດການລຸກໄໝ້ໄດ້ຄືກັນ.