ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ

ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ - 1549532214087 960x0 - ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ
ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ - Untitled design - ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ

      ທະນາຄານ​ກາງ​ອິນ​ເດຍຫລຸດ​ອັດຕາ​ດອກ​ເບ້ຍ​ນະ​ໂຍບາຍ​ໃນ​ວັນ​ທີ 7 ກຸມພາ​ນີ້ ສວນ​ທາງ​ກັບ​ຕະຫລາດ​ຄາດ​ວ່າ​ຈະ​ຮັກສາ​ໄວ້​ໃນ​ລະດັບ​ເກົ່າ ​ແລະ ມີ​ຂຶ້ນກ່ອນ​ອິນ​ເດຍຈະ​ມີ​ການ​ເລືອກ​ຕັ້ງທົ່ວ​ໄປ​ລະຫວ່າງ​ເດືອນ​ເມສາ-ພຶດສະພາ​ນີ້.

      ທະນາຄານ​ກາງ​ອິນ​ເດ​ຍຖະ​ແຫລ​ງວ່າ: ຈະ​ຂຶ້ນອັດຕາ​ດອກ​ເບ້ຍ​ຊື້ຄືນ​ພັນທະບັດ (repo rate) ອີກ 0,25% ​ເປັນ 6,25% ​ເນື່ອງ​ຈາກອັດຕາ​ເງິນ​ເຟີ້​ປັດຈຸບັນ​ຕໍ່າ​ທີ​່ສຸດ​ໃນ​ຮອບ 18 ​ເດືອນ ​ເພາະ​ອັດຕາ​ເງິນ​ເຟີ້​ຂາຍ​ຍ່ອຍ​ຫລຸດ​ລົງ​ຈາກ 3,4% ​ໃນ​ເດືອນ​ຕຸລາ ​ເຫລືອ 2,2% ​ໃນ​ເດືອນ​ທັນວາ ຕໍ່າ​ກວ່າ​ເປົ້າໝາຍ​ທີ່​ທະນາຄານ​ກາງ​ຕັ້ງ​ໄວ້ 4%  ຖື​ເປັນ​ການ​ຂຶ້ນດອກ​ເບ້ຍ​ຄັ້ງທຳ​ອິດ​ໃນ​ຮອບ 18 ​ເດືອນ ​ແລະ ຄັ້ງທຳ​ອິດ​ນັບ​ແຕ່​ທະນາຄານ​ກາງ​ໄດ້​ຜູ້​ວ່າການ​ຄົນ​ໃໝ່​ທີ່​ເປັນ​ພັນທະ​ມິດ​ກັບ​ນາຍົກລັດຖະມົນຕີ ​ນາ​ເຣນທຣາ ​ໂມ​ດີ ​ແທນ​ຜູ້​ວ່າຄົນ​ເກົ່າ​ທີ່​ລາ​ອອກ​ໃນ​ເດືອນ​ທັນວາ ​ເພາະ​ບໍ່ພໍ​ໃຈ​ທີ່​ລັດຖະບານ​ແຊກ​ແຊງ​ນະ​ໂຍບາຍ, ຄາດ​ກັນ​ວ່າ​ລັດຖະບານ​ບໍ່ພໍ​ໃຈ​ທີ່​ຜູ້​ວ່າ​ຄົນ​ເກົ່າ​ບໍ່​ຍອມ​ຫລຸດ​ອັດຕາ​ດອກ​ເບ້ຍ ​ເພື່ອ​ຊ່ວຍ​ກະ​ຕຸ້ນ​ເສດຖະກິດ. ມີ​ຂ່າວ​ວ່າ: ລັດຖະມົນຕີ​ການ​ເງິນ​ກົດ​ດັນ​ທະນາຄານ​ກາງ​ໃຫ້​ດຳ​ເນີນ​ນະ​ໂຍບາຍ​ທີ່​ຈະ​ຊ່ວຍ​ໃຫ້​ເສດຖະກິດ​ເຕີບ​ໃຫຍ່ ກ່ອນ​ຈະ​ມີ​ການ​ເລືອກ​ຕັ້ງທົ່ວ​ໄປ​ທີ່​ທ່ານ ​ໂມ​ດີ ລົງ​ສະໝັກ​ເປັນ​ສະ​ໄໝ​ທີ​ສອງ. ຫລ້າ​ສຸດ​ວັນ​ທີ 7 ກຸມພາ​ນີ້ ທີ່​ປຶກສາ​ເສດຖະກິດ​ຄົນ​ສຳຄັນ​ຂອງ​ທ່ານ ​ໂມ​ດີ ຮຽກຮ້ອງ​ໃຫ້​ທະນາຄານ​ກາງ​ຫລຸດ​ດອກ​ເບ້ຍ ​ເພື່ອ​ກະ​ຕຸ້ນ​ການ​ບໍລິ​ໂພ​ກ ​ແລະ ການ​ລົງທຶນ.

      ທ່ານ ​ໂມ​ດີ ອາຍຸ 68 ປີ ຊະນະ​ເລືອກ​ຕັ້ງປີ 2013 ຢ່າງ​ຫລວງຫລາຍ​ຈາກ​ນະ​ໂຍບາຍ​ເປັນ​ມິດ​ຕໍ່​ທຸລະ​ກິດ​ທີ່​ອ້າງ​ວ່າ​ຈະ​ຊ່ວຍ​ກະ​ຕຸ້ນ​ເສດຖະກິດ ​ແລະ ການ​ຈ້າງ​ວຽກ, ​ແຕ່​ໄຕ​ມາດ​ເດືອນ​ກໍລະກົດ-ກັນຍາ​ປີ​ກ່ອນ ​ເສດຖະກິດ​ອິນ​ເດຍ​ເຕີບ​ໃຫຍ່​ພຽງ 7,1% ຫລຸດ​ລົງຈາກ 8,2% ​ໃນ​ໄຕ​ມາດ​ກ່ອນ​ໜ້າ. ນັກວິ​ເຄາະ​ຊີ້​ວ່າ: ​ເສດຖະກິດ​ອິນ​ເດຍຕ້ອງ​ເຕີບ​ໃຫຍ່​ຢ່າງ​ສະໝໍ່າສະ​ເໝີ​ບໍ່​ຕໍ່າ​ກວ່າ 8% ຈຶ່ງ​ຈະ​ສາມາດ​ສ້າງ​ວຽກ​ຮອງ​ຮັບ​ແຮງ​ງານ​ໃໝ່​ປີ​ລະ​ຫລາຍ​ລ້ານ​ຄົນ, ອາທິດ​ຜ່ານ​ມາ​ມີ​ຂໍ້​ມູນ​ລັດຖະບານ​ຮົ່ວ​ວ່າ: ອັດຕາ​ຫວ່າງ​ງານ​ປີ 2017-2018 ສູງ​ສຸດ​ໃນ​ຮອບ 45 ປີ 6,1%.

ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ - Wave100S AD to Website 2020 0 - ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ
ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ - WhatsApp Image 2020 05 27 at 5 - ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ
ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ - WhatsApp Image 2020 05 27 at 5 - ທະນາຄານກາງອິນເດຍຫລຸດ ດອກເບ້ຍກ່ອນເລືອກຕັ້ງທົ່ວໄປ
error: Alert: ເນື້ອຫາຂ່າວມີລິຂະສິດ !!