ລາວຟອດຈັດງານລ້ຽງແທນຄໍາຂອບໃຈລູກຄ້າ

ໃນວັນທີ 9 ກຸມພານີ້, ບໍລິສັດ ລາວຟອດ ໄດ້ຈັດງານລ້ຽງ ຂຶ້ນທີ່ສູນຈໍາໜ່າຍລົດຟອດ, ບ້ານ ຂຸນຕາ ເມືອງ ສີໂຄດຕະບອງນະຄອນຫຼວງວຽງຈັນ, ເພື່ອແທນຄໍາຂອບໃຈລູກຄ້າຊື້ລົດໃໝ່ ແລະ ໃຊ້ບໍລິການຫຼັງການຂາຍ, ຊຶ່ງມີລູກຄ້າລາວຟອດຈາກສາຂາທົ່ວປະເທດ (ນະຄອນຫຼວງ, ຫຼວງພະບາງ, ສະຫວັນນະເຂດ ແລະ ຈໍາປາສັກ) ເຂົ້າຮ່ວມເປັນຈໍານວນຫຼາຍ.

ພາຍໃນງານບັນດາລູກຄ້າທີ່ເຂົ້າຮ່ວມ ໄດ້ຮຽນຮູ້ກ່ຽວກັບການບໍາລຸງຮັກສາລົດ ຈາກຜູ້ບໍລິຫານຫຼັງການຂາຍຂອງລາວຟອດ. ນອກນີ້, ຍັງມີຫຼາກຫຼາຍກິດຈະກໍາໃຫ້ລູກຄ້າໄດ້ຮ່ວມມ່ວນຊື່ນ ເປັນຕົ້ນແມ່ນ ການຖາມ-ຕອບ ເພື່ອຮັບລາງວັນຈາກສູນບໍລິການຫຼັງການຂາຍ, ການລະບາຍສີສຳລັບເດັກ ເພື່ອປະກວດຮັບຊຸດອຸປະກອນການຮຽນ, ນອກນີ້ຍັງມີການມອບຂອງທີ່ລະນຶກ, ບັດປ່ຽນນໍ້າມັນເຄື່ອງ, ບັດກິນກະແລັມ ແລະ ພິເສດໄດ້ຈັບສະຫຼາກລຸ້ນຮັບລາງວັນໃຫຍ່ຈາກລາວຟອດຈໍານວນ 14 ລາງວັນ ລວມມີ: ໂທລະສັບ ipone xs 1 ລາງວັນ,  ສາຍຄໍຄໍາ ໜັກ 1 ບາດ 2 ລາງວັນ, ໂທລະພາບ 43 ນິ້ວ 2 ລາງວັນ, ຕູ້ເຢັນ 1 ລາງວັນ, ໄມໂຄເວີບ 1 ລາງວັນ, ນອກນີ້, ຍັງມີຈັກສັກຜ້າ, ເຄື່ອງສູບຢ່າງລົດ, ໝໍ້ຫຸງເຂົ້າ, ໝໍ້ອາເນກປະສົງ, ໝໍ້ດາດ, ເຄື່ອງປັ່ນໝາກໄມ້, ໝໍ້ໜຶ້ງ, ເຕົາປີ້ງເຂົ້າໜົມປັງ ແລະ ເຕົາປີ້ງແຊນວິນ ລວມມູນຄ່າກວ່າ 50 ລ້ານກີບ.

ສໍາລັບລູກຄ້າຜູ້ໂຊກດີໄດ້ຮັບໂທລະສັບ ipone xs ໄດ້ແກ່ທ່ານ ພຸດສະດີ ສຸລິນຍະເດດ, ລູກຄ້າຜູ້ໂຊກດີໄດ້ຮັບ ສາຍຄໍຄໍາ ໜັກ 1 ບາດ ໄດ້ແກ່ທ່ານ ພູທອນ ສິງຫາລາດ ແລະ ທ່ານ ນາງ ໃຈປະເສີດ ບຸນເລີດ, ໄດ້ຮັບໂທລະພາບ 43 ນິ້ວ ໄດ້ແກ່ທ່ານ ສົມພິດ ດວງດີ ແລະ ທ່ານ ສຸດາວີ ນັນທະວົງ, ຜູ້ໂຊກດີໄດ້ຮັບຕູ້ເຢັນ ໄດ້ແກ່ທ່ານ ວັນນະສິດ ແລະ ຜູ້ໂຊກດີໄດ້ຮັບເຕົາໄມໂຄເວັບ ໄດ້ແກ່ທ່ານ ບຸນເລັ່ງ ສິລິມຸງຄຸນ ແລະ ລູກຄ້າຜູ້ໂຊກດີໄດ້ຮັບລາງວັນອື່ນໆ.