ຕຳນານບັ້ງໄຟບູຊາທາດນາງສາມຜິວເມືອງທົ່ງມີໄຊ

ໂດຍ: ເດຊາ ກັນລະຍາ

ໃນວັນທີ 22-23 ເມສາ ຂອງທຸກໆປີ ຊາວເມືອງທົ່ງ ມີໄຊ ແຂວງໄຊຍະບູລີ ຈະມີການຈັດງານບຸນຈູດບັ້ງໄຟບຸນທາດນາງສາມຜິວທີ່ ບ້ານທາດນີ້ຂຶ້ນ ເຊິ່ງເປັນຕຳນານ ທີ່ກ່າວກັນມານັບເປັນ ພັນກວ່າປີແລ້ວ. ນາງ ສາມ ຜິວເປັນຄົນທີ່ແປກປະຫລາດ ໂດຍສະເພາະແມ່ນສີຜິວ ຂອງນາງສາມາດປ່ຽນສີໄດ້ ຄື: ຕອນເຊົ້າເປັນສີແດງ, ຕອນບ່າຍເປັນສີຂາວ ແລະ ຕອນ ແລງເປັນສີມອນໄຂ່. ຍ້ອນ ຄວາມແປກປະຫລາດ ແລະ ມະຫັດສະຈັນຂອງນາງ ຈຶ່ງເຮັດໃຫ້ມີຄົນອິດສາບັງບຽດ ພ້ອມກົດຂີ່ຂົ່ມເຫັງຢູ່ຕະຫຼອດ ເວລາ ນາງຈຶ່ງທົນຢູ່ ບ້ານ ເກີດ ຂອງຕົນບໍ່ໄດ້ຈຶ່ງໄດ້ໜີອອກ ບ້ານເມືອງໄປ ຕາມທາງຂອງ ນາງໂດຍບໍ່ຮູ້ຈຸດໝາຍປາຍ ທາງຕໍ່ມາມີລູກຊາຍພະຍາ ເມືອງໜຶ່ງໄດ້ພົບເຫັນ ແລະ ເອົານາງເປັນເມຍ ຢູ່ກິນນຳ ກັນມາໄດ້ ໄລຍະໜຶ່ງທັງສອງ ໄດ້ມີການ (ເສກສົມກັນ) ໃນ ມື້ວັນສິນຈົນເຮັດໃຫ້ຜິດຮີດຄອງບ້ານ ເມືອງ, ສຸດທ້າຍ ນາງໄດ້ເສຍຊີວິດໄປ. ແລ້ວຊາວບ້ານໄດ້ ກໍ່ທາດກວມ ເອົາໄວ້ໃນປ່າລຶກລັບແຫ່ງໜຶ່ງ ເຊິ່ງແມ່ນເມືອງ ທົ່ງມີໄຊ ໃນປັດຈຸບັນ ແລະ ໃນແຕ່ລະປີ. ຍ້ອນຄວາມສັກສິດ ແລະ ແປກປະຫລາດຂອງນາງນັ້ນ ຈຶ່ງເລົ່າຂານກັນມາຈົນຮອດ ປັດຈຸບັນ ແລະ ໃນແຕ່ລະປີເມືອງທົ່ງມີໄຊ ຈຶ່ງໄດ້ເຮັດບຸນຈູດບັ້ງໄຟບູຊາຂໍພອນ ຕ່າງໆ ອັນເປັນເອກະລັກ ຂອງເມືອງຈົນມາເຖິງ ປັດ ຈຸບັນ. ເຊິ່ງປີນີ້ກໍເຊັ່ນດຽວ ກັນປະຊາຊົນ ເມືອງ ທົ່ງມີໄຊ ພວມຫ້າງຫາກະກຽມເຮັດ ບັ້ງໄຟປະມານ 3.000 ກວ່າ ບັ້ງເພື່ອໃຊ້ຈູດ ໃນວັນທີ 22-23 ເມສາ ທີ່ຈະມາ ເຖິງນີ້, ອັນເປັນມື້ບຸນໃຫຍ່ໜຶ່ງ ຂອງຊາວເມືອງ ທົ່ງມີໄຊ ແລະ ທັງເປັນກິດຈະກຳໜຶ່ງ ເພື່ອດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດເຂົ້າມາທ່ຽວຊົມ ແລະ ສຶກສາຮີດຄອງປະເພນີຂອງຊາວເມືອງດັ່ງກ່າວອີກດ້ວຍ.