ເທບໄຊຍາ ອຸ່ນໜູ ຄວ້າແຊ້ມສະນຸກເກີ ຊູດ-ເອົາ 2019
ເທບໄຊຍາ ອຸ່ນໜູ ນັກສະນຸກເກີຊາວໄທ ໄດ້ແຊ້ມ ສະນຸກເກີ ຊູດ-ເອົາ ປະຈຳປີ 2019 ໄປຄອງ ຫລັງຈາກໃນຮອບຊີງດຳເອົາຊະນະ ໄມເຄິລ ໂຮສ ຂອງອັງກິດ.
ເທບໄຊຍາ ອຸ່ນໜູ ນັກສະນຸກເກີຊາວໄທ ໂຊຟອມເກັ່ງ ຄວ້າແຊ້ມລາຍການ ສະນຸກເກີ ຊູດ-ເອົາ ປະຈຳປີ 2019 ຫລັງຈາກເອົາຊະນະ ໄມເຄິລ ໂຮລ ນັກສະກຸນເກີຊາວອັງກິດ 74-0 ຄະແນນ ຢູ່ເມືອງວັດຟອດ ປະເທດອັງກິດ ໃນວັນທີ 24 ກຸມພາຜ່ານມາ.
ສຳລັບລາຍການນີ້ແຂ່ງກັນແບບເຟຣມດຽວ ໂດຍກ່ອນຈະມາເຖິງແຊ້ມ ເທບໄຊຍາ ສາມາດເອົາຊະນະ ສະຈວດ ບິງແຮມ ອະດີດແຊ້ມໂລກໃນຮອບກ່ອນຮອງຊະນະເລີດໄດ້ 97-3 ຄະແນນ. ນອກຈາກນີ້ ລາວຍັງສ້າງສະຖິຕິເຮັດເຊັນຈູຣີເບຣກໄດ້ດ້ວຍຄະແນນສູງທີ່ສຸດຕະຫລອດການຂອງລາຍການນີ້ 139 ຄະແນນເຊັ່ນກັນ ຫລັງຈາກເອົາຊະນະ ເຈມີ່ ຄາກ ນັກສະນຸກເກີຊາວເວລ 139-0 ຄະແນນ ໃນຮອບຮອງຊະນະເລີດ.
ຄວາມສຳເລັດໃນຄັ້ງນີ້ເຮັດໃຫ້ ເທບໄຊຍາ ເປັນນັກສະນຸກເກີຊາວອາຊີຄົນທຳອິດທີ່ໄດ້ແຊ້ມລາຍການນີ້ ພ້ອມກັບຮັບເງິນລາງວັນ 32.000 ປອນ ແລະ ການຄວ້າແຊ້ມໃນຄັ້ງນີ້ ນອກຈາກຈະເປັນແຊ້ມລາຍການລະດັບເວີລແຣງກິ້ງລາຍການທຳອິດຂອງ ເທບໄຊຍາ ແລ້ວ ຍັງເຮັດໃຫ້ລາວກາຍເປັນນັກສະນຸກເກີໄທຄົນທີ 2 ຕໍ່ຈາກ ຣັດຊະພົນ ພູໂອບອ້ອມ ທີ່ຄວ້າແຊ້ມລາຍການລະດັບເວິລແຣງກິ້ງນຳອີກ.
