ຂໍ້ຕົກລົງການຄ້າ TPP ເດີນໜ້າຕໍ່ເຖິງວ່າບໍ່ມີອາເມລິກາ

- skynews - ຂໍ້ຕົກລົງການຄ້າ TPP ເດີນໜ້າຕໍ່ເຖິງວ່າບໍ່ມີອາເມລິກາ
- Untitled design - ຂໍ້ຕົກລົງການຄ້າ TPP ເດີນໜ້າຕໍ່ເຖິງວ່າບໍ່ມີອາເມລິກາ

- skynews - ຂໍ້ຕົກລົງການຄ້າ TPP ເດີນໜ້າຕໍ່ເຖິງວ່າບໍ່ມີອາເມລິກາ

 

11 ປະ​ເທດ​ສະມາຊິກ​ຂໍ້​ຕົກລົງ​ວ່າ​ດ້ວຍ​ການ​ເປັນ​ຫຸ້ນ​ສ່ວນ​ຍຸດ​ທະ​ສາດ​ອາຊີ-ປາຊີ​ຟິກ ຫລື TPP ປະກາດ​ຈະ​ຮ່ວມ​​ເດີນ​ໜ້າ​ໄປ​ນຳ​ກັນ, ​ເຖິງ​ວ່າ​ບໍ່​ມີ​ອາ​ເມ​ລິ​ກາກໍ​ຕາມ.

 

​ ​ໃນ​ການ​ຫາລື​ນອກ​ຮອບ​ລະຫວ່າງ​ກອງ​ປະຊຸມ​ລັດຖະມົນຕີ​ກະຊວງ​ການ​ຄ້າ​ຂອງ​ກຸ່ມ​ການ​ຮ່ວມ​ມື​ທາງ​ເສດຖະກິດ​ພາກພື້ນອາຊີ-ປາຊີ​ຟິກ ຫລື ​ເອ​ເປ​ກ ຢູ່​ຫວຽດນາມ, ບັນດາ 11 ປະ​ເທດ​ທີ່​ເປັນ​ສະມາຊິກ​ຂໍ້​ຕົກລົງ TPP ​ໄດ້​ຕົກລົງ​ຈະ​ຮ່ວມ​ມື​ກັນ​ຊຸກ​ດັນ​ຂໍ້​ຕົກລົງ TPP ຕໍ່​ໄປ, ພາຍຫລັງ​ອາ​ເມ​ລິ​ກາ​ພາຍ​ໃຕ້​ການ​ນຳ​ຂອງ​ປະທານາທິບໍດີ ​ໂດ​ນັນ ທຣຳ ​ໄດ້​ປະກາດ​ຖອນ​ຕົວ​ຈາກ​ຂໍ້​ຕົກລົງ​ດັ່ງກ່າວ ​ເພື່ອ​ຫັນ​ໄປ​ສະໜັບສະໜູນ​ນະ​​ໂຍບາຍ​ອາ​ເມ​ລິ​ກາ​ຕ້ອງ​ມາ​ກ່ອນ ​ເຊິ່ງນະ​ໂຍບາຍ​ດັ່ງກ່າວ​ເຮັດ​ໃຫ້​ຫລາຍ​ຝ່າຍ​ກັງວົນ​ວ່າ: ທ່ານ ທຣຳ ອາດ​ຫັນ​ໄປ​ໃຊ້​ມາດ​ຕະການ​ປົກ​ປ້ອງ​ທາງ​ການ​ຄ້າ ​ເພື່ອຜົນ​ປະ​ໂຫຍ​ດຂອງ​ອາ​ເມ​ລິ​ກາ.

- Wave100S AD to Website 2020 0 - ຂໍ້ຕົກລົງການຄ້າ TPP ເດີນໜ້າຕໍ່ເຖິງວ່າບໍ່ມີອາເມລິກາ

 

ທ່ານ ​ໂຣ​ເບີດ ​ໄລ​ທິ​ເຊີ ຫົວໜ້າ​ຜູ້​ແທນ​ການ​ຄ້າ​ອາ​ເມ​ລິ​ກາ ທີ່​ເຂົ້າຮ່ວມ​ກອງ​ປະຊຸມ​​ເອ​ເປ​ກຢູ່​ຫວຽດນາມ ​ໄດ້​ເນັ້ນວ່າ: ອາ​ເມ​ລິ​ກາ​ຈະ​ບໍ່​ຫັນ​ກັບ​ໄປ​ເຂົ້າຮ່ວມ​ຂໍ້​ຕົກລົງ TPP ຢ່າງ​ແນ່ນອນ, ສະທ້ອນ​ໃຫ້​ເຫັນ​ເຖິງ​ນະ​ໂຍບາຍ​ຂອງ​ທ່ານ ທຣຳ ທີ່​ມຸ່ງ​ເນັ້ນ​ເຮັດ​ຂໍ້​ຕົກລົງ​ການ​ຄ້າ​ທະວີ​ພາຄີ ​ເຊິ່ງທ່ານ ທຣຳ ​ເຊື່ອ​ວ່າ​ຈະ​ສົ່ງ​ຜົນ​ດີ​ຕໍ່​ອາ​ເມ​ລິ​ກາ​ຫລາຍ​ກວ່າ​ການ​ເຮັດ​ຂໍ້​ຕົກລົງ​ການ​ຄ້າ​ພະຫຸ​ພາຄີ. ທັງ​ນີ້ ຂໍ້​ຕົກລົງ TPP ​ໄດ້​ຮັບ​ການ​ຊຸກ​ດັນ​ຈາກ​ອາ​ເມ​ລິ​ກາມາ​ໂດຍ​ຕະຫລອດ​ໃນ​ສະ​ໄໝ​ອະດີດ​ປະທານາທິບໍດີ ບາຣັກ ​ໂອ​ບາ​ມາ. ປັດຈຸບັນ​ສະມາຊິກ TPP ທີ່​ເຫລືອ​ຢູ່​ໄດ້​ແກ່​ອົດ​ສະຕຣາລີ, ບຣູ​ໄນ, ກາ​ນາ​ດາ, ຊີ​ເລ, ຍີ່ປຸ່ນ, ມາ​ເລ​ເຊຍ, ​ເມັກຊິກ, ນູ​ແວນ​ເຊ​ລັງ, ​ເປຣູ, ສິງກະ​ໂປ ​ແລະ ຫວຽດນາມ.

- WhatsApp Image 2020 05 27 at 5 - ຂໍ້ຕົກລົງການຄ້າ TPP ເດີນໜ້າຕໍ່ເຖິງວ່າບໍ່ມີອາເມລິກາ
- WhatsApp Image 2020 05 27 at 5 - ຂໍ້ຕົກລົງການຄ້າ TPP ເດີນໜ້າຕໍ່ເຖິງວ່າບໍ່ມີອາເມລິກາ
error: Alert: ເນື້ອຫາຂ່າວມີລິຂະສິດ !!