ລິເວີພູລ-ແມນຊິຕີ້ ຄວ້າ 3 ຄະແນນ ໄລ່ຫລັງກັນ 1 ຄະແນນຄືເກົ່າ

ລິເວີພູລ-ແມນຊິຕີ້ ຄວ້າ 3 ຄະແນນ ໄລ່ຫລັງກັນ 1 ຄະແນນຄືເກົ່າ - advert banner 728 90 728x90 - ລິເວີພູລ-ແມນຊິຕີ້ ຄວ້າ 3 ຄະແນນ ໄລ່ຫລັງກັນ 1 ຄະແນນຄືເກົ່າ

      ​ເຕະບານ ພຣີ​ເມຍ​ລີກ ອັງກິດ ນັດ​ກາງ​ອາທິດ​ຜ່ານ​ມາ ລິ​ເວີ​ພູລ ທີ​ມນຳ ​ເປີດ​ບ້ານ​ໄລ່​ຖະຫລົ່ມ ​ວັດ​ຟອດ 5-0 ຈາກ ຊາ​ດີ​ໂອ ມາ​ເນ ສອງ​ປະຕູ ນາທີ 9, 20, ​ເວີ​ຈິ​ວ ຟານ​ໄດ໋ ສອງ​ປະຕູ ນາທີ 79, 82 ​ແລະ ດີ​ໂວ໊ກ ​ໂອຣີກີ ນາທີ 66. ​ໃນ​ເກ​ມນີ້ ​ເທຣັນ ອາ​ເລັກ​ຊານ​ເດີ ອາ​ໂນ​ລ ສົ່ງ​ໃຫ້​ເພື່ອນ​ຍິງ 3 ປະຕູ ກາຍ​ເປັນ​ນັກ​ເຕະ ລິ​ເວີ​ພູລ ຄົນທີ 4 ທີ່​ເຮັດ​ໄດ້​ໃນ​ໜຶ່ງ​ນັດ​ຕໍ່​ຈາກ Stan Collymore, Vladmir Smicer ​ແລະ Alberto Aquilani.

       ປັດຈຸບັນ ລິ​ເວີ​ພູລ ບໍ່​ເສຍ​ໃນ​ບ້ານ​ສະ​ເພາະ​ເກ​ມພຣີ​ເມຍ​ລີກ​ເປັນ​ນັດ​ທີ 35, ຂະນະ​ທີ່ ວັດ​ຟອດ ​ເສຍ​ຂາດ​ລະດັບ 5 ໜ່ວຍ​ໃຫ້ ລິ​ເວີ​ພູລ ​ເປັນ​ນັດ​ທີ 3 ຕິດ​ຕໍ່​ກັນ​ເມື່ອ​ມາ​ຢາມ​ແອນ​ຟິວ ​ເປັນ​ທີ​ມທຳ​ອິດ. ສ່ວນ ຊາ​ດີ​ໂອ ມາ​ເນ່ ຍິງ​ປະຕູ​ທີ 13 ​ແລະ 14 ​ໃນ​ພຣີ​ເມຍ​ລີກ ລະດູ​ການ​ນີ້ ຫລາຍ​ກວ່າ 2 ລະດູ​ການ​ຜ່ານ​ມາ​ກັບ ລິ​ເວີ​ພູລ ນັບ​ແຕ່​ຍ້າຍ​ມາ​ຈາກ ​ເຊົາ​ແທ໋ມຕັນ.

      ມາ​ຕໍ່​ອີກ​ໜຶ່ງ​ຄູ່: ​ແມນ​ເຊັສ​ເຕີ ຊິ​ຕີ້ ​ແຊ້ມ​ເກົ່າ ​ເປີດ​ບ້ານ​ເອທີ​ຮັດ ບຽດ​ຊະນະ ​ເວັສ​ແຮມ ຢູ​ໄນ​ເຕັດ ​ແບບ​ຫວຸດ​ຫວິດ 1-0 ຈາກ​ປະຕູ​ໂທນ​ຂອງ ​ເຊີ​ຈີ​ໂອ ກຸນ ອາ​ເກ​ວ​ໂຣ ຍິງ​ຈຸດ​ໂທດ​ນາທີ 59 ​ເກ​ມນີ້ ຊິ​ຕີ້ ມີ​ໂອກາດ​ຍິງ​ເຖິງ 20 ຄັ້ງ ​ແຕ່​ໄດ້​ປະຕູ​ດຽວ.

      ​ແມນ​ຊິ​ຕີ້ ຊະນະ ​ເວັສ​ແຮມ 7 ນັດ​ລວດ ຍິງ​ໄດ້ 23 ປະຕູ ​ເສຍ​ພຽງ 3 ປະຕູ, ​ເວັສ​ແຮມ ບໍ່​ຊະນະ​ມາ 18 ນັດ ​ເມື່ອ​ມາ​ຢາມ​ທີ​ມ Big Six (​ແມນ​ຢູ, ລິ​ເວີ​ພູລ, ອາ​ເຊ​ນອລ, ​ເຊ​ລຊີ, ສະ​ເປີ, ​ແມນ​ຊິ​ຕີ້) ສະ​ເໝີ 6 ​ເສຍ 12.

ລິເວີພູລ-ແມນຊິຕີ້ ຄວ້າ 3 ຄະແນນ ໄລ່ຫລັງກັນ 1 ຄະແນນຄືເກົ່າ - lattana 1 - ລິເວີພູລ-ແມນຊິຕີ້ ຄວ້າ 3 ຄະແນນ ໄລ່ຫລັງກັນ 1 ຄະແນນຄືເກົ່າ
ລິເວີພູລ-ແມນຊິຕີ້ ຄວ້າ 3 ຄະແນນ ໄລ່ຫລັງກັນ 1 ຄະແນນຄືເກົ່າ - 1 1 - ລິເວີພູລ-ແມນຊິຕີ້ ຄວ້າ 3 ຄະແນນ ໄລ່ຫລັງກັນ 1 ຄະແນນຄືເກົ່າ

     ​ແມນ​ຊິ​ຕີ້ ຊະນະ 16 ຈາກ 17 ນັດ​ຫລັງ​ສຸດລວມທຸກ​ລາຍການ ນັດ​ດຽວ​ທີ່​ເສຍ​ຄື​ເສຍ​ຄາ​ບ້ານ​ໃຫ້ ຄຣິສຕັນ ພາ​ເລດ 2-3 ​ໃນ​​ເດືອນ​ທັນວາ 2018 ຜ່ານ​ມາ.

     ລິ​ເວີ​ພູລ ​ແລະ ​ແມນ​ຊິ​ຕີ້ ​ໄລ່​ຫລັງ​ກັນ 1 ຄະ​ແນນ​ຄື​ເກົ່າ ຜ່ານ​ໄປ 28 ນັດ​ເທົ່າ​ກັນ ລິ​ເວີ​ພູລ ມີ 69 ຄະ​ແນນ ​ແມນ​ຊິ​ຕີ້ ມີ 68 ຄະ​ແນນ. ສຳລັບ​ນັດ​ຕໍ່​ໄປ ​ແມນ​ຊິ​ຕີ້ ຈະ​ໄປ​ຢາມ ບອນ​ມັດ ​ໃນ​ວັນ​ທີ 2 ມີນາ ​ເວລາ 22:00 ​ໂມງ, ສ່ວນ ລິ​ເວີ​ພູລ ຈະ​ໄປ​ຢາມ ​ເອັຟ​ເວີ​ຕັນ ​ໃນ​ວັນ​ທີ 3 ມີນາ​ເຊັ່ນ​ກັນ ​ເວລາ 23:15 ​ໂມງ.

error: Content is protected !!