ງານ​ມະຫາ​ກຳ​​ເຮືອນ ​ແລະ ທີ່​ຢູ່​ອາ​ໄສໄດ້​ຮັບ​ຄວາມ​ສົນ​ໃຈ​ຈາກ​ມວນ​ຊົນ

ງານ​ມະຫາ​ກຳ​​ເຮືອນ ​ແລະ ທີ່​ຢູ່​ອາ​ໄສໄດ້​ຮັບ​ຄວາມ​ສົນ​ໃຈ​ຈາກ​ມວນ​ຊົນ - advert banner 728 90 728x90 - ງານ​ມະຫາ​ກຳ​​ເຮືອນ ​ແລະ ທີ່​ຢູ່​ອາ​ໄສໄດ້​ຮັບ​ຄວາມ​ສົນ​ໃຈ​ຈາກ​ມວນ​ຊົນ

     ​ໃນ​ລະຫວ່າງ​ວັນ​ທີ 1-2 ມີນາ ນີ້ ຢູ່ ນະຄອນຫລວງ​ວຽງຈັນ ສະພາ​ການ​ຄ້າ ​ແລະ ອຸດສາຫະກຳ​ແຫ່ງ​ຊາດ​ ຮ່ວມ​ກັບ ບໍລິສັດ ດີ​ຈີ​ຕອນ ຄາດ​ຊີ​ຟາຍ​ລາວ ຈຳກັດ ​ໄດ້ງານ​ວາງສະ​ແດງ​​ເຮືອນ ​ແລະ ທີ່​ຢູ່​ອາ​ໃສ ຫລື​ (Lao Real estate Expo) ຄັ້ງ​ທຳ​ອິດ​ຂຶ້ນ, ​ໂດຍ​ໄດ້​ຮັບ​ຄວາມ​ສົນ​ໃຈ​ຈາກ​ມວນ​ຊົນ​ທີ່​ເຂົ້າ​ຊົມ​ເປັນ​ຈຳນວນ​ຫລາຍ, ​ໂດຍມີ​ການ​ຈັບຈອງ​ເຮືອນ ກ່ວາ 20 ຫລັງ, ມີມູນ​ຄ່າ​ກ່ວາ 1 ລ້ານ​ໂດ​ລາສະຫະລັດ.

ງານ​ມະຫາ​ກຳ​​ເຮືອນ ​ແລະ ທີ່​ຢູ່​ອາ​ໄສໄດ້​ຮັບ​ຄວາມ​ສົນ​ໃຈ​ຈາກ​ມວນ​ຊົນ - lattana 1 - ງານ​ມະຫາ​ກຳ​​ເຮືອນ ​ແລະ ທີ່​ຢູ່​ອາ​ໄສໄດ້​ຮັບ​ຄວາມ​ສົນ​ໃຈ​ຈາກ​ມວນ​ຊົນ

     ທ່ານນາງ ຈັນທະ​ຈອນ ວົງ​ໄຊ ຮອງ​ປະທານ​ສະພາ​ການ​ຄ້າ ​ແລະ ອຸດສາຫະກຳ ​ແຫ່ງ​ຊາດ​ ​ໃຫ້​ຮູ້​ວ່າ: ງານ​ວາງສະ​ແດງ​ດັ່ງກ່າວ​ນີ້, ​ໄດ້​ລວມ​ເອົາ​ຜູ້​ປະກອບ​ການ​ໃນ​ຂະ​ແຫນງ​ອະສັງ​ລິ​ມາ​ຊັບ​ທີ່​ມີ​ຊື່ສຽງທັງ​ພາຍ​ໃນ ​ແລະ ຕ່າງປະ​ເທດມາ​ຮ່ວມ​ກ່ວາ 100 ຫ້ອງ ​ແລະ ມີຫລາຍ​ຜະລິດ​ຕະພັນ​ເຊັ່ນ: ​ເຄື່ອງກໍ່ສ້າງ, ຜະລິດ​ຕະພັນ​ຕົບ​ແຕ່ງ​ເຮືອນ, ທີ່​ດິນ, ​ໂຄງການ​​ເຮືອນ​ຈັດ​ສັນ ​ແລະ ອື່ນໆ ​ເຊິ່ງເປັນ​ເວທີໜຶ່ງ​ເພື່ອ​ເປີດ​ໂອກາດ​ໃຫ້​ແກ່​ຫົວໜ່ວຍທຸລະ​ກິດ​ສາມາດ​ນຳ​ສະ​ເຫ​ນີ ​ໂຄງການ​ຂອງ​ຕົນ ​ແລະ ​ປຶກສາ​ຫາລື​ແລກປ່ຽນຄຳ​ຄິດ​ເຫັນ​ໃນ​ຂະ​ແຫນງ​ອະສັງຫາ​ລິ​ມາ​ຊັບນຳ​ດ້ວຍ. ​ເຊິ່ງຈະ​ເປັນ​ທາງ​ເລືອກ​ທີ່​ດີ​ໃຫ້​ຫົວໜ່ວຍທຸລະ​ກິດ ​ແລະ ຜູ້​ຕ້ອງການ​ຊື້ດິນ, ​ເຮືອນ ຫລື ປຸກ​ສ້າງ​ເຮືອນ​ໃໝ່ ​ແລະ ​ໂຄງການ​ຕ່າງໆ.

     ທ່ານ ນາງ ​ແສງ​ດາວ ບຸ​ພະ​ກອນ​ຄຳ ປະທານ​ສະພາ​ບໍລິຫານ ບໍລິສັດ ປະກັນ​ໄພ ​ເອພີ ​ໃຫ້​ສຳພາດ​ຕໍ່ສື່​ມວນ​ຊົນ​ວ່າ: ງານວາງສະ​ແດງ ນີ້, ມີ​ຄວາມ​ສຳຄັນ​ຫລາຍ, ທັງ​ເປັນ​ການ​ເປີດ​ໂອກາດ​ໃຫ້​ມີ​ການ​ແລກປ່ຽນບົດຮຽນ ຜູ້​ປະກອບ​ການ, ກໍ່ສ້າງ​ເຮືອນ ​ແລະ ບໍລິສັດ​ປະກັນ​ໄພ ​ໃນ​ການ​ສະຫນອງ​ຂໍ້​ມູນ​ແກ່​ລູກ​ຄ້າ ​ແລະ ບໍລິສັດ ປະກັນ​ໄພ​ຂອງ​ພວກ​ເຮົາ, ກໍ​ໄດ້​ເປັນ​ສ່ວນໜຶ່ງ​ໃນ​ການຈັດ​ງານ, ​ໂດຍ​​ໄດ້​ຕັ້ງ​ຫ້ອງ​ໂຄສະນາ​ກ່ຽວກັບ​ຜະລິດ​ຕະພັນ ປະກັນ​ໄພ​ຂອງ​ບໍລິສັດ ທີ່​ມີ​ຫລາກ​ຫລາຍ ລາຍການມີທັງ​ປະກັນ​​ໄພສຸຂະພາບ, ປະກັນ​​ໄພອຸປະຕິ​ເຫດ, ປະກັນ​​ເຮືອນ ​ແລະ ອື່ນໆ, ພິ​ເສດ ພວກ​ເຮົາ​ຍັງ​ໄດ້​ຮ່ວມ​ກັບ​ໂຮງໝໍ ກຸງ​ເທບ ອຸດອນ ​ໃນ​ການກວດ​ສຸຂະພາບ​ໃຫ້​ຜູ້​ທີ່​ເຂົ້າຮ່ວມ​ງານ​ໂດຍ​ບໍ່​ເສຍ​ຄ່າ ​ໂດຍ​ໄດ້​ຮັບ​ຄວາມ​ສົນ​ໃຈ​ຈາກ​ມວນ​ຊົນ​ເຂົ້າ​ຮ່ວມ​ເປັນ​ຈຳນວນ​ຫລາຍ.

ງານ​ມະຫາ​ກຳ​​ເຮືອນ ​ແລະ ທີ່​ຢູ່​ອາ​ໄສໄດ້​ຮັບ​ຄວາມ​ສົນ​ໃຈ​ຈາກ​ມວນ​ຊົນ - 1 1 - ງານ​ມະຫາ​ກຳ​​ເຮືອນ ​ແລະ ທີ່​ຢູ່​ອາ​ໄສໄດ້​ຮັບ​ຄວາມ​ສົນ​ໃຈ​ຈາກ​ມວນ​ຊົນ