ຄວາມ​ຫວັງ​ເກັບ​ລາຍ​ຮັບ​ສາມ​ເດືອນ​ຕົ້ນປີ 2019

ຄວາມ​ຫວັງ​ເກັບ​ລາຍ​ຮັບ​ສາມ​ເດືອນ​ຕົ້ນປີ 2019 - advert banner 728 90 728x90 - ຄວາມ​ຫວັງ​ເກັບ​ລາຍ​ຮັບ​ສາມ​ເດືອນ​ຕົ້ນປີ 2019

​ໂດຍ: ທິດ​ກ່ຳ

ຄວາມ​ຫວັງ​ເກັບ​ລາຍ​ຮັບ​ສາມ​ເດືອນ​ຕົ້ນປີ 2019 - new3 - ຄວາມ​ຫວັງ​ເກັບ​ລາຍ​ຮັບ​ສາມ​ເດືອນ​ຕົ້ນປີ 2019

ມາຮອດປັດຈຸບັນ, ພວກ ເຮົາກໍເດີນທາງມາໄດ້ເກືອບ 3 ເດືອນເຕັມແລ້ວ, ໝາຍວ່າ ໝົດເດືອນມີນານີ້, ໄດ້ຜ່ານໄປ ໜຶ່ງໄຕມາດແລ້ວຂອງການ ປະຕິບັດ ແຜນພັດທະນາເສດຖະກິດ-ສັງຄົມແຫ່ງລັດ ປະຈໍາປີ 2019.

ໜຶ່ງໃນຄາດໝາຍສູ້ຊົນ ຂອງແຜນການປີ 2019 ກໍແມ່ນການເກັບລາຍຮັບໃນ  ສາມເດືອນຕົ້ນປີຕ້ອງໃຫ້ໄດ້ 25% ຫລື ຢ່າງໜ້ອຍກໍ ບໍ່ໃຫ້ຫລຸດ 20%. ແຕ່ຈະໄດ້  ຫລື ບໍ່ນັ້ນ ມັນກໍຂຶ້ນກັບຜົນ ຂອງຕົວເລກຕົວຜາເອົາມາເປັນຕົວວັດ.

ສຳລັບບ່ອນອີງ ທີ່ຈະເປັນໄມ້ຫລາວັດແທກນັ້ນມັນກໍມີເງື່ອນໄຂ ແລະ ຫລາຍປັດໄຈຕາມມາຄື: ດ້ວຍການຫັນ ເປັນທັນສະໄໝໃຫ້ໄວກວ່າເກົ່າ, ໂດຍສະເພາະແມ່ນໄດ້ ນຳໃຊ້ເຄື່ອງເອເລັກໂຕຣນິກ ເຂົ້າໃນການເກັບລາຍຮັບ,   ແກ້ໄຂຂອດອຸດຕັນ ແລະ  ຊ່ອງວ່າງອື່ນໆ ທີ່ຍັງທ່ວງດຶງຄວາມສະດວກໃນການດຳເນີນທຸລະກິດ ແລະ ປັດ ໄຈອື່ນໆ.

ການວາງຄາດໝາຍສູ້ ຊົນນີ້, ໄດ້ມີຂຶ້ນໃນກອງປະຊຸມລັດຖະບານສະໄໝສາມັນປະຈຳເດືອນກຸມພາ 2019 ທີ່ຜ່ານມາ, ເຊິ່ງລັດຖະບານໄດ້ວາງ 6 ໜ້າວຽກໃຫຍ່ທີ່ເປັນຈຸດສຸມຕົ້ນຕໍຄື: 1.  ແກ້ໄຂປາກົດການຫຍໍ້ທໍ້ໃນ  ສັງຄົມເປັນຕົ້ນອຸປະຕິເຫດ ໃນທ້ອງຖະໜົນ, ການຄ້າ ຂາຍຜິດກົດໝາຍ, ການປຸ້ນ ຈີ້-ຊີງຊັບ ແລະ ອື່ນໆ. 2. ເກັບ ລາຍຮັບໃຫ້ບັນລຸຕາມແຜນ ຢ່າງໜ້ອຍແຕ່ 20 ຫາ 25% ໃນສາມເດືອນຕົ້ນປີ.  3. ແກ້ໄຂຄວາມອຸດຕັນ ໃນ ການທ່ວງດຶງທຸລະກິດທີ່ໄດ້ ແກ່ຍາວມາເປັນເວລາຍາວ ນານຊ້ຳຊ້ອນ. 4.ເລັ່ງຟື້ນຟູ ເຂດທີ່ມີຜົນກະທົບຈາກໄພ ພິບັດຢູ່ເມືອງສະໜາມໄຊ.     5. ກະກຽມຢ່າງຮອບດ້ານ ໃຫ້ແກ່ການເຄື່ອນໄຫວຕ່າງ ປະເທດຂອງຜູ້ນຳ ແລະ ລັດ ຖະບານເຊັ່ນການຕ້ອນຮັບ ແຂກຜູ້ນຳຂັ້ນສູງມາຢ້ຽມ ຢາມ ແລະ ການໄປຢ້ຽມຢາມ ຕ່າງປະເທດຂອງຜູ້ນຳຂັ້ນສູງຂອງປະເທດເຮົາ. 6. ກຽມ ກອງປະຊຸມລັດຖະບານປະ ຈຳເດືອນມີນາ ແລະ ກອງປະຊຸມອື່ນໆທີ່ຈະມາເຖິງ. ນີ້ ຄື 6 ໜ້າວຽກສິ້ນໃຫຍ່ໆ ທີ່ ລັດຖະບານເຮົາຈະຕ້ອງໄດ້ ເຮັດໃນຊ່ວງໄລຍະ 3 ເດືອນ ຕົ້ນປີ 2019.

ແນວໃດກໍຕາມ, ດັ່ງທິດ ກ່ຳໄດ້ກ່າວມາຂ້າງເທິງນັ້ນ ຄື ໜຶ່ງໃນ 6 ໜ້າວຽກນີ້ແມ່ນ ວຽກເກັບກຳລາຍຮັບເປັນ ໜ້າທີ່ໃຫຍ່ໆອັນໜຶ່ງທີ່ຕ້ອງ ໄດ້ເອົາໃຈໃສ່ ແລະ ໃຫ້ບັນລຸເຖິງເປົ້າ, ເທົ່າທີ່ທິດກ່ຳໄດ້ ຕິດຕາມຂ່າວຄາວນັບແຕ່ຕົ້ນ ປີ 2019 ເປັນຕົ້ນມາຮອດ ປັດຈຸບັນໝາຍວ່ານັບແຕ່ ເດືອນມັງກອນມາຫາເດືອນມີນາເຫັນວ່າມີຫລາຍດ່ານພາສີສາກົນ ແລະ ຫລາຍ ແຂວງສາມາດເກັບພາສີ- ອາກອນລາຍໄດ້ຈາກສັງຄົມໄດ້ຕາມຄາດໝາຍ ແລະ ມີຫລາຍທ້ອງຖິ່ນກໍໄດ້ລື່ນຄາດ ໝາຍເມື່ອປຽບທຽບໃສ່ ຫລາຍສິບປີຜ່ານມາກໍເຫັນ ວ່າມີທ່າອ່ຽງທີ່ດີຂຶ້ນເລື້ອຍໆ.

ຄວາມ​ຫວັງ​ເກັບ​ລາຍ​ຮັບ​ສາມ​ເດືອນ​ຕົ້ນປີ 2019 - lattana 1 - ຄວາມ​ຫວັງ​ເກັບ​ລາຍ​ຮັບ​ສາມ​ເດືອນ​ຕົ້ນປີ 2019

ເຖິງຢ່າງໃດກໍດີ, ຕາມ ທິດກ່ຳວ່າເພື່ອກ້າວໄປເຖິງ ເປົ້າໃນໄຕມາດທຳອິດຂອງປີ ຫລື ກ້າວໄປເຖິງໝົດປີ 2019 ພວກເຮົາກໍຕ້ອງໄດ້ ພ້ອມກັນເຢີກ, ອັນສຳຄັນ ກ່ອນອື່ນໝົດຕ້ອງໄດ້ຕີຖອຍທັງຕ້ານ ແລະ ສະກັດກັ້ນ ປາກົດການຫຍໍ້ທໍ້ທີ່ມັນຍັງ ເຂົ້າກະດູກດຳຊຳເຮື້ອແກ່ ຍາວມາເປັນເວລາຫລາຍປີເຊັ່ນ: ການສໍ້ລາດບັງຫລວງ, ຄວາມບໍ່ໂປ່ງໃສໃນຖັນແຖວສະມາຊິກພັກ-ພະນັກງານ ທີ່ເປັນແກນນຳໃນກົມກອງທ້ອງຖິ່ນ.

             ເວົ້າເລື່ອງຊັບສິນ ແລະ ເງິນຄຳກຳແກ້ວ ອັນເປັນຊັບ ສິນຂອງລັດທີ່ມັນຮົ່ວໄຫລໃນຫລາຍສິບປີຜ່ານມາມັນ ກໍເນື່ອງມາຈາກການລົ້ມເຫລວ, ຄວາມບໍ່ໂປ່ງໃສໃນ ຖັນແຖວພະນັກງານ, ສະມາຊິກພັກ ທີ່ບໍ່ເປັນຕົວແບບ ໃນການຄຸ້ມຄອງນຳພາ, ສວຍໃຊ້ໜ້າທີ່ຕຳແໜ່ງສໍ້ໂກງຍັກ ຍອກເອົາຊັບສິນເງິນຄຳອັນເປັນລາຍຮັບຂອງປະເທດ ຊາດຢ່າງມະຫາສານ.

ຖ້າພວກເຮົາຫາກ ບໍ່ພາ ກັນເປັນເຈົ້າການເຫັນແກ່ ຊາດບ້ານເມືອງເປັນໃຫຍ່ ແລ້ວ ທຸກສິ່ງຢ່າງມັນກໍເປີະ ແລະ ບໍ່ໄປຕາມເປົ້າ, ດັ່ງຫລາຍປີຜ່ານມາລັດເສຍ ຫາຍຊັບສິນເງິນຄຳຫລາຍ ຮ້ອຍຫລາຍພັນຕື້ ຍ້ອນການ ສໍ້ລາດບັງຫລວງ ແລະ ສໍ້ຫລວງບັງລາດ.

ຄວາມ​ຫວັງ​ເກັບ​ລາຍ​ຮັບ​ສາມ​ເດືອນ​ຕົ້ນປີ 2019 - 44575477 - ຄວາມ​ຫວັງ​ເກັບ​ລາຍ​ຮັບ​ສາມ​ເດືອນ​ຕົ້ນປີ 2019
(ພາບປະກອບ)

error: Content is protected !!