ອາການຂອງແຂ້ວທີ່ທ່ານຄວນໄປພົບທັນຕະແພດ
ອາການສຳຄັນຂອງແຂ້ວທີ່ ຄວນໄປພົບທັນຕະແພດ ຫາກມີອາ ການດັ່ງຕໍ່ໄປນີ້ດົນເກີນ 1 ອາທິດ ເຊັ່ນ : ເຈັບແຂ້ວ ຫລື ເຂັດແຂ້ວ, ປວດເຫືອກຕະຫລອດເວລາ, ແຂ້ວ ສີເຫລືອງ ຫລື ມີຄາບ, ແຂ້ວຄອນ ຫລື ເຫືອກອັກເສບບວມແດງ, ມີ ເລືອດອອກ, ມີບາດແຜໃນປາກ ແລະ ເຈັບເຫືອກ ເປັນຕົ້ນ.
ແຂ້ວເປັນອະໄວຍະວະອັນນ້ອຍ ທີ່ມີຄວາມສຳຄັນບໍ່ໜ້ອຍກ່ວາອະ ໄວຍະວະອັນໃຫຍ່ອັນອື່ນໃນຮ່າງ ກາຍມະນຸດ ເຮັດໜ້າທີ່ເປັນດ່ານທຳ ອິດໃນການຫຍຳ້ອາຫານໃຫ້ເປັນ ຕ້ອນນ້ອຍໆ ແລະ ສົ່ງຜ່ານໄປຍັງ ອະໄຍວະອື່ນໆ ເພື່ອນຳໄປຫລໍ່ລ້ຽງ ຮ່າງກາຍ, ແຕ່ມີບາງເທື່ອທີ່ແຂ້ວ ເກີດອາການ ເຊັ່ນ : ແຂ້ວເຫລືອງ, ມີຄາບ, ປວດ, ເຂັດ, ຄອນ ຫລື ແມ່ນແຕ່ຫລ່ອນ ເຊິ່ງເປັນສິ່ງທີ່ບໍ່ ຄວນຖືເບົາ ເນື່ອງຈາກອາດເປັນ ສັນຍານເຕືອນໃຫ້ຮູ້ວ່າ ເຖິງເວລາທີ່ ຕ້ອງໄປພົບທັນຕະແພດ ທັງນີ້ ພາຍ ຫລັງການປິ່ນປົວຄວນດູແລສຸຂະ ພາບຜົ້ງປາກ ໂດຍການຖູແຂ້ວທຸກ ມື້ ມື້ລະ 2 ເທື່ອ ເຊົ້າ ແລະ ກ່ອນ ນອນ, ໃຊ້ຢາຖູແຂ້ວທີ່ມີສ່ວນປະສົມ ຂອງຟລູອໍໄຣ, ໃຊ້ໄໝຂັດແຂ້ວເຮັດ ຄວາມສະອາດຫວ່າງແຂ້ວ ແລະ ໄປພົບທັນຕະແພດເພື່ອກວດສຸຂະ ພາບຜົ້ງປາກທຸກ 6 ເດືອນ.
ອາການສຳຄັນທີ່ເກີດກັບແຂ້ວ ແລະ ຄວນໄປພົບທັນຕະແພດ ມີຄື :
– ປວດ ຫລື ເຂັດແຂ້ວເຫລັ້ມໃດ ເຫລັ້ມໜຶ່ງໃນຂະນະກັດ ຫລື ຫຍຳ້ ອາຫານ ໂດຍມີອາການປວດແຂ້ວ ຕະຫລອເວລາ ແລະ ເກີດຂຶ້ນເປັນ ໄລຍະໆ.
– ແຂ້ວສີເຫລືອງ ຫລື ມີຄາບ : ອາດເນື່ອງມາຈາກຄາບຊາ, ກາ ເຟ, ເຫລົ້າແວັງ ຫລື ເຄື່ອງດື່ມທີ່ມີສີ ເຂັ້ມ.
– ແຂ້ວຄອນ ຫລື ຫລ່ອນຈາກ ກະດູກເບົ້າແຂ້ວ : ເປັນອາການທີ່ ເກີດຈາກແຂ້ວແມງ ຫລື ພະຍາດ ເຫືອກອັກເສບ ເຮັດໃຫ້ກະດູກບໍລິ ເວນອ້ອມໆແຂ້ວ ແລະ ຄາງກະໄຕ ຖືກທຳລາຍ.
– ເຫືອກບວມ ແລະ ເປັນໜອງ : ເຫືອກບວມແດງມີເລືອດອອກອາດ ເປັນຜົນຂ້າງຄຽງຈາກການຖືພາ ຫລື ອາການຮໍໂມນປ່ຽນແປງ, ແຕ່ ບາງກໍລະນີອາດເກີດຈາກການສະ ສົມແບັກທີເຣຍຕາມເຟັນແຂ້ວ.
– ມີບາດແຜໃນປາກຈາກການ ກິນອາຫານທີ່ຮ້ອນຈົນລວກປາກ : ຫາກບາດແຜຍັງບໍ່ເຊົາເກີນ 1 ອາ ທິດ ອາດເປັນສັນຍານຂອງການ ຂາດວິຕາມິນຢ່າງຮຸນແຮງ.
– ເຈັບເຫືອກ ຫລື ເຂັດແຂ້ວ : ຂະ ນະດື່ມເຄື່ອງດື່ມຮ້ອນ ຫລື ເຢັນອາດ ເປັນຍ້ອນແຂ້ວແມງ, ເຫືອກຍານ ໄປເຖິິງຮາກແຂ້ວ ສາເຫດຈາກເຊື້ອ ແບັກທີເຣຍ, ການນອນກັດແຂ້ວ ຫລື ການຖູແຂ້ວແຮງເກີນໄປ, ຖູ ແຂ້ວຜິດວິທີ ດ້ວຍແປງຖູແຂ້ວທີ່ມີ ຂົນແປງແຂງ.
ແນວໃດກໍຕາມ, ຫາກພົບວ່າມີ ຈຸດແດງ ຫລື ຂາວກະຈາຍຢູ່ເທິງ ເຫືອກຮ່ວມກັບອາການເຈັບ ເຊິ່ງ ອາດເກີດຈາກການແພ້ອາຫານ ບາງຊະນິດ, ຢາ ຫລື ແມ່ນແຕ່ແຂ້ວ ປອມ ຫລື ແຂ້ວຢາງປອມ ເຊິ່ງບໍ່ພໍ ດີກັບປາກ ໂດຍມີອາການເຈັບດົນ ກ່ວາ 1 ອາທິດ ຄວນຟ້າວໄປພົບ ທັນຕະແພດເພື່ອກວດຫາສາເຫດ ແລະ ຮັບການປິ່ນປົວຕໍ່ໄປ.
