ອົງການສາກົນແນະນຳຫວຽດນາມ ປະກາດສະຖານະການສຸກເສີນ ພະຍາດໝູອາຟຣິກາລະບາດ

ອົງການສາກົນແນະນຳຫວຽດນາມ ປະກາດສະຖານະການສຸກເສີນ ພະຍາດໝູອາຟຣິກາລະບາດ - advert banner 728 90 728x90 - ອົງການສາກົນແນະນຳຫວຽດນາມ ປະກາດສະຖານະການສຸກເສີນ ພະຍາດໝູອາຟຣິກາລະບາດ

       ອົງການອາຫານ ​ແລະ ກະສິກຳ​ແຫ່ງ​ສະຫະ​ປະຊາ​ຊາດ (FAO) ອອກ​ຖະ​ແຫລ​ງການ​ແນະນຳ​ໃຫ້​ລັດຖະບານ​ຫວຽດນາມ​ປະກາດ​ສະຖານະ​ການ​ສຸກ​ເສີນ​ແຫ່ງ​ຊາດ ຫລັງ​ເກີດ​ການ​ແຜ່​ລະບາດ​ຢ່າງ​ວ່ອງ​ໄວ​ຂອງ​ພະຍາດ​ອະຫິວາ​ໝູ​ອາ​ຟຣິກາ ຫລື African Swine Fever ​ໃນ​ປະ​ເທດ.

ອົງການສາກົນແນະນຳຫວຽດນາມ ປະກາດສະຖານະການສຸກເສີນ ພະຍາດໝູອາຟຣິກາລະບາດ - new3 - ອົງການສາກົນແນະນຳຫວຽດນາມ ປະກາດສະຖານະການສຸກເສີນ ພະຍາດໝູອາຟຣິກາລະບາດ

      ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ​ເຊື້ອ​ໄວ​ຣັສ ASF ຖືກ​ກວດ​ພົບ​ໃນ​ຫວຽດນາມ​ຄັ້ງທຳ​ອິດ​ເດືອນ​ຜ່ານ​ມາ ​ຢູ່​ຟາ​ມ 3 ​ແຫ່ງ​ໃນ 2 ​ແຂວງ​ທາງ​ພາກ​ເໜືອ ​ແລະ ຫລ້າ​ສຸດ​ໄດ້​ແຜ່​ຂະຫຍາຍ​ເປັນ 17 ​ແຂວງ​ທາງ​ພາກ​ເໜືອ ກວດ​ພົບ​ຢູ່​ຟາ​ມ 239 ​ແຫ່ງ.

      ຊີ້ນ​ໝູ​ກວມ​ອັດຕາ​ສ່ວນ​ປະມານ 75% ຂອງ​ການ​ບໍລິ​ໂພ​ກຊີ້ນ​ສັດ​ທັງ​ໝົດ​ຢູ່​ຫວຽດນາມ ​ເຊິ່ງມີ​ປະຊາກອນ 95 ລ້ານ​ຄົນ ​ແລະ ສ່ວນ​ຫລາຍ​ຂອງ​ໝູ​ລ້ຽງ​ຢູ່​ຟາ​ມ 30 ລ້ານ​ໂຕ​ຖືກ​ບໍລິ​ໂພ​ກພາຍ​ໃນ​ປະ​ເທດ.

     ທ່ານ ອັລ​ເບິດ ທີ ລີ​ເບິ​ກ ຜູ້​ແທນ FAO ປະຈຳ​ຫວຽດນາມ ກ່າວ​ພາຍຫລັງ​ພົບ​ປະ​ກັບ​ເຈົ້າໜ້າ​ທີ່​ທາງ​ການ​ຫວຽດນາມ ​ໃນ​ອາທິດ​ຜ່ານ​ມາ​ວ່າ: ການ​ສູນ​ເສຍ​ໝູ​ຈາກ​ການ​ຕິດ​ເຊື້ອ ASF ​ແລະ ມາດ​ຕະການ​ຄວບ​ຄຸມ ນຳ​ໄປ​ສູ່​ສະພາບ​ທາງ​ເສດຖະກິດ​ຫລຸດ​ຖອຍ ສຳລັບ​ຄອບຄົວ​ຢູ່​ທ້ອງ​ຖິ່ນ​ຈຳນວນ​ຫລາຍ.

ອົງການສາກົນແນະນຳຫວຽດນາມ ປະກາດສະຖານະການສຸກເສີນ ພະຍາດໝູອາຟຣິກາລະບາດ - lattana 1 - ອົງການສາກົນແນະນຳຫວຽດນາມ ປະກາດສະຖານະການສຸກເສີນ ພະຍາດໝູອາຟຣິກາລະບາດ

      ຫວຽດນາມ​ດຳ​ເນີນ​ການ​ຄວບ​ຄຸມ​ການ​ເຄື່ອນ​ຍ້າຍ​ໝູ ​ແລະ ຜະລິດ​ຕະພັນ​ໝູ​ຢ່າງ​ເຂັ້ມງວດ ລວມທັງ​ກຳຈັດ​ໝູ​ຫລາຍ​ກວ່າ 25.000 ​ໂຕ, ​ແຕ່ FAO ກ່າວ​ວ່າ: ບັນດາ​ຟາ​ມລ້ຽງ​ຂະໜາດ​ນ້ອຍ​ທີ່​ມີ​ຄວາມ​ປອດ​ໄພ​ດ້ານ​ຊີວະ​ພາບ​ຕໍ່າ ຈະ​ເຮັດ​ໃຫ້​ພະຍາດ ASF ​ແຜ​່ລະບາດ​ຫລາຍ​ຂຶ້ນ.

     ASF ​ເຊິ່ງ​ເປັນ​ພະຍາດ​ທີ່​ບໍ່​ສາມາດ​ປິ່ນປົວ​ໄດ້​ໃນ​ໝູ, ​ແຕ່​ບໍ່​ເປັນ​ອັນຕະລາຍ​ຕໍ່​ມະນຸດ ຍັງ​ແຜ່​ລະບາດ​ຢ່າງ​ວ່ອງ​ໄວ​ທົ່ວ​ປະ​ເທດ​ຈີນ, ອາທິດ​ຜ່ານ​ມາ ທາງ​ການ​ປັກ​ກິ່ງ​ປະກາດ​ຫ້າມ​ນຳ​ເຂົ້າໝູ, ໝູ​ປ່າ ​ແລະ ຜະລິດ​ຕະພັນ​ທີ່​ກ່ຽວຂ້ອງ​ຈາກ​ຫວຽດນາມ.

error: Content is protected !!