ຄວາມດັນເລືອດສູງປ່ອຍໄວ້ດົນສົ່ງຜົນກະທົບຕໍ່ສະໝອງເສື່ອມ

ຄວາມດັນເລືອດສູງປ່ອຍໄວ້ດົນສົ່ງຜົນກະທົບຕໍ່ສະໝອງເສື່ອມ - advert banner 728 90 728x90 - ຄວາມດັນເລືອດສູງປ່ອຍໄວ້ດົນສົ່ງຜົນກະທົບຕໍ່ສະໝອງເສື່ອມ

    ອາການຄວາມດັນເລືອດສູງ (High blood pressure) ຫລື    ພະຍາດຄວາມດັນເລືອດສູງ (Hypertension) ເປັນພະຍາດຊຳ້ເຮື້ອປະເພດໜຶ່ງທີ່ສົ່ງຜົນຕໍ່ລະບົບໄຫລວຽນເລືອດ ເພາະທຸກອະໄວຍະວະພາຍໃນຮ່າງກາຍຂຶ້ນຢູ່ກັບການໄຫລວຽນເລືອດ ອາການຄວາມດັນເລືອດສູງທີ່ບໍ່ໄດ້ຮັບການປິ່ນປົວສາມາດສ້າງຄວາມເສຍຫາຍຕໍ່ອະໄວຍະວະຂອງຮ່າງກາຍເກືອບທັງໝົດ ແລະ ສະໝອງແມ່ນມີຄວາມສ່ຽງສູງທີ່ສຸດ.

ຄວາມດັນເລືອດສູງປ່ອຍໄວ້ດົນສົ່ງຜົນກະທົບຕໍ່ສະໝອງເສື່ອມ - 022103 2019 - ຄວາມດັນເລືອດສູງປ່ອຍໄວ້ດົນສົ່ງຜົນກະທົບຕໍ່ສະໝອງເສື່ອມ
Stethoscope, blood pressure gauge and hypertension headline

     ຄວາມດັນເລືອດສູງອາດເຮັດໃຫ້ເກີດພະຍາດຫລອດເລືອດສະໝອງ ເຊິ່ງເປັນສາເຫດຂອງການເສຍຊີວິດທີ່ພົບໄດ້ທົ່ວໄປ ຜູ້ທີ່ລອດຊີວິດຈາກພະຍາດຫລອດເລືອດສະໝອງ ມັກຕ້ອງທົນທຸກທໍລະມານຈາກຄວາມພິການໃນຫລາຍດ້ານ. ຈາກການສຶກສາທາງການແພດໂດຍມະຫາວິທະຍາໄລຮາເວີດ ພະຍາດຄວາມດັນເລືອດສູງເພີ່ມຄວາມສ່ຽງໃນການເປັນພະຍາດຫລອດເລືອດສະໝອງໄດ້ສູງເຖິງ 22% ໂຊກດີທ່ີຍັງມີຂ່າວດີສຳລັບຜູ້ທີ່ມີຄວາມດັນເລືອດສູງວ່າ ການປິ່ນປົວທີ່ເໝາະສົມສາມາດຊ່ວຍຫລຸດຄວາມສ່ຽງຕໍ່ການເປັນພະຍາດຫລອດເລືອດໃນສະໝອງໄດ້ເຖິງ 44%.

    ໃນຂະນະທີ່ທ່ານມີອາຍຸຫລາຍຂຶ້ນ ສັກກະຍະພາບໃນການຮັບຮູ້  ແລະ ຄວາມຈື່ຈຳຂອງທ່ານຈະເລີ່ມຫລຸດລົງ ສົ່ງຜົນໃຫ້ເກີດອາການຄວາມຈື່ຈຳເສື່ອມ, ການຄິດຫາເຫດຜົນດ້ອຍປະສິດທິພາບລົງ ແລະ ມີສະມາທິສັ້ນ. ມີຫລາຍການສຶກສາສະແດງໃຫ້ເຫັນເຖິງຄວາມສຳພັນລະຫ່ວາງການເຮັດໜ້າທີ່ຜິດປົກກະຕິທາງການຮັບຮູ້ເຫລົ່ານັ້ນກັບພະຍາດຄວາມດັນເລືອດສູງ ມັນອາດເປັນເລື່ອງປົກກະຕິໃນການລືມບາງສິ່ງບາງຢ່າງເປັນບາງຄັ້ງຄາວ, ແຕ່ການມີຊ່ອງວ່າງກ່ຽວກັບຄວາມຊົງຈຳຢູ່ຕະຫລອດເວລາອາດເປັນເລື່ອງເສຍຫາຍຮ້າຍແຮງ ເປັນທີ່ເຊື່ອວ່າຄວາມບົກພ່ອງທາງການຮັບຮູ້ທີ່ຮຸນແຮງນັ້ນເກີດຂຶ້ນເມື່ອຫລອດເລືອດທີ່ເຮັດໜ້າທີ່ລຳລຽງອົກຊີແຊນ ແລະ ກລູໂກສໄປຍັງສະໝອງໄດ້ຮັບຄວາມເສຍຫາຍ ຫລື ຖືກອັດຕັນຈົນຂາດອົກຊີແຊນ ຈຶ່ງເຮັດໃຫ້ແຊນປະສາດຕາຍ ສົ່ງຜົນໃຫ້ເກີດອາການຄວາມຈື່ຈຳເສື່ອມຢ່າງຖາວອນ.

ຄວາມດັນເລືອດສູງປ່ອຍໄວ້ດົນສົ່ງຜົນກະທົບຕໍ່ສະໝອງເສື່ອມ - lattana 1 - ຄວາມດັນເລືອດສູງປ່ອຍໄວ້ດົນສົ່ງຜົນກະທົບຕໍ່ສະໝອງເສື່ອມ
ຄວາມດັນເລືອດສູງປ່ອຍໄວ້ດົນສົ່ງຜົນກະທົບຕໍ່ສະໝອງເສື່ອມ - 1 1 - ຄວາມດັນເລືອດສູງປ່ອຍໄວ້ດົນສົ່ງຜົນກະທົບຕໍ່ສະໝອງເສື່ອມ

     ເນື່ອງຈາກຄວາມດັນເລືອດສູງສົ່ງຜົນຮ້າຍຕໍ່ຫລອດເລືອດ ຈຶ່ງມີສ່ວນເຮັດໃຫ້ຄວາມຈື່ຈຳເສື່ອມ. ການສຶກສາວິໄຈເມື່ອມໍ່ໆນີ້ໄດ້ເຜີຍໃຫ້ເຫັນຄວາມສຳພັນລະຫ່ວາງຄວາມດັນເລືອດສູງກັບຄວາມບົກພ່ອງທາງການຮັບຮູ້ ແລະ ຄວາມຈື່ຈຳ ອາການສະໝອງເສື່ອມ (dementia) ແລະ ອັລໄຊເມີ (Alzheimer’s disease) ຈຶ່ງເປັນເລື່ອງທີ່ສາມາດເວົ້າໄດ້ເລີຍວ່າ ຍິ່ງຄວາມດັນເລືອດສູງຂຶ້ນເທົ່າໃດ ແລະ ຍິ່ງເວລາຜ່ານໄປດົນເທົ່າໃດ ໂດຍທີ່ບໍ່ປິ່ນປົວ ກໍຈະຍິ່ງມີຄວາມສ່ຽງຕໍ່ສະໝອງເພີ່ມສູງຂຶ້ນເທົ່ານັ້ນ. ອາການສະໝອງເສື່ອມສາມາດຫລຸດຜ່ອນລົງໄດ້ໃນບາງພາກສ່ວນ ໂດຍການໃຊ້ຢາ. ແນວໃດກໍຕາມ ຍັງບໍ່ມີວິທີການປິ່ນປົວທີ່ເປັນໄປໄດ້ທີ່ຈະຟື້ນຟູຄວາມເສຍຫາຍທີ່ເກີດຂຶ້ນໃຫ້ກັບມາດີຄືເກົ່າໄດ້ ຈຶ່ງເປັນເຫດຜົນວ່າເປັນຫຍັງການປິ່ນປົວຄວາມ ດັນເລືອດສູງແຕ່ຫົວທີຈຶ່ງເປັນສິ່ງສຳຄັນຫລາຍ ເພາະການປິ່ນປົວຄວາມດັນເລືອດສູງຊ່ວຍເຮັດໃຫ້ເລືອດໄປລ້ຽງສະໝອງໄດ້ດີຂຶ້ນ ຈຶ່ງຫລຸດຄວາມສ່ຽງໄດ້.

error: Content is protected !!