ທ່ານ ທຣຳ ປະກາດຈະກຳຈັດກຸ່ມ IS ໃຫ້ໝົດໃນໄວໆນີ້

ທ່ານ ທຣຳ ປະກາດຈະກຳຈັດກຸ່ມ is ໃຫ້ໝົດໃນໄວໆນີ້ - advert banner 728 90 728x90 - ທ່ານ ທຣຳ ປະກາດຈະກຳຈັດກຸ່ມ IS ໃຫ້ໝົດໃນໄວໆນີ້

      ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ຄາດ​ວ່າ​ກຸ່ມ​ລັດ​ອິສລາມ (IS) ຈະ​ຖືກ​ກວາດ​ລ້າງ​ໃຫ້ຫາ​ຍ​ໄປ​ຈາກ​ແຜນ​ທີ່​ພາຍ​ໃນ​ບໍ່​ເທົ່າ​ໃດ​ຊົ່ວ​ໂມງ​ຕໍ່ຈາກ​ນີ້, ຂະນະ​ທີ່​ແຫ​ລ່ງລີ້​ຊ້ອນ​ຂອງ IS ຫລຸດ​ລົງ​ຫລາຍ​ຢູ່​ອີຣັກ ​ແລະ ຊີຣີ.

ທ່ານ ທຣຳ ປະກາດຈະກຳຈັດກຸ່ມ is ໃຫ້ໝົດໃນໄວໆນີ້ - lattana 1 - ທ່ານ ທຣຳ ປະກາດຈະກຳຈັດກຸ່ມ IS ໃຫ້ໝົດໃນໄວໆນີ້

      ປະທານາທິບໍດີ ທຣຳ ກ່າວ​ອ້າງ​ວ່າ: ກອງ​ກຳລັງ​ອາ​ເມ​ລິ​ກາ​ປະຕິບັດ​ການ​ໂຈມ​ຕີ​ທີ່​ສ້າງ​ຄວາມ​ເສຍ​ຫາຍ​ຢ່າງ​ໜັກ​ຕໍ່​ກຸ່ມ IS ​ໃນ​ໄລຍະ​ເດືອນ​ຜ່ານ​ມາ, ​ເຖິງ​ວ່າ​ຍັງ​ບໍ່​ມີ​ສັນຍານ​ວ່າ​ກຸ່ມ IS ຈະ​ຍອມ​ຈຳນົນ​ດ້ວຍ​ການ​ຍົກ​ທຸງ​ຂາວ​ກໍ​ຕາມ. ທ່ານ ທຣຳ ສະ​ແດງ​ແຜນ​ທີ່​ໃຫ້​ສື່​ມວນ​ຊົນ​ຢູ່​ນະຄອນຫລວງ​ວໍ​ຊິງ​ຕັນ ​ໂດຍ​ເຮັດ​ເຄື່ອງໝາຍ​ສີ​ແດງ​ເພື່ອ​ລະບຸ​ພື້ນທີ່​ຂອງ​ກຸ່ມ IS ​ເມື່ອ​ກ່ອນ, ສ່ວນ​ແຜນ​ທີ່​ທີ​ສອງ​ເປັນ​ຮູບພື້ນທີ່​ກຸ່ມ IS ທີ່​ຫລຸດ​ລົງ​ຫລາຍ ​ແລະ ຫລົງ​ເຫລືອ​ຢູ່​ພຽງ​ບໍ່​ເທົ່າ​ໃດ​ຈຸດ ​ເຊິ່ງ​ເກືອບ​ບໍ່​ມີ​ຈຸດ​ສີ​ແດງ​ເຫລືອ​ຢູ່. ຖະ​ແຫລ​ງການ​ລະບຸ​ວ່າ: ຈາກ​ເມື່ອ​ກ່ອນ​ທີ່​ກຸ່ມ IS ຢຶດຄອງ​ພື້ນທີ່​ຫລາຍ​ແຫ່ງ​ໃນ​ຊີຣີ ​ແລະ ອີຣັກ​ໃນ​ປີ 2014, ​ແຕ່​ປັດຈຸບັນ​ເຫລືອ​ຢູ່​ພຽງ​ເຂດ​ບັກ​ຮູ​ໃນ​ຊີຣີ.

ທ່ານ ທຣຳ ປະກາດຈະກຳຈັດກຸ່ມ is ໃຫ້ໝົດໃນໄວໆນີ້ - 1 1 - ທ່ານ ທຣຳ ປະກາດຈະກຳຈັດກຸ່ມ IS ໃຫ້ໝົດໃນໄວໆນີ້