ເປັນ​ຜູ້ນຳ​ຕ້ອງ​ຮູ້​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ

ເປັນ​ຜູ້ນຳ​ຕ້ອງ​ຮູ້​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ - advert banner 728 90 728x90 - ເປັນ​ຜູ້ນຳ​ຕ້ອງ​ຮູ້​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ

#    ຂວັນ ​ແລະ ກຳລັງ​ໃຈ ​ເປັນ​ປັດ​ໄຈ​ສຳຄັນ​ຊ່ວຍ​ໃຫ້​ຂັ້ນລຸ່ມ​ຫ້າວຫັນ, ມີ​ຄວາມ​ກະຕືລືລົ້ນ ​ແລະ ມີ​ຄວາມ​ຮັບຜິດຊອບ​ຕໍ່ໜ້າ​ທີ່​ວຽກ​ງານ​ສູງ​ຂຶ້ນ.

ເປັນ​ຜູ້ນຳ​ຕ້ອງ​ຮູ້​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ - new3 - ເປັນ​ຜູ້ນຳ​ຕ້ອງ​ຮູ້​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ
ເປັນ​ຜູ້ນຳ​ຕ້ອງ​ຮູ້​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ - 020104 2019 - ເປັນ​ຜູ້ນຳ​ຕ້ອງ​ຮູ້​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ

     ຂວັນ-ກຳລັງ​ໃຈ ​ແມ່ນ​ຫຍັງ ? ຂວັນ-ກຳລັງ​ໃຈ ​ແມ່ນ​ປັດ​ໄຈ​ຕ່າງໆ​ທີ່​ຄອຍຊ່ວຍ​ໃຫ້​ຄົນ​ເຮົາ​ເຮັດ​ວຽກ​ບໍ່​ຮູ້​ອິດ​ຮູ້​ເມື່ອຍ, ​ເຮັດ​ວຽກ​ດ້ວຍ​ຄວາມ​ເບີກບານ​ມ່ວນ​ຊື່ນ, ພໍ​ອົກ​ພໍ​ໃຈ… ຮູບ​ການ​ສ້າງ​ຂວັນ ​ແລະ ກຳລັງ​ໃຈ​ມີ​ຫລາຍ​ວິທີ​ການ​ເຊັ່ນ: ການ​ຍົກຍ້ອງ​ຊົມ​ເຊີຍ, ການ​ຂຶ້ນຊັ້ນຂັ້ນ​ເງິນ​ເດືອນ, ​ໃຫ້​ຂອງຂວັນ​ລາງວັນ, ການ​ເລື່ອນ​ຊັ້ນຕຳ​ແໜ່​ງ, ການ​ໃກ້ຊິດຕິດ​ແທດ, ສະໜິດສະໜົມ​ກັບ​ຂັ້ນລຸ່ມ, ການ​ເບິ່ງ​ແຍງ​ຊີວິດ​ການ​ເປັນ​ຢູ່​ຂອງ​ເຂົາ​ເຈົ້າ… ຖ້າ​ຜູ້ນຳ​ພາຫາ​ກຮູ້​ຄຳນຶງ​ເຖິງ​ບັນຫາ​ນີ້ ຂັ້ນລຸ່ມ​ຈະ​ມີ​ຄວາມ​ພໍ​ອົກ​ພໍ​ໃຈ. ຈາກ​ນັ້ນ ​ເຂົາ​ກໍ​ຈະ​ອຸທິດ​ຊີວິດ​ເຫື່ອ​ແຮງ​ຂອງ​ຕົນ​ເຂົ້າ​ໃນ​ໜ້າ​ທີ່​ວຽກ​ງານ​ຢ່າງ​ບໍ່​ຮູ້​ອິດ​ຮູ້​ເມື່ອຍ, ​ເຮັດ​ວຽກ​ດ້ວຍ​ຄວາມ​ເບີກບານ​ມ່ວນ​ຊື່ນ ບໍ່​ເຄັ່ງ​ຕຶງ ທັງ​ມີ​ຫົວຄິດ​ປະດິດ​ສ້າງ​ສູງ​ຂຶ້ນ.

ເປັນ​ຜູ້ນຳ​ຕ້ອງ​ຮູ້​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ - lattana 1 - ເປັນ​ຜູ້ນຳ​ຕ້ອງ​ຮູ້​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ

      ສະຫລຸບ​ຄວາມ​ແລ້ວ ການ​ສ້າງ​ຂວັນ ​ແລະ ກຳລັງ​ໃຈ ​ແມ່ນ​ການ​ສ້າງ​ຄວາມ​ເຊື່ອ​ໝັ້ນ, ສ້າງ​ຄວາມ​ຮັກ​ຄວາມ​ແພງ, ຄວາມ​ນິຍົມ​ຊົມ​ຊອບ, ຄວາມ​ໄວ້​ວາງ​ໃຈ​ຂອງ​ຜູ້ນຳ​ຕໍ່​ຂັ້ນລຸ່ມ. ການ​ສ້າງ​ຂວັນ ​ແລະ ກຳລັງ​ໃຈ ​ແມ່ນ​ໜ້າ​ທີ່​ຄວາມ​ຮັບຜິດຊອບ​ຂອງ​ຜູ້ນຳ​ພາ​ທຸກ​ຄົນ. ຜູ້ນຳ​ພາ​ຕ້ອງ​ຄຳນຶງ​ເຖິງ​ການ​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ​ຢູ່​ສ​ະ​ເໝີ ​ເຊິ່ງມັນ​ແມ່ນ​ຄວາມ​ຈຳ​ເປັນ​ຈະ​ຕ້ອງ​ໄດ້​ເຮັດ​ເປັນ​ປະຈຳ. ຖ້າ​ບໍ່​ດັ່ງນັ້ນກໍ​ຈະ​ບໍ່​ສາມາດ​ກະຕຸກ​ຊຸກຍູ້​ຈິດ​ໃຈ​ຂອງຂັ້ນລຸ່ມ​ໄດ້, ຍິ່ງ​ໄປ​ກວ່າ​ນັ້ນ ຂັ້ນລຸ່ມ​ຈະ​ເຫງົາ​ຫງອຍ​ທໍ້ຖອຍ​ຈິດ​ໃຈ. ຜູ້ນຳ​ທີ່​ຢາກ​ໄດ້​ແຕ່​ວຽກ​ ​ແຕ່​ບໍ່​ຮູ້​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ ຈະ​ບໍ່​ສຳ​ເລັດ​ພາລະ​ກິດ​ຢ່າງ​ແນ່ນອນ. ຜູ້ນຳ​ພາ​ປະ​ເພດ​ນີ້​ຈະ​ເກີດ​ພະຍາດ​ອາດຍາ​ສິດ. ທຸກ​ການ​ເຄື່ອນ​ໄຫວ​ຢູ່​ໃນ​ສັງຄົມ​ລ້ວນ​ແຕ່​ແມ່ນ​ການ​ເຄື່ອນ​ໄຫວ​ຂອງ​ຄົນ, ຄົນ​ເປັນ​ປັດ​ໄຈ​ໃຈກາງ​ຂອງ​ທຸກ​ການ​ເຄື່ອນ​ໄຫວ. ສິ່ງ​ທີ່​ສຳຄັນ​ທີ່​ສຸດ​ຂອງ​ຄົນ​ແມ່ນ​ກຳລັງ​ໃຈ, ຖ້າ​ມີ​ກຳລັງ​ໃຈ​ສາມາດ​ເຮັດ​ໄດ້​ທຸກ​ຢ່າງ. ກົງກັນຂ້າມ ຖ້າ​ບໍ່​ມີ​ກຳລັງ​ໃຈ ​ເຖິງ​ແມ່ນ​ວຽກ​ຈະ​ງ່າຍ​ປານ​ໃດ​ກໍ​ຕາມ​ກໍ​ຈະ​ບໍ່​ປະສົບ​ຜົນສຳ​ເລັດ. ດັ່ງນັ້ນ ຜູ້ນຳ​ພາ​ຈຶ່ງ​ບໍ່​ຄວນ​ຖື​ເບົາ​ການ​ສ້າງ​ຂວັນ ​ແລະ ກຳລັງ​ໃຈ​ໃຫ້​ຂັ້ນລຸ່ມ​ຢູ່​ສະ​ເໝີ ຖ້າ​ຢາກ​ມີ​ຜົນສຳ​ເລັດ​ໃນ​ໜ້າ​ທີ່​ວຽກ​ງານ.

error: Content is protected !!