ລາວ-ອົງການບັນເທົາທຸກກາໂຕລິກ ຫາລືວຽກງານໂຄງການ ສົ່ງເສີມໃຫ້ເດັກນ້ອຍທຸກຄົນ ໄດ້ເຂົ້າຮຽນໃນຊັ້ນປະຖົມສຶກສາ ໄລຍະ 2

- advert banner 728 90 728x90 - ລາວ-ອົງການບັນເທົາທຸກກາໂຕລິກ ຫາລືວຽກງານໂຄງການ ສົ່ງເສີມໃຫ້ເດັກນ້ອຍທຸກຄົນ ໄດ້ເຂົ້າຮຽນໃນຊັ້ນປະຖົມສຶກສາ ໄລຍະ 2

ເມື່ອບໍ່ດົນມານີ້, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ໄດ້ຕ້ອນຮັບການເຂົ້າຢ້ຽມພົບຂອງທ່ານ ມາດ ດີ ຊີວວາ ຜູ້ອໍານວຍການອົງການບັນເທົາທຸກກາໂຕລິກ ປະຈໍາພາກພື້ນອາຊີ, ພ້ອມດ້ວຍຄະນະ. ເພື່ອປຶກສາຫາລືວຽກງານໂຄງການ ສົ່ງເສີມໃຫ້ເດັກນ້ອຍທຸກຄົນ ໄດ້ເຂົ້າຮຽນໃນຊັ້ນປະຖົມສຶກສາ ໄລຍະ 2 ໂດຍສະເພາະແມ່ນຄວາມຄືບໜ້າຂອງການຈັດຕັ້ງປະຕິບັດໂຄງການ ແລະ ປຶກສາຫາລືກ່ຽວກັບແຜນການຮ່ວມມືໃນອະນາຄົດ.

- new3 - ລາວ-ອົງການບັນເທົາທຸກກາໂຕລິກ ຫາລືວຽກງານໂຄງການ ສົ່ງເສີມໃຫ້ເດັກນ້ອຍທຸກຄົນ ໄດ້ເຂົ້າຮຽນໃນຊັ້ນປະຖົມສຶກສາ ໄລຍະ 2

ໃນໂອກາດດັ່ງກ່າວ, ຜູ້ອໍານວຍການອົງການບັນເທົາທຸກກາໂຕລິກ ປະຈໍາພາກພື້ນອາຊີ ໃຫ້ຮູ້ວ່າ: ໂຄງການ ສົ່ງເສີມໃຫ້ເດັກນ້ອຍທຸກຄົນໄດ້ເຂົ້າຮຽນໃນຊັ້ນປະຖົມສຶກສາ ໄລຍະ 2, ໂດຍຈັດຕັ້ງປະຕິບັດ ໃນ 350 ໂຮງຮຽນ ໃນ 7 ເມືອງ ຄື: ເມືອງວິລະບູລີ, ເຊໂປນ, ເມືອງພີນ, ພະລານໄຊ, ອາດສະພອນ, ອຸທຸມພອນ ແລະ ເມືອງນອງ ແຂວງສະຫວັນນະເຂດ ລວມມີມູນຄ່າປະມານ 236 ຕື້​ກວ່າ​ກີບ, ​ໃນ​ນັ້ນ, ມາ​ຈາກ​ກະຊວງ​ກະສິກໍາ ສະຫະລັດ​ອາ​ເມຣິກາ ປະມານ 232 ຕື້​ກວ່າ​ກີບ, ຈາກ​ອົງການ Latter Day Saints Charities ປະມານ 2 ຕື້​ກວ່າ​ກີບ ​ແລະ ຈາກອົງການ​ບັນ​ເທົາ​ທຸກ​ກາ​​ໂຕ​ລິກ ປະມານ 1 ຕື້​ກວ່າ​ກີບ. ທັງນີ້, ກໍເພື່ອປະກອບສ່ວນໃຫ້ແກ່ການພັດທະນາເສດຖະກິດ-ສັງຄົມຂອງລາວ ໂດຍສະເພາະແມ່ນໂຄງການດັ່ງກ່າວ, ໄດ້ສຸມໃສ່ການປັບປຸງການອ່ານອອກຂຽນໄດ້ຂອງເດັກນ້ອຍໃນເກນອາຍຸເຂົ້າຮຽນ ຢູ່ໃນໂຮງຮຽນເປົ້າໝາຍ, ຊຶ່ງມັນສອດຄ່ອງກັບການສຶກສາເພື່ອໝົດທຸກຄົນ ໂດຍບໍ່ຈໍາແນກເພດ, ຄວາມເປັນພິການ ແລະ ຊົນເຜົ່າ ແລະ ເປົ້າໝາຍພັດທະນາແບບຍືນຍົງ SDG 4 ການສຶກສາທີ່ມີຄຸນນະພາບ ແລະ SDG 5 ຄວາມສະເໝີພາບຍິງ-ຊາຍ. ພ້ອມນີ້, ຍັງໄດ້ປຶກສາຫາລືກ່ຽວກັບແຜນການຮ່ວມມືໃນອະນາຄົດ ໂດຍສະເພາະແມ່ນອົງການດັ່ງກ່າວ, ຈະເອົາໃຈໃສ່ໃນການສ້າງຄວາມເຂັ້ມແຂງທາງດ້ານບຸກຄະລອນກອນໃນຂັ້ນທ້ອງຖິ່ນ, ຈະໃຫ້ການສະໜັບສະໜູນ ໃຫ້ນັກຮຽນມີການສຶກສາທີ່ດີ ແລະ ມີອະນາຄົດທີ່ສົດໃສ ແລະ ເປັນຄູ່ຮ່ວມງານທີ່ດີ.

ໃນໂອກາດດຽວກັນ, ທ່ານ ນາງ ແສງເດືອນ ຫຼ້າຈັນທະບູນ ກໍໄດ້ກ່າວຕ້ອນຮັບຢ່າງອົບອຸ່ນ ພ້ອມທັງສະແດງຄວາມດີໃຈຕໍ່ກັບການຮ່ວມມືກັນມານານເຖິງ 25 ປີ, ໃນການຊ່ວຍເຫຼືອໂຮງຮຽນ, ສະພາບແວດລ້ອມ, ການຮຽນ-ການສອນດີຂຶ້ນ, ພ້ອມທັງໃຫ້ສືບຕໍ່ໃຫ້ການຊ່ວຍເຫຼືອແໜ້ນແຟ້ນຫຼາຍຂຶ້ນ. ກະຊວງສຶກສາທິການ ແລະ ກິລາ ກໍມີຄວາມຕັ້ງໃຈຢາກໃຫ້ມີໂຮງຮຽນພິເສດໃນພາກກາງ ໂດຍສະເພາະແມ່ນແຂວງສະຫວັນນະເຂດ ເພື່ອໃຫ້ນັກເດັກນ້ອຍໄດ້ມີໂອກາດຮຽນຮູ້, ຮູ້ຫຼິ້ນກິລາ, ມີວິຊາຊີບ ແລະ ມີວຽກເຮັດງານທໍາທີ່ດີ.

- lattana 1 - ລາວ-ອົງການບັນເທົາທຸກກາໂຕລິກ ຫາລືວຽກງານໂຄງການ ສົ່ງເສີມໃຫ້ເດັກນ້ອຍທຸກຄົນ ໄດ້ເຂົ້າຮຽນໃນຊັ້ນປະຖົມສຶກສາ ໄລຍະ 2
error: Content is protected !!