ຮູ້ເລິກ – ຮູ້ກ້ວາງ ຄວາມແຕກຕ່າງທີ່ຄົນເຮັດວຽກຈຳເປັນຕ້ອງຮູ້

- advert banner 728 90 728x90 - ຮູ້ເລິກ – ຮູ້ກ້ວາງ ຄວາມແຕກຕ່າງທີ່ຄົນເຮັດວຽກຈຳເປັນຕ້ອງຮູ້

  ເມື່ອເຕັກໂນໂລຊີເຂົ້າມາມີບົດບາດຈົນຮູບແບບການເຮັດວຽກຕ່າງໄປຈາກເກົ່າ ຄົນເຮັດວຽກໃນຍຸກນີ້ຕ້ອງເປັນແບບໃດຈຶ່ງຈະໄປລອດ ຕ້ອງຍອມຮັບວ່າທຸກມື້ນີ້ເຕັກໂນໂລຊີເຂົ້າມາປ່ຽນແປງຮູບແບບການເຮັດວຽກໃຫ້ຕ່າງໄປຈາກແຕ່ກ່ອນຫລາຍ  ບໍລິສັດຕ່າງໆເລີ່ມມີການປ່ຽນຮູບແບບການເຮັດວຽກຫລາຍຂຶ້ນ ແລ້ວທັກສະແຮງງານແບບໃດທີ່ຈະຕອບຮັບໃນຍຸກນີ້ໄດ້ ສິ່ງນີ້ຍັງຄົງເປັນເລື່ອງທີ່ຄົນເຮັດວຽກຢາກຮູ້ຫລາຍທີ່ສຸດ ເພື່ອພັດທະນາສັກກະຍະພາບໃຫ້ຖືກເປົ້າໝາຍການຕະຫລາດແຮງງານ. ສ່ວນຄຳຖາມທີ່ວ່າ ລະຫ່ວາງຄົນທີ່ເຮັດຫຍັງໄດ້ຫລາຍຢ່າງ ແລະ ຮອບຮູ້ເລື່ອງລາວຕ່າງໆຢ່າງກ້ວາງໆ ຫລື Generalist ກັບຜູ້ຊ່ຽວຊານສະເພາະດ້ານທີ່ຮູ້ເລິກ ຫລື Specialist ນັ້ນ ແບບໃດດີກ່ວາກັນ ?

- 020804 2019 1024x683 - ຮູ້ເລິກ – ຮູ້ກ້ວາງ ຄວາມແຕກຕ່າງທີ່ຄົນເຮັດວຽກຈຳເປັນຕ້ອງຮູ້

     ຄຳຕອບຂອງເລື່ອງນີ້ເບິ່ງຄືຈະເປັນໃນລັກສະນະທີ່ວ່າ ກໍຂຶ້ນກັບແຕ່ລະສະຖານະການ. ສຳລັບຈຸດແຂງຂອງບຸກຄະລາກອນ 2 ປະເພດນີ້ກໍແມ່ນ Specialist  ຫລື ຜູ້ຊ່ຽວຊານສະເພາະດ້ານ ມັກຈະສາມາດເອີ້ນຄ່າຕອບແທນໄດ້ສູງກ່ວາ ໂດຍສະເພາະໃນເວລາທີ່ເສດຖະກິດຄຶກຄື້ນເຂັ້ມແຂງ. ຂະນະທີ່ຄົນຮອບຮູ້ ແລະ ຄ່ອງແຄ້ວໃນຫລາຍເລື່ອງ ຫລື Generalist ນັ້ນ ມັກໄດ້ປຽບກ່ວາໃນຍາມທີ່ເສດຖະກິດມີບັນຫາ ຫລື ຖົດຖອຍ ເພາະຈະເປັນທີ່ຕ້ອງການຂອງຜູ້ຈ້າງວຽກຫລາຍກ່ວາ.

     ໂຕຢ່າງວ່າ ໃນຊ່ວງທີ່ເສດຖະ ກິດຖົດຖອຍ ຜູ້ທີ່ມີທັກສະຄວາມຮູ້ ຢ່າງກ້ວາງໆເປັນທີ່ຕ້ອງການໃນຕະຫລາດແຮງງານ ແລະ ມີຄວາມໝັ້ນຄົງເລື່ອງວຽກງານຫລາຍກ່ວາຄົນທີ່ເກັ່ງສະເພາະດ້ານ, ແຕ່ນອກຈາກສະພາບເສດຖະກິດໂດຍລວມແລ້ວ ລັກສະນະ ແລະ ຂະໜາດຂອງອົງກອນກໍມີສ່ວນສຳຄັນໃນການກຳນົດຄວາມຕ້ອງການຊັບພະຍາກອນບຸກຄົນ ໝາຍຄວາມວ່າອົງກອນຂະໜາດນ້ອຍກ່ວາມີໂອກາດຕ້ອງການຄົນທີ່ຮອບຮູ້ຢ່າງກ້ວາງໆໃນຫລາຍດ້ານ ເພື່ອໃຫ້ສາມາດເຮັດວຽກທົດແທນກັນໄດ້. ຂະນະທີ່ອົງກອນຂະໜາດໃຫຍ່ ເຊິ່ງມີການແບ່ງສາຍວຽກສະເພາະຢ່າງຈະແຈ້ງ ກໍມັກຕ້ອງການຄົນທີ່ຮູ້ເລິກ ຫລື ຮູ້ສະເພາະດ້ານ ເພື່ອຮັບຜິດຊອບໜ້າວຽກຢ່າງສະເພາະເຈາະຈົງ.

- Tiger Head 728x90 - ຮູ້ເລິກ – ຮູ້ກ້ວາງ ຄວາມແຕກຕ່າງທີ່ຄົນເຮັດວຽກຈຳເປັນຕ້ອງຮູ້
- 1 1 - ຮູ້ເລິກ – ຮູ້ກ້ວາງ ຄວາມແຕກຕ່າງທີ່ຄົນເຮັດວຽກຈຳເປັນຕ້ອງຮູ້

     ໃນທຳນອງດຽວກັນ, Generalist ເຊິ່ງຖ້າຈະປຽບທຽບແລ້ວກໍຄືກັບ ເປັດ ທີ່ທັງລອຍນຳ້ໄດ້ ແລະ ຍ່າງເທິງບົກໄດ້ ມັກເປັນທີ່ຕ້ອງການຂອງທຸລະກິດແບບເລີ່ມຕົ້ນໃໝ່ ເຊິ່ງຄາດຫວັງຄວາມຄ່ອງແຄ້ວ ແລະ ຢາກໃຫ້ຄົນເຮັດວຽກສາມາດໃສ່ໝວກ ຫລື ປ່ຽນໝວກໄດ້ ເຊິ່ງມີຄວາມຈະແຈ້ງແນ່ນອນ ກໍໜ້າຈະພັດທະນາທັກສະແບບເລິກສະເພາະດ້ານສຳລັບໂຕເອງ. ປະເດັນສຳຄັນ ຂອງເລື່ອງນີ້ກໍແມ່ນ ເຮົາຕ້ອງຮູ້ຈັກໂຕເອງວ່າມັກຫຍັງ ຫລື ມັກຮຽນຮູ້ສິ່ງໃດແດ່ກ່ຽວກັບເລື່ອງຕ່າງໆຢ່າງຫລາກຫລາຍ ຫລື ເປັນຄົນທີ່ມັກຮູ້ເລິກຢ່າງຈິງຈັງ ແລະ ສ້າງຄວາມດຸ່ນດ່ຽງຂອງທັກສະຄວາມຮູ້ເຫລົ່ານີ້ຢ່າງເໝາະສົມຂຶ້ນມາ ເພາະຂະນະທີ່ຜູ້ເລີ່ມອາຊີບການເຮັດວຽກໃນຊ່ວງທຳອິດມັກມີໂອກາດເລີ່ມຈາກການເປັນ Generalist ແລະ ຄ່ອຍໆສະສົມຄວາມຮູ້ຄວາມຊຳ ນານຈົນກາຍມາເປັນ Specialist.

  ໂດຍເລື່ອງນີ້ເບິ່ງຈະຍິ່ງມີຄວາມສຳຄັນຫລາຍຂຶ້ນໃນໂລກ ເຊິ່ງອົງກອນຄວາມຮູ້ຕ່າງໆພັດທະນາ ແລະ ກ້າວໜ້າຢ່າງວ່ອງໄວ ເຮົາຈຶ່ງຄວນຕ້ອງຮູ້ໃຫ້ກ້ວາງເພື່ອນຳໃຫ້ທັນໂອກາດຄວາມປ່ຽນແປງ ຂະນະທີ່ຮູ້ເລິກໃນເລື່ອງທີ່ສົນໃຈ ເພື່ອໃຫ້ສາມາດວິເຄາະໄຈ້ແຍກ ແລະ ແກ້ບັນຫາຕ່າງໆໄດ້ຢ່າງແທ້ຈິງ.

error: Content is protected !!