ນໍ້າປະປາ ນະຄອນຫລວງວຽງຈັນ ຮຽກຮ້ອງໃຫ້ນໍາໃຊ້ນໍ້າຢ່າງປະຢັດໃນໄລຍະສົງການ

- advert banner 728 90 728x90 - ນໍ້າປະປາ ນະຄອນຫລວງວຽງຈັນ ຮຽກຮ້ອງໃຫ້ນໍາໃຊ້ນໍ້າຢ່າງປະຢັດໃນໄລຍະສົງການ

ເນື່ອງໃນໂອກາດສະເຫລີມສະຫລອງປີໃໝ່ລາວທີ່ຈະມາເຖິງນີ້, ທ່ານ ຄໍາເຜີຍ ວົງສາຄໍາຜຸຍ ອໍານວຍການ ລັດວິສາຫະກິດ ນໍ້າປະ ປານະຄອນຫລວງວຽງຈັນ ໄດ້ຖະແຫລງຂ່າວຕໍ່ສື່ມວນຊົນໃນວັນທີ 9 ເມສາ ນີ້ວ່າ: ເພື່ອເຮັດໃຫ້ການສະເຫລີມສະຫລອງປີໃໝ່ລາວມີຄວາມເບີກບານມ່ວນຊື່ນໄປຄຽງຄູ່ກັບການນໍາໃຊ້ນໍ້າຢ່າງປະຢັດ ຈຶ່ງຂໍຮຽກຮ້ອງໃຫ້ທົ່ວສັງຄົມໃຊ້ນໍ້າຢ່າງມີສະຕິ, ຖ້າ ວ່າທຸກຂົງເຂດໃຊ້ນໍ້າຢ່າງຟຸ່ມເຟືອຍແລ້ວກໍຈະເຮັດໃຫ້ບັນດາເຂດບ້ານທີ່ຫ່າງໄກສອກຫລີກໄດ້ຮັບຜົນກະທົບ ເນື່ອງຈາກວ່າການຜະລິດ ແລະ ການຕອບສະ ໜອງນໍ້າຍັງບໍ່ພຽງພໍຕາມຄວາມຮຽກຮ້ອງຕ້ອງການຂອງສັງຄົມ, ດັ່ງນັ້ນຂໍຮຽກ ຮ້ອງໃຫ້ມີການປະຢັດນໍ້າເພາະຊ່ວງໄລຍະປີໃໝ່ລາວຂອງທຸກປີຜ່ານມາແມ່ນການນໍາໃຊ້ນໍ້າຈະເພີ່ມທະວີຂຶ້ນ ເຊິ່ງເນື່ອງມາຈາກມີການນໍາໃຊ້ນໍ້າເຂົ້າໃນການຫົດ ສົງກັນຫລາຍໆຄັ້ງ. ໃນປີຜ່ານມາການຜະລິດນໍ້າຂອງນະຄອນຫລວງສາມາດ ປະຕິບັດໄດ້ພຽງ 320.000 ແມັດກ້ອນຕໍ່ມື້ໃນເຂດພື້ນທີ່ບໍລິການ 7 ເມືອງໃນ ແລະ 2 ເມືອງນອກຄື: ເມືອງສັງທອງ, ເມືອງປາກງື່ມ ເຊິ່ງເປັນລະບົບນໍ້າປະປາ ຂະໜາດນ້ອຍມີກໍາລັງການຜະລິດໄດ້ພຽງ 2.990 ແມັດກ້ອນຕໍ່ມື້. ດັ່ງນັ້ນ, ຈຶ່ງເຮັດໃຫ້ການຕອບສະໜອງນໍ້າໃນບາງຂົງເຂດບໍ່ພຽງພໍ ແລະ ຖ້າມີ ການນໍາໃຊ້ນໍ້າຫລາຍຂຶ້ນໃນຊ່ວງໄລຍະສົງການນີ້ຍັງຈະເປັນອຸປະສັກໃຫ້ແກ່ການສະໜອງນໍ້າໃຫ້ແກ່ເຂດຫ່າງໄກສອກຫລີກຕ່າງໆ, ເຊິ່ງປັດຈຸບັນນໍ້າປະປານະ ຄອນຫລວງວຽງຈັນ ສາມາດຜະລິດນໍ້າຈະເພີ່ມຂຶ້ນເປັນ 324.000 ແມັດກ້ອນຕໍ່ມື້ ລວມທັງໂຮງງານ BOT ທ່າເດື່ອ (ຫາດຊາຍຟອງ) 20.000 ແມັດກ້ອນຕໍ່ມື້ ແລະ BOT ແສນດິນ 24.000 ແມັດກ້ອນຕໍ່ມື້ເທົ່ານັ້ນ.

- Tiger Head 728x90 - ນໍ້າປະປາ ນະຄອນຫລວງວຽງຈັນ ຮຽກຮ້ອງໃຫ້ນໍາໃຊ້ນໍ້າຢ່າງປະຢັດໃນໄລຍະສົງການ
- 1 1 - ນໍ້າປະປາ ນະຄອນຫລວງວຽງຈັນ ຮຽກຮ້ອງໃຫ້ນໍາໃຊ້ນໍ້າຢ່າງປະຢັດໃນໄລຍະສົງການ
- lattana 1 - ນໍ້າປະປາ ນະຄອນຫລວງວຽງຈັນ ຮຽກຮ້ອງໃຫ້ນໍາໃຊ້ນໍ້າຢ່າງປະຢັດໃນໄລຍະສົງການ
error: Content is protected !!