ລາວເລັ່ງຄັດເລືອກນັກກິລາຜູ້ມີພອນສະຫວັນ ເຂົ້າຮຽນໂຮງຮຽນກິລາ-ກາຍະກຳ

- advert banner 728 90 728x90 - ລາວເລັ່ງຄັດເລືອກນັກກິລາຜູ້ມີພອນສະຫວັນ ເຂົ້າຮຽນໂຮງຮຽນກິລາ-ກາຍະກຳ

      ປັດຈຸບັນຄະນະ​ກຳມະການ​ຄັດ​ເລືອກ​ນັກ​ກິລາ​ໄດ້​ເລັ່ງຄັດ​ເລືອກ​ເອົາ​ນັກ​ກິລາ​ດີ​ເດັ່ນ​ເຂົ້າຮຽນ​ໂຮງຮຽນ​ພອນ​ສະຫວັນ​ກິລາ-ກາ​ຍະ​ກຳ​ໂດຍ​ບໍ່​ເສຍ​ຄ່າ​ໃດໆ.

- lattana 1 - ລາວເລັ່ງຄັດເລືອກນັກກິລາຜູ້ມີພອນສະຫວັນ ເຂົ້າຮຽນໂຮງຮຽນກິລາ-ກາຍະກຳ

      ທ່ານ ນາງ ​ໂນ​ລີ ຊາ​ມົນຕີ ຄະນະ​ກຳມະການ​ຄັດ​ເລືອກ​ນັກ​ກິລາດັ່ງກ່າວ ທັງ​ເປັນ​ຄູ​ຝຶກ​ນັກ​ກິລາ​ກະຕໍ້​ທີ​ມຊາດ​ລາວ ​ໃຫ້​ສຳພາດ​ວ່າ: ພາຍຫລັງ​ໄດ້​ຮັບ​ການ​ແຕ່ງຕັ້ງຈາກ​ຂັ້ນ​ເທິງ​ແລ້ວ ທາງ​ຄະນະ​ກຳມະການ​ຂອງ​ຕົນ​ຈຳນວນ 20 ຄົນ ​ໄດ້​ແບ່ງ​ອອກ​ເປັນ 2 ຂະ​ບວນຄື: ຂະ​ບວນທີ 1 ​ໄປ​ພາກ​ເໜືອ​ປະກອບ​ມີ: ​ແຂວງ​ຊຽງ​ຂວາງ, ​ໄຊ​ຍະ​ບູລີ, ອຸດົມ​ໄຊ ​ແລະ ​ແຂວງ​ຫລວງ​ນ້ຳທາ. ສ່ວນ​ຂະ​ບວນທີ 2 ​ໄປ​ພາກ​ໃຕ້​ປະກອບ​ມີ: ​ແຂວງ​ສະຫວັນ​ນະ​ເຂດ, ສາລະ​ວັນ, ຈຳປາ​ສັກ ​ແລະ ​ແຂວງ​ອັດ​ຕະປື ​ເພື່ອ​ຄັດ​ເລືອກ​ເອົາ​ນັກ​ກິລາ​ພອນ​ສະຫວັນ​ດີ​ເດັ່ນ​ກຽມ​ບັນຈຸ​ເຂົ້າຮຽນ​ໃນ​ໂຮງຮຽນ​ພອນ​ສະຫວັນດັ່ງກ່າວ ປະຈຳ​ສົກຮຽນ 2019-2020. ສະ​ເພາະ​ຢູ່ 4 ​ແຂວງ​ພາກ​ເໜືອ​ສາມາດ​ຄັດ​ເລືອກ​ໄດ້​ແລ້ວ 43 ຄົນ ​ເຊິ່ງປະກອບ​ມີ: ຍິງ 18 ຄົນ, ຊາຍ 25 ຄົນ ​ໂດຍ​ຈະ​ກຽມ​ເດີນທາງ​ເຂົ້າຄັດ​ເລືອກ​ຄັ້ງສຸດ​ທ້າຍ​ໃນ​ເດືອນ​ກໍລະກົດ​ນີ້ ທີ່​ໂຮງຮຽນ​ພອນ​ສະຫວັນ​ດັ່ງກ່າວ ຢູ່​ບ້ານ​ສີ​ເກີດ ​ເມືອງ​ນາ​ຊາຍ​ທອງ ນະຄອນຫລວງ​ວຽງ​ຈັນ.

      ສຳລັບ​ມາດຕະຖານ​ໃນ​ການ​ຄັດ​ເລືອກ​ນັກ​ກິລາ​ພອນ​ສະຫວັນ​ດີ​ເດັ່ນ​ໃຫ້​ຖືກ​ຕາມ​ເງື່ອນ​ໄຂ ​ແລະ ​ເປົ້າໝາຍ​ທີ່​ໂຮງຮຽນ​ກຳນົດ​ໄວ້​ນັ້ນ ບັນດາ​ຄູ​ຝຶກ​ໄດ້​ເນັ້ນການ​ກວດ​ສອບ​ນັກ​ກິລາ​ທາງ​ດ້ານ​ສະມັດຖະພາບ​ຮ່າງກາຍ ​ເປັນຕົ້ນ​ແມ່ນ​ການ​ກຳນົດ​ເອົາ​ລວງ​ສູງ, ນ້ຳໜັກ, ​ເຕັກນິກ​ຄວາມ​ສາມາດ​ສະ​ເພາະ​ຕົວ​ຂອງ​ນັກ​ກິລາ, ຄວາມ​ແຂ່ງ​​ແກ່ນ ​ແລະ ອື່ນໆ. ສະ​ເພາະ​ເຂດ​ພາກ​ເໜືອ​ໄດ້​ຄັດ​ເລືອກ​ເອົາ 6 ປະ​ເພດ​ກິລາ​ຄື: ກິລາ​ຍິງ​ທະນູ, ກາຣາ​ເຕ​ໂດ, ຍົກ​ນ້ຳໜັກ, ກະຕໍ້, ​ເປ​ຕັງ ​ແລະ ກິລາ​ແລ່ນ-ລານ, ສ່ວນ​ພາກ​ໃຕ້​ກຳນົດ​ເອົາ 7 ປະ​ເພດ​ກິລາ ປະກອບ​ມີ: ກິລາ​ວູຊູ, ​ເທ​ຄວັນ​ໂດ, ມວຍ​ສາກົນ, ມວຍ​ປ້ຳ, ຢູ​ໂດ, ​ເຕັນ​ນິສ ​ແລະ ກິລ​າ​ແລ່ນ-ລານ.

- 1 1 - ລາວເລັ່ງຄັດເລືອກນັກກິລາຜູ້ມີພອນສະຫວັນ ເຂົ້າຮຽນໂຮງຮຽນກິລາ-ກາຍະກຳ
- Tiger Head 728x90 - ລາວເລັ່ງຄັດເລືອກນັກກິລາຜູ້ມີພອນສະຫວັນ ເຂົ້າຮຽນໂຮງຮຽນກິລາ-ກາຍະກຳ
error: Content is protected !!