ເຊັນສັນຍາຜູ້ອຸປະຖຳຫລັກງານແຂ່ງຂັນເພາະກາຍ Mr.Lao ຊາຍ+ຍິງ ຫຸ່ນດີປະຈຳປີ 2017

 

ໃນວັນທີ 13 ມີນາຜ່ານມາ ຢູ່ຫ້ອງປະຊຸມໃຫຍ່ຄະນະປະສານງານໂອແລມປິກແຫ່ງຊາດລາວ ສະຫະພັນເພາະກາຍແຫ່ງຊາດລາວ ໄດ້ຈັດພິທີເຊັນສັນ ຍາຜູ້ອຸປ
ະຖຳຫລັກໃນການແຂ່ງຂັນເພາະກາຍ Mr.lao ຊາຍ+ຍິງ ຫຸ່ນດີປະຈຳປີ 2017 ລະຫວ່າງທ່ານ ພູມີ ບັນນາວົງ ປະທານສະຫະພັນ ເພາະກາຍແຫ່ງຊາດ ແລະ ທ່ານ ສອນສະຫວັນ ສຸກດາລາ ອຳນວຍການ ບໍລິສັດ ນະຄອນຫລວງອຸດສາຫະກຳເຫລັກ ຈຳກັດ ໃຫ້ການອຸປະຖຳເປັນເງິນ  100 ລ້ານກີບ ໂດຍມີ ທ່ານ ສົມພູ ພົງສາ ຜູ້​ຊ່ວຍ​ລັດຖະມົນຕີ ກະຊວງ​ສຶກສາ​ທິການ ​ແລະ ກິລາ ຮອງ​ປະທານ​ເລຂາທິການ​ຄະນະ​ກຳມະການ​ໂອ​ແລມປິກ​ແຫ່ງຊາດ​ລາວເຂົ້າຮ່ວມເປັນສັກຂີພິຍານ.

ທ່ານປະທານສະຫະພັນເພາະກາຍແຫ່ງຊາດລາວໄດ້ກ່າວຈຸດປະສົງວ່າ : ເພື່ອເປັນການສົ່ງເສີມໃຫ້ຄົນລາວມີສຸຂະພາບແຂງແຮງ ເວົ້າສະເພາະ ແມ່ນສົ່ງເສີມຊາວຫນຸ່ມຫັນມາອອກກຳລັງກາຍມີສຸຂະພາບແຂງແຮງ, ຫ່າງໄກຈາກຢາເສບຕິດ ແລະ ສິ່ງມຶນເມົາຕ່າງໆ ການອອກຳລັງກາຍທີ່ຖືກວິທິ ມີແບບແຜນຈະເຮັດໃຫ້ມີບຸກຄະລິກທີ່ສະຫງ່າງາມ ໂດຍມີອຸປະກອນ ນ້ຳຫນັກຫລາຍຢ່າງ ພ້ອມທັງມີຊ່ຽວຊານ ຫລື ຄູເຝິກ ແນະນຳຕາມຂັ້ນຕອນ. ເພາະສະນັ້ນ ກິລາເພາະກາຍຈຶ່ງເອີ້ນວ່າເປັນກິລາພື້ນຖານໃຫ້ແກ່ກິລາທຸກປະເພດເຊິ່ງມີຄວາມ ຈຳເປັນຕໍ່ທຸກຄົນ.

ປັດຈຸບັນກິລາເພາະກາຍໄດ້ຮັບຄວາມນິຍົມຢ່າງຫລວງຫລາຍ ບໍ່ວ່າພາຍ ໃນປະເທດ ຫລື ຕ່າງປະເທດເຊິ່ງເປັນເງື່ອນໄຂທີ່ເຫມາະສົມໃນການຈັດການແຂ່ງຂັນແຕ່ລະປີເພື່ອຈະໄດ້ຄັດເລືອກນັກກິລາເຂົ້າເປັນນັກກິລາທີມຊາດ ເພື່ອໄປແຂ່ງຂັນກິລາໂອລິມປິກ ແລະ ເຮັດໃຫ້ມີມາດ ຖານເງື່ອນ ໄຂນັກກິລາເພາະແຫ່ງຊາດລາວ ເຂົ້າຢູ່ໃນສະມາຊິກຂອງສະ ຫະພັນນັກກິລາ ເພາະກາຍອາຊຽນ ແລະ ສາກົນຕໍ່ໄປ.

ສຳລັບການແຂ່ງຂັນແບ່ງອອກເປັນ 4 ຮຸ່ນຄື : ຮຸ້ນນ້ຳຫນັກຕຳ່ກວ່າ 70 ກິໂລ ລົງມາ, ນ້ຳຫນັກ 72 ກິໂລຂຶ້ນໄປ, ປະເພດຊາຍຫຸ່ນງາມ ຕ້ອງມີ ລວງສູງ 170-180 Cm ແລະ ປະເພດຍິງຫຸ່ນງາມ ບໍ່ຈຳກັດລວງ ສູງ. ການແຂ່ງຂັນຈະມີຂຶ້ນໃນວັນທີ 1 ເມສາ 2017 ເວລາ 16:00 ໂມງ ຢູ່ເດີ່ນຈອດລົດ ຫໍວັດທະນະທຳແຫ່ງຊາດ ໂທລະພາບແຫ່ງ ຊາດລາວ ຊ່ອງ 1 ຮັບຫນ້າທີ່ຖ່າ
ຍທອດສົດ.

error: Alert: Content is protected !!