ສານຂອງພະນະທ່ານ ນາຍົກລັດຖະມົນຕີແຫ່ງ ສປປ ລາວ ເນື່ອງໃນໂອກາດ ວັນເດັກສາກົນ ວັນທີ 1 ມິຖຸນາ 2019

- advert banner 728 90 728x90 - ສານຂອງພະນະທ່ານ ນາຍົກລັດຖະມົນຕີແຫ່ງ ສປປ ລາວ ເນື່ອງໃນໂອກາດ ວັນເດັກສາກົນ ວັນທີ 1 ມິຖຸນາ 2019


ພີ່ນ້ອງຮ່ວມຊາດ ທີ່ນັບຖື ຮັກແພງ
ລູກຫຼານລາວບັນດາເຜົ່າ ທີ່ຮັກທັງຫລາຍ !

ໃນທາມກາງທີ່ທົ່ວພັກ, ທົ່ວລັດ ແລະ ທົ່ວປວງຊົນລາວ ພວມພ້ອມກັນຜັນຂະຫຍາຍ ແລະ ຈັດຕັ້ງປະຕິບັດມະຕິຂອງກອງປະຊຸມໃຫຍ່ ຄັ້ງທີ X ຂອງພັກ ແລະ ແຜນການພັດທະນາເສດຖະກິດສັງຄົມ 5 ປີ ຄັ້ງທີ VII, ພວກເຮົາພ້ອມກັບປະຊາຊາດໃນທົ່ວໂລກສະເຫລີມສະຫລອງວັນເດັກສາກົນ ວັນທີ 1 ມິຖຸນາ 2019 ຄຽງຄູ່ກັບການຈັດຕັ້ງຂະບວນການວັນປູກຕົ້ນໄມ້ແຫ່ງຊາດ ຢ່າງເປັນ ຂະບວນຟື້ນຟື້ນ, ປີນີ້ ເປັນປີພິເສດ ເພາະພວກເຮົາຈະໄດ້ມາຮ່ວມກັນທົບທວນການຈັດຕັ້ງປະຕິບັດ ສົນທິສັນຍາ ວ່າດ້ວຍສິດທິເດັກ ຄົບຮອບ 30 ປີ ແລະ ກໍານົດທິດທາງການພັດທະນາເດັກລາວ ບັນດາເຜົ່າ ຮອດປີ 2030 ພາຍໃຕ້ຄໍາຂວັນ “ສຸມທຸກກໍາລັງເຫື່ອແຮງ ແລະ ຄວາມສາມາດ ເພື່ອພັດທະນາແມ່ຍິງ ແລະ ເດັກ ໃຫ້ມີສຸຂະພາບສົມບູນ, ແຂງແຮງດ້ານຮ່າງກາຍ ແລະ ຈິດໃຈ, ມີຄວາມຮູ້ຄວາມສາມາດ ແລະ ສະຕິປັນຍາໃນການດໍາລົງຊີວິດ, ຊຸກຍູ້ໃຫ້ ຄອບຄົວໃນທົ່ວສັງຄົມ ເປັນເຈົ້າການໃນການປະຕິບັດສິດທິຕໍ່ແມ່ຍິງ ແລະ ເດັກ, ປ້ອງ ກັນ, ຕ້ານ ແລະ ແກ້ໄຂບັນຫາການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ ເພື່ອໃຫ້ມີ ຄວາມຍຸຕິທໍາ ”.

ພັກ ແລະ ລັດຖະບານ ຍາມໃດກໍ່ຖືເອົາວຽກງານປົກປ້ອງ ແລະ ພັດທະນາເດັກ ເປັນວຽກງານ ທີ່ສໍາຄັນ ເພາະເດັກເປັນອະນາຄົດຂອງຊາດ. ເດັກໃນມື້ນີ້ ຈະກາຍເປັນຜູ້ໃຫຍ່ໃນມື້ຫນ້າ ແລະ ຈະເປັນ ຜູ້ຕັດສິນສະຕາຕໍ່ປະເທດຊາດ ກໍ່ຄືຄວາມຢູ່ດີກິນດີ ແລະ ຄວາມຮັ່ງມີຜາສຸກ ຂອງປະຊາຊົນກໍ່ຄືຄວາມ ຈະເລີນຮຸ່ງເຮືອງຂອງບ້ານເມືອງ.

ພີ່ນ້ອງຮ່ວມຊາດ ທີ່ຮັກແພງທັງຫລາຍ!

ຜ່ານການຈັດຕັ້ງປະຕິບັດວຽກງານປົກປ້ອງ ແລະ ພັດທະນາເດັກ ພວກເຮົາມີຄວາມພາກພູມ ໃຈ ທີ່ເຫັນວ່າ ພວກເຮົາສາມາດບັນລຸຜົນສໍາເລັດຫຼາຍດ້ານ ເປັນຕົ້ນແມ່ນການປົກປ້ອງສິດທິເດັກ, ການສະກັດກັ້ນ ແລະ ປາບປາມການຄ້າຂາຍເດັກ ແລະ ຄ້າປະເວນີເດັກ, ການແກ້ໄຂບັນຫາສິ່ງລາມົກອານາ ຈານກ່ຽວກັບເດັກ, ການປ້ອງກັນ, ຕ້ານ ແລະ ແກ້ໄຂບັນຫາການໃຊ້ຄວາມຮຸນແຮງຕໍ່ເດັກ, ການ ສົ່ງເສີມ ແລະ ພັດທະນາເດັກ ແລະ ວຽກງານອື່ນໆ ທີ່ຕິດພັນກັບການປະຕິບັດພັນທະ ແລະ ສົນທິສັນຍາສາກົນກ່ຽວກັບເດັກ, ດ້ວຍເຫດຜົນນີ້ ສປປ ລາວ ຈຶ່ງຖຶກຍອມຮັບວ່າເປັນປະເທດຫນຶ່ງ ທີ່ ມີຄວາມຄືບຫນ້າດີໃນວຽກງານປົກປ້ອງ, ສົ່ງເສີມສິດ ແລະ ຜົນປະໂຫຍດຂອງເດັກລາວບັນດາເຜົ່າ ກໍ່ຄື ການລຶບລ້າງທຸກຮູບແບບການຈໍາແນກ ແລະ ການໃຊ້ຄວາມຮຸນແຮງຕໍ່ເດັກ, ການມີສ່ວນຮ່ວມຂອງ ເດັກ ແລະ ສ້າງໂອກາດໃຫ້ເດັກ ໄດ້ຮັບການພັດທະນາ ແລະ ເຕີບໃຫຍ່ ຢ່າງມີຄຸນນະພາບໃນສັງຄົມ.

– ຕໍ່ຜົນສໍາເລັດດັ່ງກ່າວ, ຕາງຫນ້າໃຫ້ການນໍາພັກ ແລະ ລັດຖະບານ, ຂ້າພະເຈົ້າ ຂໍສະແດງຄວາມ ຍ້ອງຍໍຊົມເຊີຍ ແລະ ສະແດງຄວາມຂອບໃຈ ມາຍັງຄະນະກໍາມາທິການເພື່ອຄວາມກ້າວຫນ້າຂອງ ແມ່ຍິງ ແລະ ເດັກ, ອົງການຈັດຕັ້ງພາກລັດ ຂັ້ນສູນກາງ ແລະ ທ້ອງຖິ່ນ, ອົງການຈັດຕັ້ງມະຫາຊົນ, ອົງ ການຈັດຕັ້ງສາກົນ, ພາກທຸລະກິດ ຕະຫຼອດຮອດຮອດພໍ່ແມ່ປະຊາຊົນລາວບັນດາເຜົ່າລວມທັງເດັກທຸກ ຄົນ ໃນທົ່ວປະເທດ ທີ່ໄດ້ໃຫ້ການສະຫນັບສະຫນູນ ແລະ ປະກອບສ່ວນຢ່າງຕັ້ງຫນ້າ ໃນການຈັດຕັ້ງ ປະຕິບັດວຽກແມ່ ແລະ ເດັກ ເຮັດໃຫ້ວຽກງານດ້ານນີ້ມີການປັບປຸງດີຂຶ້ນ ແລະ ມີຜົນສໍາເລັດເປັນ ກ້າວໆມາ.

ບັນດາທ່ານ ບັນດາສະຫາຍ, ເພື່ອນມິດ ທີ່ຮັກແພງທັງຫລາຍ !

ເຖິງແມ່ນວ່າວຽກງານປົກປ້ອງ ແລະ ພັດທະນາເດັກ ຈະມີຜົນສໍາເລັດຫລາຍດ້ານກໍຕາມ ແຕ່ ພວກເຮົາຍັງປະເຊີນຫນ້າກັບສິ່ງທ້າທາຍຫລາຍດ້ານ ໂດຍສະເພາະ ບັນຫາຄວາມທຸກຍາກຂາດເຂີນຂອງ ເດັກຕ່າງໆ, ບັນຫາຂາດໂພຊະນາການ, ພາວະເດັກຂາດສານອາຫານ, ອັດຕາການເຂົ້າຮຽນໃນພາກການ

- 1 1 - ສານຂອງພະນະທ່ານ ນາຍົກລັດຖະມົນຕີແຫ່ງ ສປປ ລາວ ເນື່ອງໃນໂອກາດ ວັນເດັກສາກົນ ວັນທີ 1 ມິຖຸນາ 2019
- Tiger Head 728x90 - ສານຂອງພະນະທ່ານ ນາຍົກລັດຖະມົນຕີແຫ່ງ ສປປ ລາວ ເນື່ອງໃນໂອກາດ ວັນເດັກສາກົນ ວັນທີ 1 ມິຖຸນາ 2019

ສຶກສາກ່ອນໄວຮຽນ ແລະ ການສຶກສາພາກບັງຄັບ, ການນໍາໃຊ້ສື່ສັງຄົມອອນລາຍຂອງເດັກ, ບັນຫາຢາ ເສບຕິດ ແລະ ບັນຫາອື່ນໆ ຍັງເປັນໄພຄຸກຄາມ ແລະ ຈໍາກັດການພັດທະນາຂອງເດັກ. ນອກຈາກນັ້ນ, ຄວາມຮັບຮູ້ ແລະ ຄວາມເຂົ້າໃຈໃນສັງຄົມ ແລະ ໃນບາງຊົນເຜົ່າ ໂດຍສະເພາະແມ່ນໃນເຂດທຸກຍາກ, ຫ່າງໄກສອກຫຼີກ ຍັງຍຶດຖືທັດສະນະຄະຕິແບບຄອງເດີມ ແລະ ປ່ຽນແປງໄດ້ຊ້າ ບັນຫາເຫຼົ່ານີ້ ຈະຕ້ອງ ຮ່ວມແຮງຮ່ວມໃຈກັນແກ້ໄຂໃຫ້ນັບມື້ນັບລຸລົງໄປ.

ໃນໂອກາດສະເຫລີມສະຫລອງວັນເດັກສາກົນ 01 ມິຖຸນາ 2013 ນີ້, ຕາງຫນ້າໃຫ້ພັກ-ລັດຖະ ບານ, ຂ້າພະເຈົ້າ ຂໍຮຽກຮ້ອງມາຍັງ ບັນດາອົງການການຈັດຕັ້ງຂອງພັກ-ລັດຖະບານ, ແນວລາວສ້າງ ຊາດ, ອົງການຈັດຕັ້ງມະຫາຊົນ ແລະ ຫົວຫນ່ວຍທຸລະກິດທັງພາກລັດ ແລະ ເອກະຊົນ ຕະຫລອດເຖິງ ປະຊາຊົນ ແລະ ເດັກລາວບັນດາເຜົ່າ ໃນຂອບເຂດທົ່ວປະເທດ ຈົ່ງຍົກສູງຄວາມຮັບຜິດຊອບຂອງຕົນ ແລະ ເພີ້ມທະວີອອກແຮງປະຕິບັດວຽກງານແມ່ ແລະ ເດັກ ເວົ້າລວມ, ເວົ້າສະເພາະແມ່ນການ ພິຈາລະນາຄໍາເຫັນຂອງຕົວແທນເດັກໃນຂອບເຂດທົ່ວປະເທດ ກ່ຽວກັບການຈັດຕັ້ງປະຕິບັດວຽກ ສິດທິເດັກໃນໄລຍະ 30 ປີ ຜ່ານມາ ແລະ ແກ້ໄຂບັນຫາ, ສິ່ງທ້າທາຍ ແລະ ຂໍ້ຄົງຄ້າງໃນປະຈຸບັນ ເພື່ອ ຮັບປະກັນການັ້ນລຸວິໄສທັດການພັດທະນາເດັກລາວ ຮອດປີ 2030 ກໍ່ຄືການດູແລເອົາໃຈໃສ່, ການປົກ ປ້ອງ, ການພັດທະນາ ແລະ ການມີສ່ວນຮ່ວມຮອບດ້ານ ເພື່ອສ້າງເງື່ອນໄຂ ແລະ ໂອກາດໃຫ້ເດັກໄດ້ ຮັບການພັດທະນາ ແລະ ມີອະນາຄົດທີ່ສົດໃສ ກ້າວເປັນຜູ້ໃຫຍ່ທີ່ມີຄຸນນະພາບ, ເປັນກໍາລັງ ຊັບພະຍາກອນມະນຸດ ທີ່ມີຄວາມເຂັ້ມແຂງຂອງຊາດ ເພື່ອສືບຕໍ່ພາລະກິດປົກປັກຮັກສາ ແລະ ສ້າງສາ ພັດທະນາປະເທດຊາດ ໃຫ້ຈະເລີນຮຸ່ງເຮືອງ.

ຂ້າພະເຈົ້າຫວັງຢ່າງຍິ່ງວ່າ ຄະນະກໍາມາທິການ ເພື່ອຄວາມກ້າວຫນ້າຂອງແມ່ຍິງ ແລະ ແມ່-ເດັກ, ສະຖາບັນການສຶກສາ, ການຈັດຕັ້ງພັກ-ລັດ, ອົງການປົກຄອງທ້ອງຖິ່ນ, ປະເທດເພື່ອນມິດ,

ອົງການຈັດຕັ້ງສາກົນ, ພາກທຸລະກິດ ແລະ ທຸກພາກສ່ວນໃນທົ່ວສັງຄົມ ຕະຫຼອດຮອດພໍ່ແມ່ ແລະ ຄອບຄົວຂອງເດັກ ຈະສືບຕໍ່ເອົາໃຈໃສ່ສະຫນັບສະຫນູນ ແລະ ປະກອບສ່ວນໃນການປົກປ້ອງ, ຊຸກຍູ້ ສົ່ງເສີມ ແລະ ພັດທະນາເດັກນ້ອຍລາວ ໃຫ້ເຕີບໃຫຍ່ຢ່າງມີຄຸນນະພາບສູງ.

– ຂໍຮຽກຮ້ອງມາຍັງພວກລູກ, ພວກຫຼານ ແລະ ເດັກລາວບັນດາເຜົ່າທຸກຖ້ວນຫນ້າ ຈົ່ງເປັນ ເດັກຄໍາຮູ້ຜູ້ດີ ຂອງພໍ່ແມ່, ຄອບຄົວ ແລະ ສັງຄົມ, ຕັ້ງໃຈສຶກສາຮ່ໍາຮຽນ ໃຫ້ມີວິຊາຄວາມຮູ້, ມີສະຕິ ປັນຍາ, ມີຄວາມເປັນເຈົ້າຕົນເອງ, ມີຄວາມຮັບຜິດຊອບ, ມີຄຸນສົມບັດ ເປັນພົນລະເມືອງຫນຸ່ມແຫນ້ນມີ ຄຸນນະພາບຂອງສັງຄົມ ເພື່ອເປັນທີ່ເບິ່ງຂອງຊາດ, ອະນາຄົດຂອງປະເທດຊາດຂຶ້ນຢູ່ກັບຊາວຫນຸ່ມ, ເຍົາວະຊົນລຸ້ນນີ້ ແລະ ລຸ້ນຕໍ່ໆໄປ. – ສຸດທ້າຍນີ້, ຂ້າພະເຈົ້າ ຂໍອວຍພອນໃຫ້ເດັກລາວບັນດາເຜົ່າ ຈົ່ງມີສຸຂະພາບແຂງແຮງ, ຕັ້ງຫນ້າ ພັດທະນາຕົນເອງ, ເປັນລູກເປັນຫຼານທີ່ດີຂອງຄອບຄົວ, ຊຸມຊົນ ແລະ ສັງຄົມ ໃຫ້ມີຄວາມເຂັ້ມແຂງ ທາງຮ່າງກາຍ, ມີຄວາມສີວິໄລທາງຈິດໃຈ ແລະ ຮ່ວມກັນສະເຫລີມສະຫລອງວັນເດັກສາກົນປີນີ້ ໃຫ້ ມີບັນຍາກາດຄຶກຄື້ນ, ມ່ວນຊື່ນ ແລະ ມີຄວາມຜາສຸກເທີ້ນ!

ຂໍຂອບໃຈ

error: Content is protected !!